പണിക്കർ സ്പീക്കിംഗ്

ഗൗരി ലക്ഷ്മി

2012-01-31T10:28:00.000+05:30

മാക് മാജിക്

2011-12-09T20:44:00.001+05:30

ഫിഗർ സ്കാൻ-എം.ജിയും ചില സംഗതികളും!

2011-10-30T01:07:00.000+05:30

യേശുദാസ്‌ എന്ന മഹാമേരു മലയാളസിനിമാസംഗീത ലോകത്ത്‌ നിറഞ്ഞുനിൽക്കുന്ന കാലത്താണ്‌ ബാങ്കുദ്യോഗസ്ഥനായ എംജിയുടെ രംഗപ്രവേശം. സംഗീതപാരമ്പര്യമുള്ള കുടുംബത്തിൽ ജനിച്ചിട്ടും, സംഗീതം രക്തത്തിൽ അലിഞ്ഞുചേർന്നിരുന്നിട്ടും ആദ്യകാലങ്ങളിൽ സംഗീതജ്ഞരായ സഹോദരങ്ങളുടെ പേരിലറിയപ്പെടാനാണ്‌ ഈ ഗായകന്‌ യോഗമുണ്ടായത്‌.

പ്രിയദർശൻ, സുരേഷ്കുമാർ, മോഹൻലാൽ, ജഗദീഷ്‌, മണിയൻപിള്ള തുടങ്ങിയ ബാല്യകാലസുഹൃത്തുക്കളുടെ ശ്രമങ്ങൾക്കൊടുവിൽ അവർക്കൊപ്പം സിനിമയിൽ
എം.ജിയും പതിയെ വളരുകയായിരന്നു. ബാങ്കുദ്യോഗമുപേക്ഷിച്ച്‌ സിനിമയിൽ സജീവമായതിനു പിന്നിൽ ഉള്ളിലെ കറകളഞ്ഞ സംഗീതാഭിരുചിയല്ലാതെ മറ്റൊന്നുമല്ല. 1983-ൽ കൂലി എന്ന ചിത്രത്തിൽ ‘വെള്ളിക്കൊലുസ്സോടെ കളിയാടും’ എന്ന ഗാനത്തോടെയാണ് മലയാള സിനിമയിൽ തന്റെ അരങ്ങേറ്റം എം.ജി കുറിക്കുന്നത്. ദാസിന്റെ ഘനഗംഭീര മധുരശബ്ദത്തിനുമുന്നിൽ സ്വതവേ പൗരുഷം കുറഞ്ഞ ശബ്ദത്തിനുടമയായ എം.ജിയ്‌ക്ക്‌ തിളങ്ങാനായില്ലെങ്കിലും മോഹൻലാലെന്ന അതുല്യനടന്റെ ശബ്ദവുമായുള്ള ചേർച്ചയും സാമ്യവും തുണയ്ക്കെത്തുകയായിരുന്നു പിന്നീട്‌. നിത്യഹരിതനായകൻ പ്രേംനസീറിന്‌ ദാസിന്റെ ആലാപനസൗകുമാര്യം ഇഴുകിചേർന്നതുപോലൊരു കെമിസ്ട്രി ലാലിന്റെ അഭിനയത്തിൽ എം.ജിയുടെ ശബ്ദത്തിനുമുണ്ടായി. ലാൽ സ്വയം പാടി അഭിനയിക്കുന്ന സ്വാഭാവികതയും, ഫീലും കൈവരുത്താൻ എം.ജിയും ബോധപൂർവ്വം ശ്രമിക്കുകയുണ്ടായി എന്നുവേണം പറയാൻ. മറ്റ്‌ നടന്മാർക്കുവേണ്ടി പാടിയ ആദ്യകാലഗാനങ്ങൾ ശ്രദ്ധിക്കപ്പെടാതെ പോയെങ്കിലും മോഹൻലാൽ എന്ന താരത്തിന്റെ ആധിപത്യം ശ്രീകുമാറെന്ന ഗായകനേയും നിലനിർത്തി. അനുനാസികാസ്വഭാവവും, ഒരൽപ്പം സ്ത്രൈണതയുമുള്ള ഈ ശബ്ദം ലാലെന്ന നടനോടൊപ്പം അലിഞ്ഞുചേരുകയാണുണ്ടായത്‌. ആദ്യകാലങ്ങളിൽ ലാലിനും അത്തരമൊരു സ്ത്രൈണതയും, ഡയലോഗ്‌ പ്രസന്റേഷനുമുണ്ടായതുകൊണ്ടാവണം പ്രേക്ഷകർക്കും ഈ ശബ്ദസാമ്യം സ്വീകാര്യമായതും, എംജിയുടെ ഗാനങ്ങൾ ലാലിന്‌ മാച്ചായി അംഗീകരിക്കപ്പെട്ടതും. വൈകാതെ
ലാലിന്റെ സിനിമകൾക്കൊപ്പം എം.ജിയുടെ ഗാനങ്ങളും ഹിറ്റ്‌ ചാർട്ടിൽ ഇടം പിടിച്ചു. മോഹൻലാൽ എന്ന നടനെപ്പോലെ തന്നെ ഫ്ലക്സിബിളായിരുന്നു എം.ജി ശ്രീകുമാർ എന്ന ഗായകനും. ഏത്‌ ടൈപ്പ്‌ പാട്ടും ഏത്‌ റേഞ്ചിലും ഈസിയായി പാടാനുള്ള അപാരമായ കഴിവ്‌ ഈ ഗായകനെ മറ്റുള്ളവരിൽ നിന്നും വ്യത്യസ്തനാക്കി. ഫാസ്റ്റ്‌ സോംഗ്സും, മെലഡിയും, ശാസ്ത്രീയസംഗീതവും, ദു:ഖഗാനങ്ങളും എം.ജി അനായസമായി കൈകാര്യം ചെയ്തു. ചിത്രം, കിലുക്കം, മിഥുനം, മിന്നാരം, അദ്വൈതം, കിരീടം, അധിപൻ, ഇന്ദ്രജാലം, വന്ദനം, കാക്കക്കുയിൽ, ചന്ദ്രലേഖ, തേന്മാവിൻ കൊമ്പത്ത്‌ തുടങ്ങിയ ലാൽചിത്രങ്ങളിലൂടെ എം.ജി എന്ന ഗായകനും മലയാള സിനിമയുടെ അവിഭാജ്യഘടകമായി. ഉച്ചസ്ഥായിയിലും, കീഴ്സ്ഥായിയിലും അസാമാന്യവേഗത്തിലും അസാധ്യമായി പാടാനള്ള കഴിവും ശബ്ദനിയന്ത്രണവുമൊക്കെ എം.ജിക്കുണ്ടായിരുന്നെങ്കിലും, ഒരുവിഭാഗം ശ്രോതാക്കൾ ദാസേട്ടന്റെ ഏഴയലത്ത്‌ എത്താനുള്ള യോഗ്യത പോലും ഇദ്ദേഹത്തിന്‌ കൽപ്പിച്ചുകൊടുത്തിരുന്നില്ല. മണുക്കൂസ്‌ ശബ്ദമുള്ള ഗായകനായി എം.ജിയെ ചില അനിഷ്ടക്കാർ ഇകഴ്ത്തുന്നതിനുപിന്നിൽ അദ്ദേഹത്തിന്റെ അഹങ്കാരസ്പർശമുള്ള പെരുമാറ്റമാണെന്നാണ്‌ പിന്നാമ്പുറ പരദൂഷണം. ചാനലുകളിലെ റിയാലിറ്റിഷോകളാണ്‌ എം.ജിയെ ജനപ്രിയനാക്കിയതും, വെറുക്കപ്പെട്ടവനാക്കിയതുമെന്നത്‌ പരമമായ സത്യമാണ്‌. സരിഗമയിലൂടെ 'പാവങ്ങൾക്ക്‌' 'പയിനായിരവും, ലച്ചങ്ങളും' ക്ലൂ നൽകി മേടിച്ചുകൊടുക്കുന്ന പതിവ്‌ ഇപ്പോഴും തുടരുന്നുണ്ടെങ്കിലും, ഹിറ്റ്‌ ഷോ ഐഡിയാസ്റ്റാർ സിംഗർ തന്നെയാണ്‌. ശ്രീക്കുട്ടനെന്ന ചിരിക്കുട്ടനെ മിമിക്രിവേദികളിൽ പയിനായിരം തവണയെങ്കിലും മിമിക്രി ആർട്ടിസ്റ്റുകൾ അവതരിപ്പിച്ചുകാണും ഇതിനകം. അതിനും മാത്രം കോമാളിത്തരമൊക്കെ ചാനലുകളിലൂടെ എം.ജിയിൽ നിന്ന് കൊട്ടക്കണക്കിന്‌ അവർക്ക്‌ കിട്ടുന്നുണ്ട്‌. പറഞ്ഞുവരുന്നത്‌ എം.ജി സാമാന്യം നല്ലൊരു ഗായകൻ മാത്രമാണ്‌, നല്ലൊരു റിയാലിറ്റി ഷോ ജഡ്ജിയല്ല എന്നതാണ്‌. ഒരു നല്ല വിധികർത്താവിനുവേണ്ട ചില ഗുണങ്ങൾ അദ്ദേഹത്തിനില്ല. കൈരളി ചാനലിലെ ഗന്ധർവ്വസന്ധ്യയിലെ ജഡ്ജിംഗും, മഞ്ച്‌ സ്റ്റാർ സിംഗറിലെ വേണുഗോപാലിന്റേയും, സുജാതയുടേയുമൊക്കെ ജഡ്ജിംഗ്‌ ഇടപെടലുകളും സുതാര്യവും, പക്വതാപൂർണ്ണവും, നീതിയുക്തവുമായിരുന്നു. ഐഡിയാസ്റ്റാർ സിംഗറിൽ എം.ജിയും ശരത്തും ചേർന്ന് കഴിഞ്ഞ ആറ്‌ വർഷങ്ങളായി പ്രേക്ഷകരുടെ ക്ഷമ പരീക്ഷിച്ചുകൊണ്ടിരിക്കുന്നു എന്നത്‌ ഏവരും സമ്മതിക്കുന്ന സത്യമാണ്‌. എന്താണ്‌ ഒരു നല്ല വിധികർത്താവിനുവേണ്ട ഗുണങ്ങൾ....? സത്യത്തിൽ എന്തിനാണ്‌ നമുക്കീ റിയാലിറ്റി മഹാമഹങ്ങൾ...? പ്രതിഭയുള്ളവർ എന്നായാലും, എവിടെയായാലും രംഗത്തുവരും. അവസരങ്ങൾ ചാനലുകളിലൂടെ വീതിച്ചുകൊടുക്കുകയല്ല ചെയ്യേണ്ടത്‌. കഴിവുള്ളവർ അവസരങ്ങൾ കഷ്ടപ്പെട്ട്‌ കൈപ്പിടിയിലൊതുക്കുകയാണ്‌ വേണ്ടത്‌. അങ്ങനെയുള്ള പ്രതിഭകളേ നിലനിൽക്കൂ.

ഒരു വിധികർത്താവിന്‌ ആദ്യം വേണ്ടത്‌ നല്ല ക്ഷമയാണ്‌. നിങ്ങളെ നിങ്ങളാക്കിയ സംഗീത സംവിധായകർ നിങ്ങളോട്‌ കാട്ടിയിരുന്ന അതേ ക്ഷമ. അതില്ലാത്തവർ ഈ പണിക്ക്‌ പോകരുതെന്നാണ്‌ എന്റെ പക്ഷം. ഷോയിൽ പങ്കെടുക്കാൻ വരുന്നവരിൽ കഴിവുള്ളവരും, കഴിവില്ലാത്തവരും കാണും. ഇതാദ്യം തിരിച്ചറിയുകയാണ്‌ രണ്ടാമത്‌ വേണ്ട ഗുണം. ജഡ്ജിയുടെ വീരഗാഥകൾ സ്വയം പറഞ്ഞും പാടിപ്പുകഴ്ത്തിയും തൊലിക്കട്ടിയളക്കേണ്ട വേദിയല്ല എന്ന തിരിച്ചറിവാണ്‌ പിന്നീട്‌ വേണ്ടത്‌. കുറ്റങ്ങളും, കുറവുകളും ഒരു ഗുരുവിന്റെ സ്ഥാനത്തുനിന്ന് മൽസരാർത്ഥികളെ വേദനിപ്പിക്കാതെ പറഞ്ഞുമനസ്സിലാക്കി കൊടുക്കലാണ്‌ പ്രധാന ധർമ്മം. അർഹിക്കന്ന മാർക്ക്‌ കൊടുക്കുന്നത്‌ സംഗീതത്തോടുതന്നെ കാട്ടുന്ന നീതിയും. വേഷത്തിലും, ആലാപനത്തിലും വരുന്ന കുഴപ്പങ്ങൾ ചികഞ്ഞുകണ്ടുപിടിച്ച്‌ മൽസരാർത്ഥിയെ പബ്ലിക്കിനു മുന്നിൽ പരിഹസിച്ച്‌ വലിയവൻ ചമയുന്ന സ്ഥിരം പരിപാടി ആവർത്തിക്കാതിരിക്കലാണ്‌ പുതുതലമുറയോട്‌ ചെയ്യാവുന്ന ഏറ്റവും വലിയ കാര്യം. ചാനലുകാർ കൊടുക്കുന്ന പണത്തിന്റെ നന്ദി കാട്ടാനും, ഷോയുടെ കൊഴുപ്പും, റേറ്റിംഗും കൂട്ടാനും കാണിക്കുന്ന വളിച്ച തമാശകളും, പുളിച്ച കോമഡികളും ഒഴിവാക്കിയാൽ അർഹിക്കുന്ന ബഹുമാനമെങ്കിലും ജനം നിങ്ങൾക്ക്‌ നൽകും. സംയമനത്തോടെ, പ്രസന്നതയോടെ, സൗമ്യതയോടെ, സമച്ചിത്തതയോടെ നീതിപുരസ്സരം ഓരോ പാട്ടിനും വിധി പറയാൻ പഠിക്കുന്നതോടൊപ്പം ഉള്ളിലെ ഈഗോ വിളമ്പേണ്ട സ്ഥലമല്ല റിയാലിറ്റി ഷോയെന്ന തിരിച്ചറിവുകൂടിയുണ്ടായാൽ ഉള്ള വില കളയാതെ കാത്തുസൂക്ഷിക്കാം. മൽസരത്തിന്റെ ചില ഘട്ടങ്ങളിൽ പാട്ടിന്റെ അഴകളവുകൾ നിർണ്ണയിക്കുമ്പോൾ അസ്ഥാനത്ത്‌ പ്രയോഗിക്കുന്ന തന്റെ തമാശ (?) യിൽ ഈ മനുഷ്യൻ പരിസരം മറന്ന് പൊട്ടിച്ചിരിക്കുന്നത്‌ കണ്ടിട്ടുണ്ട്‌. ചിലനേരം കുട്ടികളെപ്പോലെ നിർമ്മലനായും, ചിലനേരം കർക്കശ്ശക്കാരനായ പരുഷഭാഷിയായും രൂപം മാറുന്നതും പ്രേക്ഷകരെപ്പോലും വിസ്മയിപ്പിച്ചിട്ടുണ്ടാവണം. തനിക്കുള്ള അറിവിന്റേയും, അനുഭവങ്ങളുടേയും ആഴം, സ്വയമറിയാതെ പ്രകടമാകുന്ന ഗർവ്വോടെ മറ്റുള്ളവരെ പറഞ്ഞറിയിക്കേണ്ടിവരുന്നത്‌ എത്ര വലിയ ഗതികേടാണ്‌. എം.ജിയെക്കാളും കഷ്ടമാണ്‌ ശരത്തിന്റെ കാര്യം. പ്രേക്ഷകരേയും, മൽസരാർത്ഥികളേയും വധിക്കുന്ന കാര്യത്തിൽ ഈ രണ്ടുപേർക്കും കൊടുക്കണം രണ്ടുകോടിയുടെ രണ്ടുഫ്ലാറ്റുകൾ. ഏറ്റവും പുതിയ സീസൺ ഷോയിൽ എം.ജിയുടെ ബലം പിടിച്ചുള്ള സീരിയസ്സ്‌ ഇരിപ്പ് കാണുമ്പോൾ തന്നെ ചിരി വരും. ഓരോ പാട്ടിനേയും, പാട്ടുകാരേയും പുച്ഛത്തോടേയും, അനിഷ്ടത്തോടേയും വീക്ഷിക്കുന്ന എം.ജിയുടെ ഗൗരവമുഖചലനങ്ങൾ അനുകരിക്കാൻ ശ്രമിക്കുകയാവും മിമിക്രിക്കാർ ഇപ്പൊ അണിയറയിൽ. സംഗീതത്തിൽ അവഗാഹമുള്ള ഇദ്ദേഹം ഇപ്പോൾ സംഗീത സംവിധാനത്തിലും കൈവച്ചിട്ടുണ്ട്‌. അതേതായാലും നന്നായി. ഗായകനെന്ന നിലയിൽ അവസരം കുറഞ്ഞാലും, റിയാലിറ്റി ഷോകൾ നിർത്തലാക്കിയാലും ഇനി പേടിക്കേണ്ട.
നേരും നുണയും: മോഹൻലാലിന്‌ യേശുദാസിന്റേയും, വേണുഗോപാലിന്റേയും ശബ്ദം മാച്ചാകുന്നു എന്ന അസൂയാലുക്കളുടെ കണ്ടെത്തൽ കല്ലുവച്ച നുണയാണെന്നും അവർ പാടിയ പാട്ടുകളിൽ സംഗതിയും ടെമ്പോയും കൃത്യസമയത്തിന്‌ വന്നിട്ടില്ലെന്നും ഇദ്ദേഹം പറഞ്ഞെന്ന് ചില കബുദ്ധികൾ പറയുന്നത്‌ വിശ്വസിക്കേണ്ട. മാങ്ങയുള്ള മാവിലേ ആർക്കും കല്ലെറിയാൻ താൽപ്പര്യമുണ്ടാകൂ.
വാലും തുമ്പും: എം.ജിയെ എനിക്കിഷ്ടമാണ്‌, അദ്ദേഹത്തിന്റെ ഗാനങ്ങളും. ഒരു നൊസ്റ്റാൾജിയ പോലെ മലയാളികൾ നെഞ്ചിലേറ്റിയ കുറച്ച്‌ പാട്ടുകളിലൂടെ എം.ജി ശ്രീകുമാറെന്ന ഗായകനും നമ്മുടെയൊക്കെ ഉള്ളിൽ ഇടം പിടിക്കുന്നുണ്ട്‌. കണ്ണീർപ്പൂവിന്റെ കവിളിൽത്തലോടി ഈറൻ മേഘം പോലെ മാനത്തെ ചന്ദിരനായി വിളങ്ങേണ്ട ഈ ഗായകൻ റിയാലിറ്റി ഷോകളിലെ ബഹളങ്ങൾക്കിടയിൽ സ്വന്തം പ്രതിഭ മറക്കാതിരുന്നെങ്കിൽ....!

ഇഴകൾ-ഡോക്യുമെന്ററി

2011-10-30T01:05:00.000+05:30

ദാസേട്ടനും, രഞ്ജിനിയും പിന്നൊരു സ്റ്റാർ സിംഗറും.

2011-09-25T13:42:00.000+05:30

വള്ളിക്കുന്നിൽ ബഷീറിക്ക പറയുന്നു ഇന്നലത്തെ ഐഡിയ സ്റ്റാർ സിംഗർ ഫൈനലിൽ ദാസേട്ടനെ കൊണ്ടുവരാനും സ്വന്തം അഭിപ്രായങ്ങൾ മാറ്റിപ്പറയിക്കാനും പ്രേരിപ്പിച്ചത് രഞ്ജിനി ഹരിദാസിന്റെ മിടുക്കാണെന്ന്‌. യഥാർത്ഥത്തിൽ രഞ്ജിനി വിചാരിച്ചാൽ വല്ലതു നടക്കുമോ..? ഉം.. പുളുത്തും.. നടക്കും, വേറെ വല്ലതും.! ദാസേട്ടനെന്ന മഹാമേരുവിനെ വളയ്ക്കാനോ, വലയ്ക്കാനോ കഴിയുന്ന ഒരാൾ ഇപ്പൊ ഏഷ്യാനെറ്റിലുള്ളപ്പോൾ എന്തിനാണ് വെറുമൊരു രഞ്ജിനി..?. ദാസേട്ടൻ ഐഡിയ സ്റ്റാർ സിംഗർ റിയാലിറ്റി ഷോയുടെ പടി കയറിയെങ്കിൽ അതിനുപിന്നിൽ ഈ താടിക്കാരനും പങ്കുണ്ട്. ദാസേട്ടനിൽ നല്ല സ്വാധീനം ചെലുത്താനോ, തന്റെ പഴയ അഭിപ്രായം മാറ്റിപ്പറയിക്കാനോ ഉള്ള കഴിവും, വാചാലതയും ഇദ്ദേഹത്തിനുണ്ടായിരിക്കണം.. അല്ലെങ്കിൽ റിയാലിറ്റി ഷോകളെ കഠിനമായി വിമർശിച്ചിരുന്ന ദാസേട്ടൻ ഒറ്റ നിൽ‌പ്പിൽ മലക്കം മറിഞ്ഞ് ഇന്നലെ സ്റ്റാർ സിംഗർ ആറല്ല, അറുപതിനായിരം തികയ്ക്കുമെന്ന് പറയുമോ..? ഫലപ്രഖ്യാപനത്തിനുമുൻപ് ദാസേട്ടൻ ഏറ്റവും മികച്ച പാട്ടുകാരിയെ പ്രഖ്യാപിച്ചപ്പോൾ ഞെട്ടിയത് കണ്ടസ്റ്റുകളല്ല, ജഡ്ജസ്സും, രഞ്ജിനിയുമൊക്കെയായിരുന്നു. അബദ്ധം തിരിച്ചറിഞ്ഞ ദാസേട്ടൻ ഈ കുട്ടിയെ എനിക്ക് പണ്ടേ അറിയാമെന്നുപറഞ്ഞു തടിതപ്പുകയായിരുന്നു. വാസ്തവത്തിൽ ഒന്നാം സ്ഥാനം ഇമ്മാനുവേലിനും, രണ്ടാം സ്ഥാനം കൽ‌പ്പനയ്ക്കും, മൂന്നാംസ്ഥാനം മൃദുലയ്ക്കും മാറ്റിവച്ച (?) എംജിയപ്പനും ശരത്തണ്ണനുമൊക്കെ ദാസേട്ടന്റെ ഈ ഒടുക്കത്തെ ഫലപ്രഖ്യാപനത്തിൽ കുടുങ്ങുകയായിരുന്നു. പിന്നീട് മിനുട്ടിനുള്ളിൽ മത്സരഫലം മാറ്റിമറിച്ചു എന്നാണ് അണിയറ സംസാരം. കാരണം ഇത്രയും വലിയൊരു റിയാലിറ്റി ഷോയിലെ വിജയിയെ ലോകം നെഞ്ചിലേറ്റുന്ന മഹാഗായകൻ അറിയാതെയെങ്കിലും പ്രഖ്യാപിച്ചുകഴിഞ്ഞാൽപ്പിന്നെ അപ്പീലില്ല. അദ്ദേഹത്തിന്റെ പ്രഖ്യാപനത്തെ മറികടന്ന് ചാനൽ ടീമിന്റെ മറ്റൊരു വിധി വന്നാൽ ആപ്പിലാവുന്നത് ഏഷ്യാനെറ്റും, ജഡ്ജിംഗ് പാനലുമായിരിക്കും. മാത്രവുമല്ല കൽ‌പ്പന ഈ വിജയം അർഹിക്കുന്നുണ്ടെന്ന് ഏവർക്കും അറിയാം. ഒരു പത്തുപതിനഞ്ച് കൊല്ലം കഴിഞ്ഞാൽ ജീവിതത്തിലേയും, സ്റ്റാർ സിംഗർ ഷോയിലേയും നമ്മളെയൊക്കെ ഞെട്ടിപ്പിക്കുന്ന പല രഹസ്യങ്ങളും രഞ്ജിനി തന്റെ ആത്മകഥയിലൂടെ വെളിപ്പെടുത്തുമെന്ന് നമുക്ക് പ്രത്യാശിക്കാം. മൃദുല നല്ല ഗായികയാണെന്നും, നല്ല ശബ്ദമാണെന്നും ആരും പറയും. അന്ന് തരക്കേടില്ലാതെ പാടുകയും ചെയ്തു. ഇമ്മാനുവേൽ ദാസേട്ടനെ ഇമിറ്റേറ്റ് ചെയ്ത്, പാട്ടുകൾ പഴം വിഴുങ്ങിയ തൊണ്ടകൊണ്ട് പാടിയ പോലെ വികൃതമാക്കിയെന്നേ ഞാൻ പറയൂ. കൽ‌പ്പനയുടെ ആദ്യപാട്ട് കേട്ട് ഏവരും ഞെട്ടിക്കാണും. ശരത്തിനേയും ടീമിനേയും ഇമ്പ്രസ്സ് ചെയ്യിക്കാനുള്ള ശ്രമമായിരുന്നു ആ പാട്ട്.. അത് പാട്ടാണോ നട്ടപ്രാന്താണോ എന്ന് അതിന്റെ സംഗീതസംവിധായകൻ ശരത്തിനു തന്നെ അറിയാം. ഇത്രയും അറുബോറൻ ആവിഷ്കാരം ഒരിക്കലും മലയാളി ഇതിനുമുൻപ് കേട്ടിട്ടുണ്ടാവില്ല. എന്നാൽ നാഥാ നീ വരും എന്ന പാട്ട് മനോഹരമായി കൽ‌പ്പന പാടി. ഏതു റേഞ്ചിലും പാടാൻ കഴിവുള്ള മികച്ച ഗായികയാണ് കൽ‌പ്പനയെന്ന് ആർക്കും സംശയമുണ്ടാവില്ല. സത്യത്തിൽ ഈ പറഞ്ഞ മത്സരാർത്ഥികൾക്കല്ല സ്ഥാനങ്ങളും സമ്മാനങ്ങളും നൽകേണ്ടത്. ഈ ഷോ കണ്ടിരുന്ന മണ്ടൻ കാണികൾക്കും, എസ്. എം. എസ് തുരുതുരാ അയച്ച് കുത്തുപാളയെടുത്തവർക്കുമാണ്.

ഓണപ്പാട്ട്

2011-08-31T11:42:00.000+05:30

പതിയെ വിടർന്നാൽ മതി പകലേ..,
സ്വപ്നച്ചിറകടരാതെ മയങ്ങുമ്പോൾ...
അരിയ കിനാവിൻ സ്മൃതികളിലോണ-
ക്കുളിരിൽ മെല്ലെയുറങ്ങുമ്പോൾ...,
തിരികെ വരാനെന്നും എന്തു കൊതി
എനിക്കിന്നും ചിങ്ങപ്പൂവിറുക്കാൻ.....
എന്നും.... ചിങ്ങ.... പൂവിറുക്കാൻ.....
                                          (പതിയെ)

പൊന്നാര്യൻ പാടം വീണ്ടും
പുന്നെല്ലിൻ പുതുമണമേകി
പ്രിയമോടെ വിളിക്കുന്നെന്നെ
പൗർണ്ണമി രാവിൽ.......
തിരുവോണച്ചമയത്തിൽ
ഹൃദയത്തിൻ മണിമുറ്റം
പൂത്തുലയും പൂവിളിയിൽ പൂവനമായ്.....
                                        (പതിയെ)

തളിരോലച്ചില്ലകൾ മെല്ലെ
മഴിവില്ലുതൊടുന്നതുപോലെ
ഊഞ്ഞാലിൽ ഞാനാകാശം
ഉമ്മ വയ്ക്കും........
പൊന്നോണപ്പുലരികളിൽ
ഒരു തുമ്പപ്പൂവായ് ഞാൻ
വിരിയുന്നു പഴയൊരുനാടന്നിടവഴിയിൽ.....
                                        (പതിയെ)

ഇഴകൾ-നൂലിഴയിൽ ജീവിതം നെയ്തെടുത്തവർ.

2011-08-22T10:29:00.001+05:30

സുവർണ്ണനൂലിഴയിൽ മെനഞ്ഞെടുത്ത കൈത്തറിയെന്ന കരവിരുതിന്‌ നൂറ്റാണ്ടുകളുടെ പഴക്കമുണ്ട്‌. ഒരുകാലത്ത്‌ സവർണ്ണമേൽക്കോയ്മയുടെ അടയാളങ്ങളായിരുന്ന കസവുൽപ്പന്നങ്ങൾ പിൽക്കാലത്ത്‌ കേരളീയരുടെ പൊതുസ്വത്തായി ഇടം പിടിക്കുകയുണ്ടായി. കേരള സംസ്കാരത്തിന്റെ ഭാഗമായി മാറിയ ഈ തനതുകലാസൃഷ്ടി കടൽ കടന്നിട്ടും മലയാണ്മയുടെ പെരുമ നിലനിർത്തിയിട്ടേയുള്ളൂ. അന്തസ്സിന്റേയും, ആഭിജാത്യത്തിന്റേയും പ്രതീകമായും, സാധാരണക്കാരന്റെ ലക്ഷണമൊത്ത ലാളിത്യമായും കസവും, കൈത്തറി ഉൽപ്പന്നങ്ങളും മലയാളിയുടെ നിത്യജീവിതത്തിന്റെ ഒഴിച്ചുകൂടാനാവാത്ത ഭാഗമായി മാറിയത്‌ എന്നുമുതൽക്കാണെന്നതിന്‌ കൃത്യമായ കണക്കുകളില്ല. യഥാർത്ഥത്തിൽ ശീലങ്ങൾക്കപ്പുറം അവ നമ്മുടെ ജീവിതത്തോട്‌ ചേരുകയാണുണ്ടായത്‌. ആഘോഷങ്ങളേയും, വിശേഷദിവസങ്ങളേയും, വിവാഹമംഗളകർമ്മങ്ങളേയും അവിസ്മരണീയമാക്കുവാൻ കസവിൽ വിരിഞ്ഞ കൗതുകങ്ങൾ എക്കാലവും കേരളത്തിന്റെ ഹൃദയത്തുടിപ്പായി ഒപ്പമുണ്ടായിരുന്നു. നന്മയുടെ നാട്ടുമണം പേറുന്ന ഗ്രാമങ്ങളിൽനിന്നും നിശബ്ദമായി വിടർന്ന ഈ സർഗ്ഗചാരുതകൾ വിദേശമാർക്കറ്റുകളേയും വിസ്മയഭരിതമാക്കി.

പരമ്പരാഗതമായ ഉപജീവനമാർഗ്ഗം മാത്രമായിരുന്നില്ല കൈത്തറി. കച്ചവടം എന്നതിലുപരി അവ ഭാവനയുടേയും, ആശയസാക്ഷാത്ക്കാരത്തിന്റേയും, കരവിരുതിന്റേയും പൊന്നിൽച്ചാലിച്ച സുവർണ്ണമുദ്രകൾ കൂടിയായിരുന്നു. നെയ്ത്തുകാരനും പട്ടുസാരിയുമൊക്കെ നിശബ്ദസാന്നിധ്യം പകർന്ന് തേഞ്ഞുപോയ പുരാവൃത്തമായി ചരിത്രത്തിലലിഞ്ഞുചേർന്നിട്ടുണ്ട്‌ ഓരോ കാലങ്ങളിലും. പഴങ്കഥകളിലും, പുരാണങ്ങളിലും, പറഞ്ഞുതീരാത്ത ഇതിഹാസങ്ങളിലും, വീരഗാഥകളിലും ആരുമറിയാതെ പോയ, ആരുമോർക്കാതെ പോയ നെയ്ത്തുകാരുടെ കഥകളും, അവരുടെ വിരൽതൊട്ടുണർത്തിയ കനകവിസ്മയങ്ങളും ഉറങ്ങിക്കിടക്കുന്നുണ്ട്‌ ഒരിക്കലും ഇഴപൊട്ടാതെ. കൈത്തറി ചരിത്രമാകുന്നത്‌, അവ എക്കാലവും നമ്മുടെ സംസ്കാരത്തോട്‌ ചേർന്നുകിടന്നിരുന്നു എന്ന്‌ തിരിച്ചറിയുമ്പോൾ മാത്രമാണ്‌.

കൈത്തറിയുടെ ചരിത്രത്തിൽ എന്നും നിറഞ്ഞുനിൽക്കുന്ന പേരുകളാണ്‌ ബാലരാമപുരവും, കണ്ണൂരും, ചേന്ദമംഗലവും, വടകരയും, മണിയൂരും, തിക്കോടിയും, കീഴരിയൂരുമൊക്കെ.. രണ്ട്‌ നൂറ്റാണ്ടിലേറെ ചരിത്ര പാരമ്പര്യമുണ്ട്‌ ബാലരാമപുരം കൈത്തറിക്ക്‌. തിരുവിതാംകൂർ മഹാരാജാവായിരുന്ന അവിട്ടം തിരുനാൾ ബാലരാമവർമ്മയുടെ കാലത്താണ്‌ അനന്തപുരി കൈത്തറിയുടെ സ്വന്തം നാടായി മാറിയത്‌. ബാലരാമവർമ്മയുടെ ദളവയായിരുന്ന ഉമ്മിണിത്തമ്പി അക്കിക്കാടെന്നറിയപ്പെട്ടിരുന്ന വനപ്രദേശം വെട്ടിത്തെളിച്ച്‌ അവിടെ തമിഴ്‌നാട്ടിൽനിന്ന് നെയ്ത്തുകാരെ കൊണ്ടുവന്നു താമസിപ്പിച്ചു. വൈകാതെ ഈ സ്ഥലം നെയ്ത്തുകാരുടെ കേന്ദ്രമായി വളർന്നു. മഹാരാജാവിന്റെ ഓർമ്മ നിലനിർത്തുന്നതിനായി ഇവിടം ബാലരാമപുരമെന്ന് നാമകരണം ചെയ്യപ്പെട്ടു. ഇവിടത്തെ ഓരോ തെരുവിനും പറയാനുണ്ട്‌ കസവിന്റെ പത്തരമാറ്റ്‌ തിളക്കമുള്ള കഥകൾ. സാലിയ (ചാലിയ) തെരുവിലെ കുടിയേറി പാർക്കപ്പെട്ട നൂറുകണക്കിന്‌ തമിഴ്‌ ബ്രാഹ്മണർക്ക്‌ അന്നും, ഇന്നും അന്നം കൈത്തറി തന്നെ.

ശ്രീ. ചിത്തിരതിരുനാൾ ബാലരാമവർമ്മ മഹാരാജാവിന്റെ ഭരണകാലത്തും ബാലരാമപുരം കൈത്തറി ഫലപ്രദമായ മുന്നേറ്റം നേടിയിരുന്നു. ഒരു പ്രത്യേക ഭൂപ്രദേശത്ത്‌ തയ്യാറാക്കപ്പെടുന്ന അദ്വിതീയവും, സവിശേഷവുമായ ഉൽപ്പന്നങ്ങൾക്കാണ്‌ ജി. ഐ മുദ്ര ലഭിക്കുന്നത്‌. പേരുകേട്ട ബാലരാമപുരം സാരിക്ക്‌ ബൗദ്ധികസ്വത്തവകാശം ലഭിക്കുകയുണ്ടായതും, ഈ നേട്ടം വാർത്തകളിൽ ഇടം പിടിക്കാതെ പോയതും ഖേദകരമെന്നേ പറയേണ്ടൂ.. ഭൂമിശാസ്ത്ര ലക്ഷണ നിയമപ്രകാരം ബൗദ്ധികസ്വത്തവകാശം ലഭിക്കുന്ന കേരളത്തിലെ ആദ്യ കൈത്തറി ഉൽപ്പന്നമാണ്‌ ബാലരാമപുരം സാരി. പേറ്റന്റും പകർപ്പവകാശവും വ്യക്തികൾക്കാണ്‌ ലഭിക്കുന്നതെങ്കിൽ ഒരു സമൂഹത്തിന്റെ ബൗദ്ധികസ്വത്ത്‌ സംരക്ഷിക്കുന്നതാണ്‌ ജ്യോഗ്രഫിക്കൽ ഇൻഡിക്കേഷൻ എന്ന ജി. ഐ മുദ്ര. ബ്രാൻഡഡ്‌ വസ്ത്രങ്ങളുടെ കുത്തൊഴുക്കിലും കുത്താമ്പുള്ളിയും, ബാലുശ്ശേരിയും, ചെറുവണ്ണൂരും, പയ്യോർമലയും പോലുള്ള കസവുപൂക്കുന്ന ഗ്രാമങ്ങൾ പെരുമ ചോരാതെ കൈത്തറിയുടെ താളം നിലയ്ക്കാതിരിക്കാൻ ഇന്നും ഏറെ പണിപ്പെടുന്നുണ്ട്‌.

ബാലരാമപുരത്തെ ഭൂരിഭാഗം വീടുകളും ഒരുകാലത്ത്‌ കൈത്തറികളാൽ സമ്പന്നമായിരുന്നു. തായ്‌വഴിയായി കിട്ടിയ ഈ കുലത്തൊഴിൽ ഇന്നും നിലനിർത്തിപ്പോരുന്ന വളരെക്കുറച്ച്‌ കൈത്തറിശാലകളിൽ നിന്നാണ്‌ കറാൽക്കടയിലൂടെയും, കസവുകടയിലൂടെയും, ഹാന്റെക്സിലൂടെയും, ഹാന്റ്‌വീവിലൂടെയുമൊക്കെ നമ്മളിലേയ്ക്കെത്തിച്ചേരുന്ന കൈത്തറിയുടെ ശേഷിക്കുന്ന അടയാളങ്ങൾ നിലനിൽക്കുന്നത്‌. പരമ്പരാഗതമായി കൈമാറപ്പെട്ട ഈ തൊഴിൽ 1970 കളിലും 80 കളിലും സജീവമായിരുന്നെങ്കിലും കച്ചവട സാധ്യതകളുടെ നിറം മങ്ങലിലും, യന്ത്രത്തറികളുടെ കടന്നുവരവിലുമൊക്കെ അരക്ഷിതാവസ്ഥയിലായി. തലമുറകളായി കിട്ടിയ കരവിരുത്‌ സ്വന്തം മക്കളെപ്പോലും പഠിപ്പിക്കുവാനുള്ള ധൈര്യവും, വിശ്വാസവും കഴിഞ്ഞ തലമുറയിൽപ്പെട്ടവർക്കുണ്ടായില്ല. ആശങ്കകളും, ദാരിദ്ര്യവും സദാ സമ്മാനിച്ച കൈത്തറി അവർക്ക്‌ കയ്പ്പേറിയ കൈത്തിരി മാത്രമായിരുന്നു. പിന്നീടുള്ള നാളുകളിൽ സഹകരണ സംഘങ്ങളും, ഇടനിലക്കാരും, വ്യാപാരികളും തടിച്ചുകൊഴുത്തെങ്കിലും നെയ്ത്തുകാരന്റെ വീട്ടിൽ കരിന്തിരി മാത്രമായി. പരമ്പരാഗതമായ സ്വയം തൊഴിലാണ്‌ കൈത്തറി. ഓരോ വീടുകളിലും ചെറുതും വലുതുമായി നിറഞ്ഞുനിന്നിരുന്ന പടിപ്പുരകൾ ഏറെ വൈകാതെ തൊഴുത്തും, വിറകുപുരയുമൊക്കെയായി രൂപം മാറി. കാലാകാലങ്ങളിൽ മാറിമാറി വന്ന സർക്കാരിന്റെ വാഗ്ദാനങ്ങളിൽ നെയ്ത്തുകാരന്റെ അത്താഴസ്വപ്നം ആവിയായിപ്പോയതല്ലാതെ ഒന്നും സംഭവിച്ചില്ല. ക്ഷേമനിധികളും, പെൻഷൻ പദ്ധതികളും അത്യാവശ്യഘട്ടത്തിന്‌ ഒരു നെയ്ത്തുകാരനേയും തുണച്ചതുമില്ല. പ്രാരാബ്ദങ്ങളും, പ്രശ്നങ്ങളും നിറഞ്ഞ സംഘർഷജീവിതവുമായി അവരെന്നും ഇവിടെ മല്ലിട്ടുകൊണ്ടേയിരുന്നു; നഗരത്തേയും, നമ്മുടെ പൈതൃകത്തേയും കസവുടുപ്പിക്കുവാൻ. പ്രഗൽഭരായ പല തൊഴിലാളികളും നിവൃത്തിയില്ലാതെ മറ്റ്‌ പലതൊഴിലുകളിലേയ്ക്കും തിരിഞ്ഞു. നെയ്ത്തല്ലാതെ മറ്റ് തൊഴിലറിയാത്തവർ അന്നും ഇന്നും ഈ പണി തുടരുന്നതുകൊണ്ട്‌ ഭാഗ്യവശാൽ കൈത്തറി അന്യം നിന്നുപോയില്ല. അവരുടെ മംഗളകർമ്മങ്ങളെ വിലയേറിയ കസവൊളികൾ ദീപ്തമാക്കിയില്ല. അവരുടെ പെണ്മക്കൾ കസവിന്റെ പട്ടുസാരിയുടുക്കാതെ വിലകുറഞ്ഞ യന്ത്രപ്പുടവയിൽ ആഗ്രഹമുള്ളിലൊതുക്കി.

ജീവിതത്തിലെ സുവർണ്ണ മുഹൂർത്തങ്ങളെ പ്രശോഭിപ്പിക്കുവാൻ കഴിയാതെ അവർ മറ്റുള്ളവരുടെ ജീവിതത്തിൽ കസവുകൊണ്ട്‌ മുന്താണികളും, കുഞ്ചലങ്ങളും മെടഞ്ഞു. നിറം മങ്ങിയ ജീവിതം പോലെ വിലകുറഞ്ഞ ഉടയാടകളിൽ സംതൃപ്തരായി ജീവിതം പിന്നെയും, പിന്നെയും ഇഴപൊട്ടാതെ മെനഞ്ഞുകൊണ്ടേയിരുന്നു.

സഹകരണ സംഘങ്ങളും, വിൽപ്പനകേന്ദ്രങ്ങളും വിരലിലെണ്ണാവുന്നതായി ചുരുങ്ങുകയും, വിൽപ്പനയുടെ ഗണ്യമായ കുറവും, കസവിന്റേയും, പാവിന്റേയും, നൂലിന്റേയും മറ്റ്‌ അസംസ്കൃത വസ്തുക്കളുടേയും വിലവർദ്ധനയും നെയ്ത്തുകാരനേയും, കുടുംബത്തേയും എന്നും തീരാവറുതികളിലേയ്ക്ക്‌ തള്ളിവിട്ടതേയുള്ളൂ. നെയ്ത്ത്‌ ഒരു കലയാണ്‌, കാലത്തിന്റെ സാക്ഷ്യപ്പെടുത്തലും. നീതികരിക്കപ്പെടാനാവാത്ത തിരസ്കാരങ്ങളും, ചൂഷണങ്ങളും, പ്രീണനങ്ങളും ഇവർക്കുമേൽ എന്തിനാണ്‌...? വിൽക്കപ്പെടാതെ പൊടിപിടിച്ച തുണിത്തരങ്ങളുടെ കൂമ്പാരം കണ്ട്‌ പകച്ച ഇവർ എന്തുറപ്പിൻമേൽ ഇനി വിരലുകൊണ്ട്‌ ജീവിതം വരയ്ക്കും...? ഒരുകാലത്ത്‌ ഉൽപ്പാദകനും, ഉപഭോക്താവിനും, വിൽപ്പനക്കാരനും ലാഭമായിരുന്ന ഒരു തൊഴിൽമേഖല അന്യം നിന്നുപോകാതെ കാത്തുസൂക്ഷിക്കേണ്ട ചുമതലയും, ബാധ്യതയും സർക്കാരിനുണ്ട്‌. വർഷാവർഷമുള്ള ദേശീയ-സംസ്ഥാന അവാർഡിൽ മാത്രമൊതുക്കാവുന്നതല്ല സർക്കാരിന്റെ ഉത്തരവാദിത്വം. ശനിയാഴ്ചതോറും മുണ്ടുടുത്ത്‌ സർക്കാരോഫീസിനേയും, നെയ്ത്തുകാരേയും പുളകം കൊള്ളിച്ച ഉത്തരവുകളിന്നെവിടെയാണ്‌...?

നെയ്ത്തുകാരന്റെ തേഞ്ഞുതീരുന്ന കാലടികളും, സൂക്ഷ്മതയും, മങ്ങലേൽക്കുന്ന കാഴ്ചയും, കരവിരുതും നമ്മുടെ സംസ്കൃതിയ്ക്ക്‌ നിറം ചാർത്താൻ ഇനിയും വേണം. പക്ഷെ അർഹിക്കുന്ന ആനുകൂല്യങ്ങളോ, വിലയോ, സുരക്ഷിതത്വമോ ഒന്നും നെയ്ത്തുകാരൻ ഒരിക്കലും പ്രതീക്ഷിക്കരുതെന്നു മാത്രം.. ഇൻഡ്യയിൽ കാർഷികമേഖല കഴിഞ്ഞാൽ ഏറ്റവുമധികം പേർ ഉപജീവനമായി കണ്ടിരുന്ന തൊഴിൽമേഖലയായിരുന്നു കൈത്തറി. അശാസ്ത്രീയവും, ദീർഘവീക്ഷണവുമില്ലാത്ത സർക്കാരിന്റെ പദ്ധതികൾ കൈത്തറിയുടെ വളർച്ചയെ പ്രതികൂലമായി ബാധിച്ചു. ആഭ്യന്തരവിപണിക്കൊപ്പം, വിദേശകമ്പോളത്തേയും ആശ്രയിക്കുന്നുണ്ടെങ്കിലും അടിക്കടിയുണ്ടാകുന്ന സാമ്പത്തികമാന്ദ്യവും, പ്രതിസന്ധികളും എന്നും പ്രതിബന്ധമായി നിലകൊണ്ടു. രാജ്യത്തിന്റെ സമ്പദ്‌ഘടനയും, ഇൻഡ്യയുടെ പൈതൃകവും, സംസ്കാരവും സംരക്ഷിക്കുന്നതിൽ നിർണ്ണായകമായ പങ്ക്‌ വഹിക്കുന്ന കൈത്തറിയുടെ ഇരുണ്ടഭാവിക്കുമേൽ എന്നാണിനി സർക്കാരിന്റെ കണ്ണുതുറക്കുക...? നൂലിഴയിൽ ജീവിതം നെയ്തെടുക്കാൻ ബദ്ധപ്പെടുന്നവരുടെ കണ്ണീർ അവഗണിച്ചുകൊണ്ട്‌ കേരളം വളരുകയാണ്‌.. ഭാഷയും, ദേശവും മറികടന്ന് കലയുടെ വിളനിലമായി പാശ്ചാത്യരെ വിസ്മയിപ്പിച്ചുകൊണ്ട്‌ ദൈവത്തിന്റെ ഈ സ്വന്തം നാട്‌ വളർന്നുകൊണ്ടേയിരിക്കുന്നു...!
(ചിത്രങ്ങൾ: ഗൂഗിൾ)

ചിങ്ങപ്പാട്ട്

2011-08-18T10:31:00.000+05:30

ചിങ്ങപ്പൂ കോടിയുടുത്തൂ... തൃക്കാക്കരയപ്പനൊരുങ്ങി
മലയോളം മലയാളപ്പെരുമ നിറഞ്ഞൂ...
പൂവേ പൊലി പൂവേ... പൊലി പൂവേ പൊലി പൂവേ.. പൂവേ...
പൂവായ പൂവെല്ലാം പൂത്താലക്കുടമേന്തി
പൂക്കാമരക്കൊമ്പും പൂപ്പന്തലൊരുക്കി.....(2)
വന്നല്ലോ പൊന്നോണം, മലനാടിൻ തിരുവോണം
മലയാളപ്പഴമകൾ പുലരണച്ചിങ്ങത്തിരുവോണം.....(ചിങ്ങപ്പൂ)

പുഞ്ചപ്പാടത്തെച്ചെറുവണ്ണാത്തിക്കിളിയേ...
ഒരുവല്ലം പൂതരുമോ.... ഒരുവട്ടി കടം തരുമോ....(2)
അങ്ങാടീലോണത്തല്ലിന്‌ നീയും കൂടൂലേ.....
അമ്മാനപ്പന്തടി കാണാൻ നീയും പോരൂലേ....
ചെമ്മാനക്കുന്നിൻമേലേ ചിറ്റാടയുടുത്തുനമുക്കൊരു
പൂരം കാണേണ്ടേ, ഓണപ്പൂരം കാണേണ്ടേ....(ചിങ്ങപ്പൂ)

ഇല്ലിപ്പൂപ്പാടം കൊയ്യണ മിന്നാമിന്നികളേ....
ഒരുകോടിക്കസവുതരൂ, നിറനാഴിപ്പൊന്നുതരൂ....(2)
ഉത്രാളിക്കാവിലെയുത്സവമേളം കേൾക്കേണ്ടേ....
ഇല്ലക്കുളങ്ങരമുല്ല വിരിഞ്ഞതുകാണേണ്ടേ...
ആഘോഷക്കുരവയുമായിക്കരുവാറ്റച്ചുണ്ടനുപായാൻ
ആർപ്പുവിളിക്കേണ്ടേ, ച്ചെണ്ടത്താളമൊരുക്കേണ്ടേ... (ചിങ്ങപ്പൂ)

മൈ ഗൗരി

2011-08-01T14:57:00.000+05:30

ബദിയടുക്കയിലെ ബിഗ്-കെ !

2011-07-14T11:38:00.002+05:30

കൃഷ്ണകുമാർ

ലോകത്തിലെ ഏറ്റവും ചെറിയ എസ്. എൽ. ആർ ക്യാമറ നിർമ്മിച്ച യുവശാസ്ത്രജ്ഞൻ കൃഷ്ണകുമാർ മലയാളിക്ക് അഭിമാനമാകുന്നു. സ്വന്തമായി നിർമ്മിച്ച ഏറ്റവും ചെറിയ എസ്. എൽ ആർ ക്യാമറയിലൂടെ പടമെടുത്ത് അമ്പരിപ്പിച്ച കൃഷ്ണകുമാർ ഫോട്ടോഗ്രാഫിയെ പാഷനായി കാണുന്ന ഒരു കലാകാരനാണ്. മംഗലാപുരത്ത് ഗ്രാഫിക് ഡിസൈനറായി ജോലി ചെയ്യുന്ന കൃഷ്ണകുമാർ നല്ലൊരു ചിത്രകാരനും, ഫോട്ടോഗ്രാഫറും, അനിമേറ്ററും, ഇലക്ട്രോണിക്സ് വിദഗ്ദനും കൂടിയാണ്. പഴയ സിംഗിൾ ലെൻസ് റിഫ്ലക്സ് ഫിലിം ക്യാമറ കൈക്കുള്ളിലൊതുങ്ങുന്ന വലുപ്പത്തിൽ നിർമ്മിക്കാൻ കൃഷ്ണന് നീണ്ട 5 വർഷങ്ങൾ വേണ്ടിവന്നു. തീപ്പെട്ടിക്കൂടിന്റെ വലുപ്പത്തിൽ തയ്യാറാക്കപ്പെട്ട ആദ്യ ക്യാമറയിലെ പോരായ്മകളെ തുടർന്നാണ് 38 എം എം നീളവും 22 എം എം വീതിയുമുള്ള ഈ ക്യാമറ സൃഷ്ടിക്കപ്പെട്ടത്.


(കടപ്പാട്: നിഖിൽ രാജ്, മനോരമ)

കൈകൊണ്ട് നിർമ്മിക്കപ്പെട്ട 65 ഭാഗങ്ങളുള്ള ഈ കുഞ്ഞൻ ക്യാമറ രൂപം കൊണ്ടും ആരേയും വിസ്മയിപ്പിക്കും. ചെറിയ പിവിസി പൈപ്പിനുള്ളിലെ ലെൻസ് വൈഡായും, മാക്രോ ആയും ഫോക്കസ്സ് ചെയ്യാനാകും. സാധാരണ ഫിലിമിനെ രണ്ടായി മുറിച്ചാണ് ഈ ക്യാമറയിൽ ഉപയോഗിക്കുന്നത്. ആരുകണ്ടാലുമൊന്നു ഞെട്ടിപ്പോകുന്ന ഉശിരൻ രൂപഭംഗിയും, ഫിനിഷിംഗും കൃഷ്ണകുമാറിന്റെ സ്വന്തം ക്യാമറയ്ക്കുണ്ട് എന്നതാണ് പ്രധാന സവിശേഷത.

കൃഷ്ണകുമാറിന്റെ ചില ചിത്രങ്ങൾ.

കൂടുതൽ വിവരങ്ങൾക്ക് ഇവിടെ ക്ലിക്കുക.

പ്രണയമുറിവുകളുടെ തോഴൻ

2011-07-05T10:52:00.000+05:30

‘’

‘’“”''മണലടിഞ്ഞു മയങ്ങിക്കിടക്കട്ടെ‘’‘’

പ്രണയമറ്റതാമീ ‘’മൺപ്രദീപകം""‘’‘“”‘’‘’ ‘’‘’ ‘’

പഴയ സ്വപ്നസുന്ദരൻ

2011-06-17T09:03:00.000+05:30

അരവിന്ദ് സ്വാമി അന്ന്‌

സുന്ദരമായ ഈ മുഖം തിരശ്ശീലയിൽ നിന്ന്‌ ഓരോ ഹൃദയങ്ങളിലേയ്ക്ക്‌ കുടിപാർത്തതും, മാഞ്ഞുപോയതും ‌വളരെപ്പെട്ടെന്നായിരുന്നു.. അഭ്രപാളിയിൽ പ്രണയത്തിന്റെ, വിരഹത്തിന്റെ പുതിയ ഭാവങ്ങൾ, പുതിയ ഭാഷ്യങ്ങൾ, ചലനങ്ങൾ.... അരവിന്ദ് സ്വാമി ചില താരങ്ങൾക്കൊരു ഭീഷണിപോലുമാകുമോയെന്നുവരെ അക്കാലത്ത്‌ പലരും ഭയന്നിരുന്നു. റോജ, ബോംബെ, ദേവരാഗം, മിൻസാരക്കനവ്‌, എൻ ശ്വാസക്കാട്രേ, സാത്‌ രംഗ് കി സപ്നേ അങ്ങനെ എത്രയെത്ര ഹിറ്റുകൾ.... വിരലിലെണ്ണാവുന്ന ചിത്രങ്ങൾ കൊണ്ട്‌ മനസ്സുകീഴടക്കിയ ഈ നടൻ അഭിനയമികവിൽ ഒരു മഹാസംഭവമല്ലെങ്കിലും ജനപ്രിയചിത്രങ്ങൾ കൊണ്ട്‌ ആരാധകരുടെ മനസ്സുകളിൽ ഇടംനേടിയിരുന്നു. പ്രത്യേകിച്ചും സ്ത്രീകളുടെ. ഇടയ്ക്ക്‌ സിനിമ മതിയാക്കി ബിസിനസ്സിൽ മാത്രം ശ്രദ്ധിച്ച സ്വാമിയെ പിന്നീട്‌ സിനിമയ്ക്ക്‌ തന്നെ നഷ്ടപ്പെടുകയായിരുന്നു.

1967 ജൂൺ 30 ന് ചെന്നൈയിൽ ജനിച്ച ഈ MBA ക്കാരന്റെ പ്രൊഫഷണൽ ജീവിതം വിജയവും, പേഴ്സണൽ ജീവിതം പരാജയവുമായിരുന്നു.. 1993-ൽ മാതാപിതാക്കളെ നഷ്ടപ്പെടുകയും, 1994-ൽ ഗായത്രിയെ വിവാഹം കഴിക്കുകയും‌ അവസാനം ദീർഘനാളത്തെ നിയമയുദ്ധത്തിലൂടെ വേർപിരിയുകയും ചെയ്തു. ഇപ്പോൾ രണ്ടുമക്കളോടൊപ്പം (ആതിര, രുദ്ര) സ്വാമി ചെന്നൈയിലാണ്. ഈ കുറിപ്പെഴുതാൻ കാരണം ഇന്നലെ കണ്ട അരവിന്ദ് സ്വാമിയുടെ വീഡിയോ ക്ലിപ്പായിരുന്നു. ആദ്യമെനിക്ക്‌ ആളെ പിടികിട്ടിയില്ല. മനസ്സിലായപ്പോൾ ഓർമ്മ വന്നത്‌ ആ സുന്ദരൻ തലമുടിയായിരുന്നു. കഷണ്ടി ഒരാളുടെ സൌന്ദര്യത്തിന്റെ മാറ്റ്‌ കുറയ്ക്കുമെന്ന് പറയുന്നത്‌ വെറുതെയല്ല. ചെന്നൈയിലെ ഗൾഫ്‌ ഗേറ്റിന്റെ ഷോപ്പിൽ പോയി പഴയ സ്റ്റൈലിലുള്ള പുതിയൊരു വിഗ്ഗ് വച്ച്‌ പഴയ സുന്ദരൻ സ്വാമിയാകാൻ ചില പഴയ ആരാധകർ അദ്ദേഹത്തെ പലവട്ടം നിർബന്ധിച്ചിരുന്നു. പക്ഷെ സ്വാമി വഴങ്ങിയില്ല. സൌന്ദര്യം മുടിയിലല്ല, മനസ്സിനാണ് വേണ്ടതെന്ന്‌ പറഞ്ഞ്‌ അദ്ദേഹം ആരാധകരെ നിരാശരാക്കി.

അരവിന്ദ് സ്വാമി ഇന്ന്‌

ചെയർമാൻ, മാനേജിംഗ് ഡയറക്ടർ

പ്രോ ലീസ് ഇൻഡ്യ, ഇന്റർ പ്രോ ഇൻഡ്യ, ടാലന്റ് മാക്സിമസ്

വീക്ഷണത്തിന്റെ മോഷണം!

2011-06-07T11:42:00.000+05:30

2011 ജൂൺ നാലാം തീയതിയിലെ ശനിയാഴ്ചത്തെ വീക്ഷണം പത്രം യാദൃച്ഛികമായി നോക്കിയ ഞാൻ ഞെട്ടിപ്പോയി. എന്റെ ബ്ലോഗിലെ ‘യെന്തിരൻ’ എന്ന വി. എസ്. കാരിക്കേച്ചർ അതേപടി അടിച്ചുമാറ്റി ഇട്ടിരിക്കുന്നു. എന്നോട് അനുവാദം ചോദിക്കാതെ എന്റെ കാരിക്കേച്ചർ പത്രത്തിൽ അച്ചടിച്ചു വരുക, അതും എന്റെ പേര് ഒഴിവാക്കിക്കൊണ്ട്. അന്നത്തെ പത്രം കണ്ടില്ലായിരുന്നെങ്കിൽ ഞാനും ഇക്കാര്യം അറിയില്ലായിരുന്നു. പത്രധർമ്മമേ പ്രതീക്ഷിക്കുന്നില്ല, സാമാന്യ മര്യാദയെങ്കിലും കാട്ടേണ്ടേ..? ഞാൻ ഇന്നാണ് ആ പത്രം കണ്ടത്, തിരുവനന്തപുരത്തെ വീക്ഷണം ഓഫീസിൽ വിളിച്ച് പരാതിപ്പെട്ടപ്പോൾ കൊച്ചിയിലെ ഡെസ്കിൽ നിന്നാണ് ഈ ചിത്രം ഉപയോഗിച്ചതെന്നറിയാൻ കഴിഞ്ഞു. മറ്റൊന്നും അയാ‍ൾക്ക് പറയാനുമില്ല.

ഒരിടത്തൊരു ആണൊരുത്തൻ..!

2011-05-23T17:01:00.004+05:30

സതേൺ ഫിലിം ഇൻസ്റ്റിറ്റ്യൂട്ടിൽ അഭിനയം പഠിക്കാൻ മനോജ് കെ. ജയനും, സംവിധാനം പഠിക്കാൻ അലി അക്ബറും ചേർന്ന സമയത്താണ് ലൂസി ക്യാമറയുടെ രസതന്ത്രം പഠിക്കാനെത്തുന്നത്. വൈകാതെ അലി ലൂസിയെ ജീവിതത്തിലേയ്ക്ക് കൂട്ടിക്കൊണ്ടുവന്നു. ജീവിതത്തിലും, സിനിമയിലും മാതൃകാദമ്പതികളായ ഇവരുടെ ആദ്യസിനിമയായിരുന്നു 1988-ൽ പുറത്തിറങ്ങിയ മാമലകൾക്കപ്പുറത്ത്. തുടർന്ന് മുഖമുദ്ര, പൊന്നാരംതോട്ടത്തെ രാജാവ്, സ്വസ്ഥം ഗൃഹഭരണം, ഗ്രാമപ്പഞ്ചായത്ത്, കുടുംബ വാർത്തകൾ, പൈ ബ്രദേഴ്സ്, പൊന്നുച്ചാമി, ബാംബൂബോയ്സ്, ജൂനിയർ മാൻഡ്രേക്ക്, സീനിയർ മാൻഡ്രേക്ക് തുടങ്ങിയ സാധാരണക്കാരന്റെ സിനിമകളിലൂടെ അലി അക്ബർ നിശബ്ദമായി സിനിമയുടെ പിന്നാമ്പുറങ്ങളിലുണ്ടായിരുന്നു. ഒപ്പം അദ്ദേഹത്തിന്റെ കുടുംബവും. ഫെഫ്കയുടെ തലപ്പത്തിരിക്കുന്നവർ മാടമ്പികളാണെന്ന അലിയുടെ പരമാർശത്തിലൂടെ അദ്ദേഹത്തിന് നേരിടേണ്ടിവന്നത് ആസൂത്രിതമായ ഫ്യൂഡൽ ചതിക്കുഴികളായിരുന്നു. ബൈജു കൊട്ടാരക്കരയ്ക്കും, തിലകനും, വിനയനും, ക്യാപ്റ്റൻ രാജുവിനും, മാളാ അരവിന്ദനും, സ്ഫടികം ജോർജ്ജിനുമൊക്കെ അഭിമുഖീകരിക്കേണ്ടി വന്ന അതേ ഒറ്റപ്പെടുത്തലിന്റെ പുതിയ പേരാണ് അലി അക്ബർ. സംഘടനയുടെ നിസ്സഹരണം അദ്ദേഹത്തിനെപ്പോലുള്ള ഒരു ആൾറൌണ്ടർക്ക് തടസ്സമായില്ലെങ്കിലും തുടക്കം മുതൽ ഒടുക്കം വരെ പല പല തലവേദനകൾ അദ്ദേഹത്തെ വല്ലാതെ വലച്ചു. താരങ്ങളേയും, ടെക്നീഷ്യൻസിനേയും ഇദ്ദേഹത്തിന്റെ സിനിമകളിൽ പണിയെടുക്കുന്നത് തടയാനും, റിലീസ് ബ്ലോക്ക് ചെയ്യാനും, സെൻസറിംഗ് തടസ്സങ്ങൾ സൃഷ്ടിക്കാനും ചില തൽ‌പ്പരകക്ഷികൾക്ക് സാധിച്ചു. അപാരമായ വിൽപവറുള്ള അദ്ദേഹം ഈ വിലക്കുകളെ തെല്ലും വക വയ്ക്കാതെ ചങ്കൂറ്റത്തോടെ ചെയ്ത സിനിമയായിരുന്നു തിലകൻ കേന്ദ്രകഥാപാത്രമായ ‘അച്ഛൻ’. 5ഡി മാർക്ക് 2-ൽ ചെയ്ത ആദ്യത്തെ ചെറിയ ബഡ്ജറ്റ് സിനിമ. കേവലം 10 ലക്ഷം രൂപയ്ക്ക് പൂർത്തിയാക്കിയ ഈ സിനിമയുടെ വിതരണത്തിലും, റിലീസിംഗിലും അദ്ദേഹം ഏറെ കഷ്ടപ്പെട്ടു. ഒടുവിൽ കേരളത്തിലെ നാല് തിയറ്ററുകളിൽ പ്രദർശിപ്പിച്ചെങ്കിലും അവിടെയേയും അദ്ദേഹത്തിന് തിരിച്ചടികൾ കിട്ടി. സിനിമ കാണാനെത്തുന്ന പ്രേക്ഷകരെ തിയറ്ററിലെ ടിക്കറ്റ് വിൽ‌പ്പനക്കാർവരെ നിരുത്സാഹപ്പെടുത്തിയ യാഥാർത്ഥ്യത്തിന് സാക്ഷിയാകാൻ ലൂസിചേച്ചിക്കും യോഗമുണ്ടായി. കോഴിക്കോട്ടുള്ള ചേവരമ്പലത്തിലെ അദ്ദേഹത്തിന്റെ വീട് അക്ഷരാർത്ഥത്തിൽ ഒരു സ്റ്റുഡിയോ കൂടിയാണ്. പ്രൊഡക്ഷൻ കണ്ട്രോളറും, പ്രൊഡക്ഷൻ മാനേജരും, മെസ്സ് ചീഫും, ഫിനാൻസ് മാനേജരും ഭാര്യ. കഥ, തിരക്കഥ, സംഭാഷണം, ഗാനരചന, ഛായാഗ്രഹണം, സംവിധാനം ഭർത്താവ്. എഡിറ്റിംഗ്, മിക്സിംഗ്, ഡി. ഐ., കളർ കറക്ഷൻ മൂത്ത പുത്രി. സംഗീതം, കമ്പോസിംഗ്, അനിമേഷൻ, പോസ്റ്റർ ഡിസൈനിംഗ് ഇളയ മകൾ. ചുരുക്കി പറഞ്ഞാൽ എന്തു വിലക്കിനേയും സധൈര്യം നേരിടാൻ കെൽ‌പ്പുള്ള ഒരു മാതൃകാ സിനിമാക്കുടുംബം..! വിനീത് നായകനായ ‘ഐഡിയൽ കപ്പിൾ‘ എന്ന പുതിയ സിനിമയുടെ പോസ്റ്റ് പ്രൊഡക്ഷൻ വർക്കുകൾ പൂർത്തിയായി വരുന്നു. സംഘടനയുടെ ഭീഷണികൾക്ക് വഴങ്ങാതെ അഭിനയിച്ച വിനീതിനും, ഉഷാഉതുപ്പിനും, തമിഴ് നടൻ നാസറിനുമൊക്കെ അഭിനന്ദനങ്ങൾ. മിനിയാന്ന് റിലീസായ വിനയൻ ചിത്രമായ ‘രഘുവിന്റെ സ്വന്തം റസിയ’ എന്ന ആദ്യത്തെ പൂർണ്ണമായ 7 ഡി സിനിമയുടെ ക്യാമറയും യൂണിറ്റും അലി അക്ബറുടേതാണ്. എന്റെ സുഹൃത്തുക്കളുടെ പുതിയ സിനിമയ്ക്ക് കൊച്ചിയിൽ നിന്ന് ക്യാമറ കിട്ടാതെ വലഞ്ഞപ്പോൾ സഹായിച്ചത് അലി അക്ബറായിരുന്നു.

ഇന്നലെ പാതിരാത്രിയിൽ കൊച്ചിയിൽ നിന്ന് കോഴിക്കോടെത്തും വരെ ഞങ്ങൾക്കുവേണ്ടി ഉറങ്ങാതെ കാത്തിരുന്ന ഈ സിനിമാ കുടുംബത്തിന്റെ അർപ്പണബോധത്തിനുമുന്നിൽ എന്റെ ഹാറ്റ്സ് ഓഫ്..! വെളുപ്പിന് അഞ്ചരമണിക്ക് ഗേറ്റിനുമുന്നിൽ പുഞ്ചിരിയോടെ കാത്തുനിന്ന്, ഞങ്ങളെ അകത്തേയ്ക്ക് ക്ഷണിക്കുമ്പോൾ ഞാനാദ്യം കണ്ടത് സിനിമാ മാഫിയകൾ അടിച്ചു തകർത്ത, ആക്രമണത്തിന്റെ നിത്യസ്മാരകമായ അവരുടെ മാരുതി വാനാണ്. മലയാള സിനിമയിൽ ഒറ്റയ്ക്ക് പടപൊരുതുന്നവന്റെ ലിസ്റ്റിൽ ഒരുപേരു കൂടി; ചങ്കൂറ്റത്തിന്റെ, ആണത്തത്തിന്റെ ആ പേരാണ് അലി അക്ബർ.

ആരാണീ ഹാജി.., ഏതാണീ ബ്ലോഗർ..?

2011-05-18T01:14:00.004+05:30

മലയാള ബ്ലോഗിലെ സിങ്കം.., ബഹുമുഖൻ.., ബഹുഗുണൻ... ബഹുവ്രീഹി സമാസൻ...!
നിങ്ങൾക്ക് പിടികിട്ടിക്കാണുമെന്നെനിക്കറിയാം. ആഡ് ഫിലിമിൽ അവസരം കൊടുക്കാത്തതിൽ ഖിന്നനും, പ്രകോപിതനുമായ ഇദ്ദേഹം എന്നെ ഞെട്ടിച്ചുകൊണ്ട് രണ്ട് വമ്പൻ സംവിധായകരുടെ ചിത്രത്തിൽ അഭിനയിക്കാൻ കരാറൊപ്പിട്ടു. ഇദ്ദേഹം പല സദസ്സുകളിലും നർമ്മഭാഷിയായി തിളങ്ങുന്ന താരം കൂടിയാണ്. 1947 എന്ന വിനയൻ ചിത്രത്തിൽ സ്വാതന്ത്ര്യസമരസേനാനിയായി അഭിനയിക്കുന്നു എന്നൊക്കെ ഈ ബ്ലോഗർ ഡെയ്ലി വീമ്പിളക്കിയിക്കിയിരുന്നെങ്കിലും സംഗതി സത്യമാണെന്ന് തോന്നിപ്പിക്കുന്ന ഒരു ലൊക്കേഷൻ ചിത്രം കഴിഞ്ഞ ദിവസം പുള്ളി എനിക്കയച്ചു തന്ന് തന്റെ അപാരമായ സ്വാധീനം ബോധ്യപ്പെടുത്തുകയുണ്ടായി. ആ ചിത്രം നിങ്ങൾക്കായി സമർപ്പിക്കുന്നു.
ആരാണീ ഹാജി.., ഏതാണീ ജോജി..?
***************************************************
ഒടുവിൽ കിട്ടിയത്.
മലപ്പുറം ഭായി മഹാനായ ഹാജി ദുബായിലെ ഏതോ... ഒരു ബ്ലോട്ടോഷോപ്പ് വിദഗ്ദനെക്കൊണ്ട് ഒപ്പിച്ചെടുത്തതാണീ ‘ലൊക്കേഷൻ’ സ്റ്റിൽ. ഇതാ ഭായിയുടെ ഒറിജിനൽ.

വിനയന്റെ 1947-ഉം, സ്വാതന്ത്ര്യസമരസേനാനിയുമൊക്കെ ഈ ജോജിയുടെ വെറും ഭാവനകൾ
മാത്രമായിരുന്നു. ഈസ്വരോ രക്ഷതി..

പാവം പാവം സകലകലാവല്ലഭൻ!

2011-05-06T13:47:00.003+05:30

ഇത്രയധികം വെറുക്കപ്പെട്ട ഒരു വ്യക്തി ഈ സൈബർ കാലത്ത് വേറെയുണ്ടാവില്ല. സന്തോഷ് പണ്ഡിറ്റിന്റെ ആദ്യ പാട്ട് തന്നെ കണ്ട ഏവരും ഒരേ സ്വരത്തിൽ പറഞ്ഞത്, ഇവൻ സിത്സിലാക്കാരന് യുട്യൂബിൽ ഉണ്ടായ ജാരസന്തതിയാണെന്നാണ്. മറ്റു പലരേയും പോലെ ഞാനും പണ്ഡിറ്റിനെ പരിഹസിച്ചുകൊണ്ട് പോസ്റ്റിട്ടുണ്ട്. ആയിരക്കണക്കിന് പച്ചത്തെറികളേറ്റുവാങ്ങിയ സിത്സില എത്രയോ ഭേദമെന്ന നിലയിൽ പിന്നീട് വിലയിരുത്തപ്പെടുകയും ചെയ്തു. പണ്ഡിറ്റിനെ കബളിപ്പിച്ചുകൊണ്ട് ഏറ്റവുമൊടുവിൽ പുറത്തിറങ്ങിയ ടെലഫോൺ ഇന്റർവ്യൂ കേട്ടാൽ നമുക്കയാളോട്‌ സത്യത്തിൽ സഹതാപമേ തോന്നൂ. തന്നെ പരിഹസിക്കുന്നതുപോലും മനസ്സിലാക്കാൻ കഴിവില്ലാത്ത വെറുമൊരു നാട്ടിൻ പുറത്തുകാരൻ വിഡ്ഡിയെ നമുക്കതിൽ കാണാം. പാവം പാവം രാജകുമാരൻ എന്ന സിനിമയിലെ ശ്രീനിവാസൻ കഥാപാത്രത്തെ അനുസ്മരിപ്പിക്കുന്ന ജീവിച്ചിരിക്കുന്ന ഏറ്റവും വലിയ ഉദാഹരണമാണ് ഈ കലാകാരൻ. സ്വന്തം കുറവുകളും, കഴിവുകേടുകളും മനസ്സിലാക്കാതെ വിപ്ലവം സൃഷ്ടിക്കാനിറങ്ങിയ ഒരു പാവം..(ആണോ... ആ..) ഓരോ അഭിമുഖത്തിലും വഞ്ചിക്കപ്പെടുന്ന പണ്ഡിറ്റ് അതൊന്നും

ഒരിക്കലും മനസ്സിലാക്കാതെ തന്റെ ‘ആരാധകരെ’ സന്തോഷിപ്പിക്കാൻ ശ്രമിക്കുന്ന കാഴ്ച തന്നെ ദയനീയമാണ്. കൂടെ നിന്ന് ഒറ്റുകൊടുത്ത്‌ അയാളുടെ പണം പിടുങ്ങുന്നവന്മാരെയാണ് യഥാർത്ഥത്തിൽ കൂമ്പിനിട്ടു കുത്തേണ്ടത്. അയാളുടെ ആഗ്രഹങ്ങൾ അയാളുടെ പോക്കറ്റിലെ പണം കൊണ്ട് സാധിച്ചു നിർവൃതി അടയട്ടെ. നമുക്കെന്ത്...? ഇന്റർനെറ്റിനെക്കുറിച്ചോ, യുട്യൂബിനെക്കുറിച്ചോ യാതൊരു വിവരവും, ധാരണയുമില്ലാത്ത ഒരാളെ സ്വന്തം കൂട്ടുകാരൻ തന്നെ യൂട്യൂബിലിട്ട്‌ മനപ്പൂർവ്വം അവഹേളിച്ച കഥയുടെ പുതിയപതിപ്പാണ് കൃഷ്ണനും രാധയും. ഇനിയും ആർക്കും പണ്ഡിറ്റ്നെ എപ്പോൾ വേണമെങ്കിലും പറ്റിക്കാം, അതയാൾ ഒരിക്കലും തിരിച്ചറിയാതെ തീർച്ചയായും നിങ്ങളെ വിശ്വസിക്കും, നിങ്ങൾക്കും അവസരം തരും. ഏപ്രിൽ ഫൂൾ എന്ന ജഗദീഷിന്റെ സിനിമ നല്ലൊരു ഓർമ്മപ്പെടുത്തലാണ്. അയാളുടെ കഴിവുകേടുകൾ അയാളെ ബോധ്യപ്പെടുത്താതെ, തെറ്റുകൾ തിരുത്തിക്കൊടുക്കാതെ പ്രോത്സാഹിപ്പിച്ച് (?) പണ്ഡിറ്റിന്റെ പോക്കറ്റ് കാലിയാക്കാനും, കോമാളിയാക്കാനും അവസരം മുതലെടുത്ത സഹപ്രവർത്തകർ വൈകാതെ ഒരു ദുരന്തത്തിന് സാക്ഷ്യം വഹിക്കാതിരുന്നാൽ മതി. ഇതുവരെ സീരിയസ്സായി ചെയ്തുകൂട്ടിയതൊക്കെ ലോകത്തെ പൊട്ടിച്ചിരിപ്പിച്ച എമണ്ടൻ തമാശകളായിരുന്നൂവെന്ന് എന്നെങ്കിലും അയാൾ മനസ്സിലാക്കും. ഈ ഭൂമിയിലെ തന്നെ ഏറ്റവും വലിയ വിഡ്ഡി താനായിരുന്നു എന്ന് തിരിച്ചറിയപ്പെടുമ്പോൾ ഒരു പക്ഷെ ആ സാധു തൂങ്ങിച്ചത്തേക്കാം. എങ്കിലും ഒരുപാട്‌ മോഹങ്ങളുമായി സിനിമയെ സ്വപ്നം കണ്ടിരുന്ന അയാൾ യുട്യൂബിലെങ്കിലും ശിഷ്ടകാലം ജീവിച്ചുതീർക്കും, നമ്മളെ എക്കാലവും ചിരിപ്പിച്ചുകൊണ്ട്...! അതിനുള്ളിൽ പുതിയൊരു ഹരിശങ്കറും, പണ്ഡിറ്റുമൊക്കെ പിന്നെയും, പിന്നെയും ആഘോഷിക്കപ്പെടാൻ നമുക്കുവേണ്ടി വരാതിരിക്കില്ല. പരിഹാസം ഒരുപരിധിവരെ നമുക്കാസ്വദിക്കാം, ഒരു പരിധി വരെ മാത്രം. ഒരു മന്ദബുദ്ധിയെ തുടർച്ചയായി പരിഹസിക്കുന്ന പ്രബുദ്ധരായവർ സഹിഷ്ണുത കാട്ടുന്നതിൽ ഇനിയും പ്രബുദ്ധത നേടേണ്ടിയിരിക്കുന്നു.
സന്തോഷ് പണ്ഡിറ്റിന്റെ പ്രമാദമായ അഭിമുഖങ്ങൾ

ബൂലോകത്തിലെ പുകയുന്ന കൊള്ളികൾ!

2011-05-05T01:13:00.001+05:30

“ഇനി കാണുമ്പോൾ...
നിന്റെ കാലുകളും കൈകളും
നീയാണെന്ന് മറ്റൊരാള്‍ കണ്ടാല്‍ തിരിച്ചറിയാത്ത ഭാഗങ്ങളും
ഞാന്‍ ഫോട്ടോ എടുക്കുന്നുണ്ട്....’’

പീഡനത്തിന്റെ പുതിയ മുഖങ്ങൾ... പുതിയ വഴികൾ...
ബ്ലോഗിണിമാർ കരുതലോടെയിരിക്കൂ, അല്ലെങ്കിൽ മേൽ‌പ്പറഞ്ഞ വരികൾ
നിങ്ങൾക്കും മെയിലായി കിട്ടിയേക്കാം. സംഗതി ഇവിടെ.
പ്രതികരിക്കൂ....!

ആദ്യകാല കവിത

2011-05-02T05:38:00.000+05:30

നിയോഗം

കടലെടുക്കുന്ന കരയില്‍ നിന്നമ്മ
മൃതികൊതിച്ചുടല്‍ വിട്ടു പോകുന്നു മുന്‍പേ..
പകലൊടുക്കമെന്‍ മനമുടഞ്ഞമ്മ
കരവിട്ടു കടലായലിഞ്ഞു...
വ്യഥ വെടിഞ്ഞൊടുവിലീ പടിവിട്ടു പണ്ടേ,
വഴിതെറ്റിയെങ്ങൊ മറഞ്ഞു...
തിരയിളക്കമായ്ത്തിരയില്‍ നിന്നമ്മ
ചിരിതൂകി നില്‍പ്പതിനിയെന്ന്..?
മഴയൊടുക്കമായ്‌ മഴയില്‍ നിന്നമ്മ
കുളിര്‍പോലെ പെയ്യുന്നതെന്ന്....?
മൃതിയില്‍ നിന്നന്‍പോടെ നീ ജനിച്ചെന്നെ
പ്രിയമോടെ തഴുകുന്നതെന്ന്...?
നിന്റെയീ ജീവന്‍ ജ്വലിക്കുന്ന താരകം
തെളിയുന്ന വാനമിങ്ങെങ്ങ്‌...?
ഒടുവിലീ സ്മൃതിജാലമെല്ലാമൊലിച്ചുപോയ്‌-
മണ്ണിലവശിഷ്ട സ്വപ്നങ്ങളെല്ലാമെരിച്ചുപോയു-
ള്ളിലൊരു വേര്‍പ്പു നീരായലിഞ്ഞു പോയമ്മ,
മറവിയ്ക്കു മായ്ക്കുവാനാകാത്ത മന്ത്രമായ്‌
മഴപോലെയകമെ തിളച്ചുപൊന്തി...
കടലെടുക്കുന്ന കരയില്‍ നിന്നൊടുവില്‍
നിന്‍നിഴല്‍ തേടി ഞാനും
മൃതികൊതിച്ചുടല്‍ വിട്ടു പോകുന്നു...
കരയുവാനാകാതെയിടറിയും,
തെല്ലുദൂരം വഴിപിഴച്ചും,
മുന്നില്‍ക്കുരുങ്ങുന്ന പ്രാണന്റെ നോവായ്‌,
വരതെറ്റി, മിഴിതെറ്റി നിന്‍പാത തേടി ഞാനണുവിലൂറുന്നു...
മനതാരിലെന്നുമെന്‍ കണ്ണായ്‌ വിളങ്ങി
നീയെന്റെയകമേ തിളച്ചുപൊന്തി....
അറിവിന്റെ വഴികളിലാഴക്കയങ്ങളി-
ലൊരു ചിത്രകഥയായ്‌ നിറഞ്ഞു നിന്നമ്മ...
എരിയുന്ന ജീവിത ചുടലപ്പുറങ്ങളിൽ‍,
എരിയും തമോഭാഗമഴലിന്‍ പുറങ്ങളില്‍
‍ഒരു പുഷ്പശുദ്ധിയായ്‌ ഹൃദയത്തിലെന്നോ നിറഞ്ഞു നിന്നമ്മ...
അരികില്‍ നിന്‍ ചിരിയുണ്ടു, അകമലർ‍-
ക്കുളിരുണ്ടു, പൂങ്കാറ്റുപോല്‍ മൊഴിയുണ്ടു,
ഇടവഴിയിലെന്നും നിഴല്‍ പോലെ നീയുണ്ടു,
ഒറ്റപ്പെടുമ്പൊഴെന്നരികത്തു നീ വന്നു
മുത്തം നിറച്ചെന്നെയുള്ളില്‍ പടര്‍ത്തുക...
നിന്മേനി തന്നതിന്‍ പൂന്തേന്‍ മണംകൊണ്ടു
ഞാനീരേഴുലോകം നിറയ്ക്കും...
ഒക്കെയുമൊരോര്‍മ്മതന്നിഷ്ട ഗന്ധം,
തനിച്ചെന്നിലേയ്ക്കൊഴുകുന്നൊരാത്മ ഗന്ധം...
നാദങ്ങളില്‍ നിന്‍ നാമമമരത്വമാകും,
സുകൃതാക്ഷരങ്ങളിലമൃതമാകും,
നിന്റെപേര്‍ കൊണ്ടു ഞാനൊരെരിനാളമാകും,
വിശ്വം നിറയ്ക്കുന്ന വരസൂര്യനാകും..
അകലങ്ങളില്‍ പിന്‍ വിളികളാകുന്നുവോ-
നിന്‍ സ്വരമെന്നില്‍ത്തിറതുള്ളിയാടുന്നുവോ-
നിന്‍ കണ്ണെന്നെയരികില്‍ ക്ഷണിക്കുന്നുവോ,
നിന്‍ ഗന്ധമെന്നെത്തലോടുന്നുവോ...
ഒക്കെയുമൊരോര്‍മ്മതന്നിഷ്ട ഗന്ധം,
തനിച്ചെന്നിലേയ്ക്കൊഴുകുന്നൊരാത്മ ഗന്ധം...
ഒക്കെയുമൊരോര്‍മ്മതന്നിഷ്ട ഗന്ധം,
തനിച്ചെന്നിലേയ്ക്കൊഴുകുന്നൊരാത്മ ഗന്ധം...!

വിഷക്കണി അഥവാ വിഷുക്കെണി

2011-04-17T01:38:00.008+05:30

ജ്യോതിഷത്തിൽ എനിക്ക് അത്യപൂർവ്വമായ സിദ്ധികളുണ്ടെന്ന് എന്റെ ആരാധകർക്കറിയാം.
ഞാനവരെ ഒരിക്കലും നിരാശപ്പെടുത്തിയിട്ടുമില്ല. അൽഭുതമെന്നു പറയട്ടെ, അവിശ്വാസികളേയും, അഹിന്ദുക്കളേയും, അസൂയക്കാരേയും ഒരുപോലെ എന്നിൽ വിശ്വാസമർപ്പിക്കാൻ പ്രേരിപ്പിച്ച ഇതൊരെണ്ണം മതി, എക്കാലവും എന്റെ കഴിവിൽ സംശയദൃഷ്ടിയുള്ള വിടുവായന്മാരുടെ വായടയ്ക്കാൻ. പക്ഷെ എന്റെ കണക്കുകൂട്ടലുകൾ ഈ വിഷുദിനത്തിൽ പിഴച്ചു. മനോരമയും, മാതൃഭൂമിയും, കേരളകൌമുദിയും, മംഗളവുമൊക്കെ ഒത്തുചേർന്ന് ഈ വിഷുവിനെന്നെ ചതിച്ചു. ജോഷി മമ്മൂട്ടിയെ ചതിച്ചപോലെ... എങ്ങനെ നമ്മളിനി പത്രങ്ങളെ വിശ്വസിച്ച് ജീവിക്കും..? ഈ പത്രക്കാരേയും, സാലറി ബേസ്ഡ് ജ്യോത്സ്യന്മാരേയും നമ്പി ഞാനെങ്ങിനെ നിങ്ങൾക്കുവേണ്ടി സത്യസന്ധമായി ഗ്രഹനില നോക്കും..? എങ്ങനെ വിശ്വാസയോഗ്യമായ വർഷഫലമെഴുതും..? എന്റെ ജീവിതത്തിലെ വളരെ പ്രധാനപ്പെട്ട വിഷു ആയതുകൊണ്ട് മാത്രം പ്രഗൽഭരായ (എന്നെക്കാൾ) ജ്യോത്സ്യരത്നങ്ങളെഴുതിയ ഈ വർഷത്തെ വിഷുഫലം ചൂടോടെ വായിച്ചു ഞെട്ടി. പ്രമുഖ പത്രങ്ങളിലെ ജ്യോതിഷന്മാരെഴുതിയതിന്റെ ലിങ്കങ്ങൾ താഴെ കിടപ്പുണ്ട്. ഇതിൽ ഏത് പത്രത്തിലെ ജ്യോത്സ്യനെഴുതിയതാണ് യഥാർത്ഥ വിഷുഫലമെന്നറിയാൻ ഞാനിനിയേതു ഗോപാലകൃഷ്ണനെ ചെന്ന് കാണണം..? അപ്രതീക്ഷിതമായ ഈ ആഘാതത്തിൽ മീറ്റിനുപോലും പങ്കെടുക്കാനുള്ള താൽ‌പ്പര്യം നഷ്ടപ്പെട്ട എനിക്ക് എങ്ങനെ ഇത്തവണത്തെ ബ്ലോഗ് വിഷുഫലം ഇനി എഴുതാനാകും..? ജ്യോതിഷം ശാസ്ത്രമാണെന്നും, സത്യമാണെന്നും, കൃത്യതയുള്ളവയാണെന്നും കേട്ടിട്ടുണ്ട്. ശുദ്ധമായ കുടിവെള്ളവും, പാലും ഏതുഗാണ്ടയിലും ഒരേ നിറത്തിൽ കാണപ്പെടുന്നതുപോലെ, സൂര്യൻ കിഴക്കുമാത്രം ഉദിക്കുന്നതു പോലെ, ലോകത്തെവിടെയും നാലും മൂന്നും ഏഴ് എന്ന സ്ഥിരതാപ്രഭാവംപോലെ ഒരൽ‌പ്പം സുവ്യക്തത, ഒരിമ്മിണി സുതാര്യത എന്തുകൊണ്ടാണ് ജ്യോതിഷത്തിൽ കാണപ്പെടാത്തത്..? ആര് പ്രവചിച്ചാലും, ആര് ഗണിച്ചാലും ഒരിക്കലും ഒരേപോലെ വരാത്ത ജ്യോതിഷഫലങ്ങൾ എന്തുകൊണ്ടാണ് പരസ്പരവിരുദ്ധമാകുന്നത്‌..? ജ്യോതിഷം അടിസ്ഥാനരഹിതമായ കണക്കുകളുടെ, അബദ്ധങ്ങളുടെ, ഭാവനയുടെ (നടിയല്ല) വിളനിലമാകുമ്പോൾ എന്റെ സംശയങ്ങൾക്ക് ആര് സമാധാനം പറയും..? അടിസ്ഥാനഘടകങ്ങളും, പ്രയോഗരീതികളും ഒന്നുതന്നെയായിരുന്നിട്ടും ഉപയോഗപ്പെടുത്തുന്നവരുടെ പാണ്ഡിത്യത്തിലും, സിദ്ധിയിലും, പരിചയസമ്പന്നതയിലുമുള്ള ഏറ്റക്കുറച്ചിലുകൾ കൊണ്ടാകുമോ ഒരേപോലെ ഭവിക്കേണ്ട ഫലങ്ങൾ ഭിന്നവും, വിപരീതവുമായിപ്പോകുന്നത്..? എന്തര് പുണ്ണാക്കായാലും വർഷഫലോം, വാരഫലോം നിങ്ങൾക്കുവേണ്ടി നോക്കുന്ന വിഫലശീലത്തോട് ഞാൻ വിട പറയുന്നു.. പായലേ വിട, പൂപ്പലേ വിട.. എന്നന്നേയ്ക്കും വിട ട...!

വിഷുഫല ലിങ്കംസ്:

അവലംബം: ജനയുഗം

കാവ്യയെ തടസ്സപ്പെടുത്തിയ ജനാധിപത്യ സുവിശേഷക്കാരൻ..!

2011-04-14T10:40:00.003+05:30

കാവ്യയ്ക്കൊരബദ്ധം പറ്റി, വേണ്ടാത്ത പൊല്ലാപ്പിനൊന്നും പോകേണ്ടന്ന് അപ്പൊഴേ അച്ഛനോട് പറഞ്ഞതാണ്.. മാധവേട്ടൻ കേട്ടില്ല. യഥാർത്ഥത്തിൽ ഇതൊരു കോൺസ്പിരസിയുടെ ഫലമാണോ..? എങ്കിൽ ആരാണ് ആ സോളിഡാരിറ്റിക്കാരൻ..? ഇന്നലെ വോട്ട് ചെയ്ത പ്രമുഖരിൽ പലരും ക്യൂ എന്ന ജനാധിപത്യ മര്യാദ പാലിക്കാതെയാണെന്ന് ചില രാഷ്ട്രീയ വിരോധികൾ. കേരളത്തിൽ സെലിബ്രിറ്റി ഗസ്റ്റുകൾ സാധാരണക്കാരനെ മറികടക്കുന്ന നിത്യസംഭവങ്ങൾ നിലവിലുള്ളപ്പോൾ കാവ്യസംഭവം ആസൂത്രിതമാണെന്ന് ചുമ്മാ അങ്ങ് ഊഹിച്ചോളൂ. ഡൈവോഴ്സ് ചെയ്ത നിഷാൽ ചന്ദ്രയുടെ വിസ്വ സ്വ സ്വ സ്വസ്ഥ ഡ്രൈവർ ശശിയപ്പയാണ് ആ വീരപുരുഷനെന്ന് ചിലർ.. കൊട്ടാരക്കരയില്‍ ഗണേഷ് കുമാറിന്റെ പ്രചാരണത്തിന് കാവ്യയും ദിലീപും പങ്കെടുത്തിരുന്നു. വോട്ടിടാൻ കാവ്യ വരുമെന്നുറപ്പിച്ച് ആ വൈരാഗ്യം തീര്‍ക്കാനായി മുൻ കൂട്ടി പ്ലാൻ ചെയ്തതാണെന്നും, പിണറായി പക്ഷക്കാരനായ ഡിവൈ.എഫ്.ഐ നേതാവാണ്‌ ആ പ്രതികരിച്ച യുവാവെന്നും മറ്റുചിലർ... ഇതൊന്നുമല്ല, മീശമാധവൻ എന്ന സിനിമയുടെ ലൊക്കേഷനിൽ വന്നു കാവ്യയെ ഒരുനോക്കുകാണാൻ കൊതിച്ച് ഉന്തിത്തള്ളി സെറ്റിൽ അലോസരമുണ്ടാക്കിയപ്പോൾ അന്ന് പോലീസിന്റെ തൊഴി വാങ്ങി പോയവനാണു ഇന്നലെ കലിപ്പു തീർത്തതെന്ന് മറ്റ് ചിലർ... ഇതിലേതാ സത്യമെന്ന് നിങ്ങൾ തന്നെ ഊഹിച്ചോളൂ...

അടുത്തവർഷവും ജനാധിപത്യ മര്യാദകൾ ലംഘിക്കുന്ന വി.ഐ.പി വോട്ടർമാർ മുന്നോട്ടുവരട്ടെ, സാധുക്കളായ ഓരോ ബ്ലോഗർമാർക്കും വീണ്ടും ഇത്തരത്തിൽ എക്സ്ക്ലൂസീവ് വാർത്തകൾ ചുളുവിൽ കിട്ടട്ടെ. ഞാനായിട്ട് ഒരു പോസ്റ്റിനുള്ള വക കളഞ്ഞില്ലെന്ന പരാതി വേണ്ട. എന്തൊക്കെ പറഞ്ഞാലും രണ്ടാമതുവന്ന് വോട്ട് രേഖപ്പെടുത്തിയിറങ്ങിയപ്പോൾ കാവ്യയുടെ മനസ്സിൽ ഒന്നേ ഉണ്ടായിരുന്നുള്ളൂ;
‘ശ്ശെ വറണ്ടാർന്നു..’

'വർത്തമാന' വിശേഷങ്ങൾ..

2011-04-03T09:40:00.001+05:30

ക്ലിക്കിയാൽ വലുതായി വായിക്കാം.

യെന്തിരൻ..!

2011-04-01T14:39:00.003+05:30

ച്യുതി=നാശം
അച്യുതം=നാശമില്ലാത്തത്
അച്യുതൻ=നാശമില്ലാത്തവൻ
(കൂടെനിന്ന് പണിയുന്നവന്റെ നാശം അച്ചുമ്മന്റെ കൈകൊണ്ടാവാതിരിക്കട്ടെ)

പ്രതിഭ വറ്റിയ ബ്ലോഗെഴുത്തുകാർക്ക്...

2011-03-26T23:41:00.002+05:30

പ്രതിഭ വറ്റിയ ബ്ലോഗെഴുത്തുകാർക്ക് എഴുത്തിൽ സജീവസാന്നിദ്ധ്യം നിലനിർത്താൻ 10 മാർഗ്ഗങ്ങൾ.

1. ബ്ലോഗ് എന്ന അൽഭുതം സൃഷ്ടിച്ച ഗൂഗിൾ, ബ്ലോഗിന്റെ തന്നെ ചാക്കാലയൊരുക്കുവാൻ തുടങ്ങിയ ബസ്സിൽ അന്തസ്സായി ഒരു റൂട്ടുതുടങ്ങുക.
2. ബസ്സ് നന്നായി കളക്ഷൻ നേടാൻ പ്രതിഭ വേണമെന്നില്ല, അതിനാൽ ധൈര്യപൂർവ്വം എന്തുമാങ്ങാത്തൊലികളെക്കുറിച്ചും ചുമ്മാ എഴുതുക. ഇടയ്ക്കിടെ രണ്ടൌൺസ് മുസ്ലിം പവർ ഒരു പവറിനുവേണ്ടി അകത്താക്കുക.
3. മാനസികമായി നിങ്ങളെ തകർക്കാനായി ഇടുന്ന ചില ബസ്സ് കമന്റുകൾക്കെതിരെ വേറൊരു ബസ്സിറക്കി അവന്റെ അണ്ടം കീറുക.
4. ബസ്സിൽ നല്ലൊരു ടീം ഉണ്ടാക്കി വയ്ക്കുന്നത് നിങ്ങൾക്കെപ്പോഴും ഗുണം ചെയ്യും, ഓവർട്ടേക്ക് ചെയ്യുന്ന ലോക്കൽ ബസ്സുകളെ നേരിടാൻ ടീം സ്പിരിറ്റ് നല്ലതാണ്.
5. ഓഫീസ് ജോലികൾ, ജോലിത്തിരക്കുകൾ നിങ്ങളെ അലട്ടാതെ ഏതുനേരവും ബസ്സോടിക്കണമെങ്കിൽ ലാഭത്തിലോടുന്ന ബസ്സിനുവേണ്ടി ആ ജോലി പുല്ലുപോലെ വലിച്ചെറിഞ്ഞ് ആണത്തം കാട്ടുക. എന്തിന് കണ്ടവന്റെ ഔദാര്യം..?
6. എല്ലാ ദിവസത്തേയും പത്രങ്ങൾ വള്ളിപുള്ളി വിടാതെ വായിച്ചശേഷമാകണം രാവിലെ വായ്ക്കുരുചിയായിട്ട് ബസ്സിറക്കുവാൻ. വാണ്ടഡ് മുതൽ ചരമക്കോളം വരെ വായിക്കുക. അന്നത്തെ പെട്രോളിനുള്ള വകയെങ്കിലും ഉറപ്പ്‌.
7. യാതൊരു കാരണവശാലും വണ്ടി പാർക്ക് ചെയ്യരുത്‌, നിർത്താതെ ഓടിക്കൊണ്ടേയിരിക്കണം. നിങ്ങളുടെ ബസ്സിന്റെ ടയറിനടിൽ അള്ള് വയ്ക്കുന്നവന്റെ തള്ളയ്ക്ക്‌ വരെ വിളിക്കാൻ പഠിക്കണം. ഒപ്പം ബ്രേക്ക് വരെ ഊരി അവനെയങ്ങ് സ്വതന്ത്രനാക്കിയേക്കുക.
8. പെൺബസ്സുടമകളെ നമ്പരുത്‌. ഭൂരിഭാഗവും ഫേക് ആണ്. അല്ലാതുള്ള ഐറ്റങ്ങൾ നിങ്ങളെക്കാൾ ഫയങ്കര തൊലിക്കട്ടിയുള്ളവരായതിനാൽ ഉള്ള ഷഡ്ഡി അങ്ങോട്ടു ചെന്ന്‌ കീറിക്കാതെ നോക്കുക.
9. ചങ്കൂറ്റമുള്ളവനാണെന്ന്‌ സ്വയം അങ്ങട്‌ ഭാവിക്കുക. നിർബന്ധമായും എന്തിലും, ഏതിലും അപാരമായ അറിവുള്ളയാളാണെന്ന്‌ ബോധ്യപ്പെടുത്തുന്ന രീതിയിലാവണം ആദ്യകാല ബസ്സ് റൂട്ടുകൾ. പിന്നെ സ്വതവേയുള്ള തറ ഐറ്റംസ് പതിയെ ഇറക്കിത്തുടങ്ങാം.
10. വരുന്ന ഈ രണ്ടുമാസം രാഷ്ട്രീയത്തിൽ തന്നെ പിടിമുറുക്കാം. ചാകര പാഴാക്കേണ്ടതില്ല. പഞ്ഞമാസം വരുമ്പോൾ കൈയ്യിലുള്ള തുണ്ടുകൾ പുറത്തുവിട്ടാൽ മതി. ഇത്രയൊക്കെ ചെയ്യാമെങ്കിൽ നിങ്ങളുടെ ബസ്സ് ജീവിതം പരിപൂർണ്ണ ശോഭനമായിരിക്കും.

N.B: നവാഗത ബ്ലോഗർമാർക്ക്.

ബ്ലോഗിൽ കാലെടുത്തുവയ്ക്കുന്ന പുതിയ ബ്ലോഗർമാർക്ക് ഇതൊരു സുവർണ്ണാവസരവും, ആശങ്കകളില്ലാതെ വിഹരിക്കാൻ പറ്റിയ സീസണുമാണ്. ഫീകരന്മാരായ പല പുലി ബ്ലോഗറും ബസ്സിൽ കിടന്ന് നിരങ്ങുന്ന അവസരം മാക്സിമം മുതലാക്കുക. നിങ്ങൾക്കു മുൻപേ വന്നുപോയവർ വിലസിയ ബ്ലോത്തോട്ടത്തിൽ ഉള്ള കഴിവുപോലെ നിങ്ങളും പന പോലെ വളരുക. ഇനി പ്രതിഭ വറ്റി എന്നു സ്വയം തോന്നുന്നപക്ഷം ധൈര്യമായി ഒരു ബസ്സിറക്കി എഴുത്തു തുടരുക.

സ്വപ്നമൊരു ചാക്ക്...തലയിലത്...

2011-03-21T10:10:00.001+05:30

ശേഷം ചിന്ത്യം ലേശം വൈകും

2011-03-13T14:54:00.002+05:30

ശേഷം ചിന്ത്യത്തിന്റെ പൂജ ഏപ്രിൽ 14-ന്

പൂയപ്പള്ളി ഫിലിംസിന്റെ ബാനറിൽ ത്രീ ഡോട്ട്സ് അവതരിപ്പിക്കുന്ന ശേഷം ചിന്ത്യത്തിന്റെ പൂജ താരങ്ങളിൽ ചിലരുടെ അസൌകര്യം കണക്കിലെടുത്ത് വിഷുദിനത്തിലേയ്ക്ക് മാറ്റിയിരിക്കുന്നു. തിരുവനന്തപുരത്തെ മസ്ക്കറ്റ് ഹോട്ടലിൽ രാവിലെ 10 മണിക്കാണ് പൂജ. ഹരി പാല കഥയും, തിരക്കഥയും, സംഭാഷണവുമെഴുതി സുനിൽ പണിക്കർ സംവിധാനം ചെയ്യുന്ന ശേഷം ചിന്ത്യം ചിങ്ങം ഒന്നിന് പാലായിൽ ചിത്രീകരണം ആരംഭിക്കും. 1994-ൽ റിലീസ് ചെയ്ത ‘വധു ഡോക്ടറാണ്’ എന്ന ജയറാം ചിത്രം നിർമ്മിച്ച പൂയപ്പള്ളി ഫിലിംസിന്റെ ബാനറിൽ ഈ സിനിമ പൂർത്തിയാക്കപ്പെടും. ബൂലോകം ഓൺലൈൻ അഡ്മിനുകളായ ഡോ. ജെയിംസ് ബ്രൈറ്റും, ഡോ. മോഹൻ ജോർജ്ജുമാണ് ഈ ചിത്രം നിർമ്മിക്കുന്നത്‌. താരങ്ങളിലും, മറ്റു ടെക്നീഷ്യൻസിലും കാര്യമായ മാറ്റങ്ങളില്ലാതെ സിനിമയുടെ പ്രി-പ്രൊഡക്ഷ്ൻസ് വർക്കുകൾ പുരോഗമിക്കുന്നു. ബിജുമേനോൻ, ഡോ. ബിജു എബ്രഹാം, സിദ്ദിഖ്, ലക്ഷ്മി ഗോപാലസ്വാമി, ശരണ്യ മോഹൻ, ജഗതി, സുരാജ് വെഞ്ഞാറമൂട്, ഹരിശ്രീ അശോകൻ, ബാലചന്ദ്രൻ ചുള്ളിക്കാട്, ബിജുക്കുട്ടൻ, കെ. ബി. വേണു, ബിന്ദു പണിക്കർ, കുളപ്പുള്ളി ലീല തുടങ്ങിയവർ അഭിനയിക്കുന്നു. ഒ.എൻ.വി കുറുപ്പിന്റേയും, സുനിൽ പണിക്കരുടേയും വരികൾക്ക്‌ കെ. പി. ഉദയഭാനുവും, അനിൽ ഭാസ്കറും, സാം ഐസക്കും ഈണം നൽകുന്നു. ക്യാമറ സന്തോഷ് മേലത്തുമേലെയും, എഡിറ്റിംഗ് പി. സി. മോഹനനും നിർവ്വഹിക്കുന്നു. യേശുദാസ്, ചിത്ര, ശ്വേതാമോഹൻ, മുരുകൻ കാട്ടാക്കട, അനിൽ ഭാസ്കർ എന്നിവർ ഗാനങ്ങൾ ആലപിക്കുന്നു.

അച്ചടിക്കാത്ത നെല്ലിക്കകൾ

2011-03-11T14:40:00.000+05:30

എത്ര കയ്പ്പുള്ള നെല്ലിക്കയും അവസാനമൊരു മധുരം തരും. കയ്പ്പിൽനിന്നാണെങ്കിലും മധുരം മധുരമല്ലാതെ ആവുന്നില്ല.. അത്തരമൊരു മധുരമാണ് ബ്ലോഗ് കവിതകൾ.. ഒരിക്കലും മധുരം തരാത്ത ഭൂരിഭാഗം കയ്പ്പൻ കവിതകൾക്കിടയ്ക്ക്, ജീവിതത്തിന്റെ കയ്പ്പിൽ നിന്നും, വേദനയിൽ നിന്നും ഊറുന്ന മധുരമുള്ള കുറച്ച് കവിതകളുണ്ട്.. അച്ചടിക്കുകിട്ടാത്ത, ആയുസ്സില്ലെന്നുപറയുന്ന, നിസ്സാരമെന്നുതോന്നുന്ന, ആ മധുരം ബ്ലോഗിലല്ലാതെ മറ്റെവിടെയാണ്..?

ബൂലോകത്തുനിന്നൊരു ശേഷം ചിന്ത്യം!

2011-03-03T17:37:00.003+05:30

സൌഹൃദം വെബ്ബ് ടീം അണിയിച്ചൊരുക്കുന്ന ബൂലോകത്തെ ആദ്യത്തെ മൂവീ ഫിലിം.
ത്രീ ഡോട്ട്സ് പ്രൊഡക്ഷൻസിന്റെ ബാനറിൽ നവാസ് തിരുവനന്തപുരം നിർമ്മിച്ച്‌ സുനിൽ പണിക്കർ സംവിധാനം ചെയ്യുന്ന ‘ശേഷം ചിന്ത്യം’ എന്ന
സിനിമയുടെ പൂജ ഈ മാസം ഇരുപതാം തീയതി തിരുവനന്തപുരത്തു നടക്കും.
ഏപ്രിൽ രണ്ടിന് കോട്ടയത്തെ പാലായിൽ ഒറ്റ ഷെഡ്യൂളിൽ സിനിമയുടെ
ചിത്രീകരണം ആരംഭിക്കും. പ്രശസ്ത ബ്ലോഗർ ഹരി പാലയാണ് (പോങ്ങുമ്മൂടൻ) കഥയും, തിരക്കഥയും, സംഭാഷണവും നിർവ്വഹിക്കുന്നത്‌. ബിജുമേനോൻ, സിദ്ധിഖ്, ഡോ. ബിജു എബ്രഹാം, സംവൃതാ സുനിൽ, ജഗതി, സുരാജ് വെഞ്ഞാറമ്മൂട്‌, ബിജുക്കുട്ടൻ, ബാലചന്ദ്രൻ ചുള്ളിക്കാട്‌, ബിന്ദു പണിക്കർ, പ്രീതികാ സുരേഷ് തുടങ്ങിയവർ അഭിനയിക്കുന്നു. ഛായാഗ്രഹണം സന്തോഷ് മേലത്തുമേലെ. യേശുദാസ്, ചിത്ര, ശ്വേതാമോഹൻ, മുരുകൻ കാട്ടാക്കട, അനിൽ ഭാസ്കർ എന്നിവർ ആലപിക്കുന്ന ഗാനങ്ങൾക്ക്‌ ഈണം നൽകുന്നത്‌ ഗായകൻ പത്മശ്രീ കെ. പി. ഉദയഭാനുവും, ബോംബെ രവിയുമാണ്. കവിതയും, ഗാനരചനയും സുനിൽ പണിക്കർ നിർവ്വഹിക്കുന്നു. സൌഹൃദം കൂട്ടായ്മയിലെ സജീവ പ്രവർത്തകരായ കെ. സി. ജോഷി, അഖിൽ, അനിൽ കുരിയാത്തി തുടങ്ങിയവരാണ് അണിയറയിൽ.

പ്രതികാരം ജീവിതത്തെ ഒരിക്കലും വിശുദ്ധീകരിക്കുന്നില്ല. നന്മ കൊണ്ടാവണം മധുരമായ പകവീട്ടലുകൾ പൂർണ്ണമാകേണ്ടത്. ഓരോ നന്മയും ഓരോ ശരികളാണ്. കാലാതീതമായ ഒരു മുറിവുപോലെ ആ നന്മ പ്രതിയോഗിയെ കീഴ്പ്പെടുത്തുക തന്നെ ചെയ്യും. ഈ സിനിമ അത്തരമൊരു നന്മയുടെ ഓർമ്മപ്പെടുത്തലാണ്. സൈബർ കുറ്റകൃത്യങ്ങൾ പെരുകുന്ന പുതിയകാലത്തിൽ സമൂഹത്തിന് നൽകുന്ന ഒരു മെസ്സേജായിരിക്കും ശേഷം ചിന്ത്യം.

രാത്രിക്കുറിപ്പ്‌

2011-03-01T14:38:00.000+05:30

“ ഉണരാതിരിക്കണമെനിക്കൊരുറക്കമുണ്ടെങ്കിൽ,
ഒരുറക്കത്തിലുമെനിക്കുണരാതിരിക്കണം..”

ഒരു ഔഷധ കവിത

2011-02-21T13:54:00.001+05:30

പ്രഭാതത്തിൽ
മുറ്റത്തിന്റെ മുഖത്തേയ്ക്ക്
വലിച്ചെറിയപ്പെടുന്ന ഓരോ
പത്രവും ഓരോ മറുമരുന്നുകളാണ്..
സുഖശോധനയ്ക്ക്
ഏറ്റവും മികച്ച ഔഷധം
പത്രമല്ലാതെ മറ്റൊന്നുമല്ല...

യൂറോപ്യൻ ക്ലോസറ്റിൽ
കൂനിക്കൂടിയിരുന്ന്‌
മുൻപേജിലൂടെയുള്ള
ആദ്യയാത്രയിൽ തന്നെ
ശോധന ശോഭനമാകും..
അഴിമതിയും, തടവറയും,
കൺഫെഷനുകളും,
ആരോപണങ്ങളും അതിരാവിലെ
നമ്മെച്ചിരിപ്പിക്കുമ്പോൾ
ഒച്ചപ്പാടിനൊപ്പം
ക്ലോസറ്റും കുലുങ്ങിച്ചിരിക്കും..

സുഖശോധനയ്ക്ക് 100 %
ഫലപ്രാപ്തി തരുന്ന
ഒരൊറ്റ മരുന്ന്‌ കക്കൂസിനെക്കാൾ
ദുർഗന്ധപൂരിതമായ
രാഷ്ട്രീയ വാർത്തകളല്ലാതെ
മറ്റെന്താണ്...?

N.B: കണ്ണീരിൽക്കുതിർന്ന വാർത്തകൾ
വായിക്കരുത്‌. ഒക്കെ കണ്ണടച്ചേക്കുക;
സുഖകരമായ ഒരു ശോധനയ്ക്കുവേണ്ടി..!

ആഡ്-1

2011-02-01T16:14:00.001+05:30

പ്രിവ്യൂ..

2011-01-23T13:59:00.002+05:30

എന്നെപ്പോലെ തന്നെ ഇങ്ങേരും നരച്ചു..

ഇരിക്കട്ടെ ടെലിലെൻസിൽ (?) ചുള്ളന്റെ ഒരു എക്സ്ട്രീം ക്ലോസ്

മെതുവെ വാ കണ്ണാ..

കൂളിംഗ് ഗ്ലാസ്സ്, മൊവീൽ ഫോൺ.... ശ്ശെ.. വറണ്ടാർന്നു..

ആഡ് സോംഗ്

2011-01-20T13:43:00.000+05:30

പോങ്ങുവിന്റെ ക്രൂരകൃത്യങ്ങൾ..!

2011-01-12T13:12:00.000+05:30

വാണിംഗ്..!

2011-01-11T13:28:00.000+05:30

പരാജയപ്പെടുമ്പോഴാണ്
ഓരോ പ്രണയവും
ഏറ്റവും മധുരതരമായിത്തോന്നുക...
വേദനകളിലും, ഓർമ്മകളിലും
മാത്രമാണവ കൂടുതൽ ദീപ്തമാവുക..
നഷ്ടപ്പെടലുകളും,
വേർപിരിയലുകളും കടന്ന്‌
അവസാന എപ്പിസോഡ്‌
നിശബ്ദമായി തെളിയുമ്പോഴാണ് നമുക്കുള്ളിലെ
പ്രണയം തിരിച്ചറിയപ്പെടുന്നതും...
നിങ്ങൾ പ്രണയപരാജിതനെങ്കിൽ
ഒരിക്കലും ദു:ഖിക്കാതിരിക്കുക,
എന്തുകൊണ്ടെന്നാൽ
പ്രണയം ഒരിക്കലും പരാജയപ്പെടുന്നില്ല;
വിവാഹത്തോടെ പൂർണ്ണമാകുന്നുമില്ല.
തിരിച്ചുകിട്ടുമ്പോഴും, തിരിച്ചുകിട്ടാത്തപ്പോഴും
ഒരേ പോലെ നമ്മെയെപ്പോഴും
ആർദ്രമാക്കുന്ന മാജിക്കാണ് പ്രണയം..
പരാജയപ്പെട്ട ഓരോ പ്രണയവും
ഒരിക്കലുമുണങ്ങാത്ത മുറിവുപോലെ
കാലാതീതമാവുകതന്നെചെയ്യും..

വാൽ: നിങ്ങൾ പ്രണയിച്ചോളൂ..,
പക്ഷെ, പ്രണയത്തിന്റെ ശുഭകരമായ എൻഡ്
വിവാഹം മാത്രമാണെന്ന്‌ വ്യാഖ്യാനിക്കരുത്‌.

എന്ന്‌,
വിവാഹശേഷവും പ്രണയം ആസ്വദിക്കുവാൻ
കഴിയുന്ന ഒരു നിഷ്കളങ്കൻ.

ഷൂട്ട് സ്റ്റിൽസ്-2

2010-12-31T18:51:00.001+05:30

ഷൂട്ട് സ്റ്റിൽസ്

2010-12-22T20:59:00.000+05:30

വാക്കുരച്ചപ്പോൾ കിട്ടിയത്‌..

2010-12-22T14:01:00.000+05:30

കവി വിത്സണ്...

എനിക്കും ഒരു മരമാകണമെന്നവൻ;
പാഴ്ത്തടിയെന്ന്‌ ചിലർ...
കാതലെന്ന്‌ അടുത്തറിയുന്നവർ.......

എനിക്കറിയാം;
കവിതയിലും ജീവിതത്തിലും സദാ
പൂക്കുന്ന അകക്കാമ്പുള്ള ഒരൊറ്റ മരം..

ഏതൊഴുക്കിലും
വേരറ്റുപോകാത്ത, വേരഴുകാത്ത
ഒറ്റ മരം....

കവിതയുടെ സ്വസ്ഥതയിൽ,
സ്വച്ഛതയിൽ,
നിത്യതയിൽ
ഒരസ്വാസ്ഥ്യം പോലെ
മരുഭൂമിയിൽ ഹരിതമാകുന്നവൻ...

സങ്കടങ്ങളുടെ ഉഷ്ണക്കാറ്റിൽ
ഛന്ദസ്സുടഞ്ഞ നിന്റെ
ശബ്ദമെനിക്ക് കേൾക്കാം,
പരുക്കനെങ്കിലും, പതുക്കെയായ്....

ഓ കുഴൂർ.......................
കവിതയിലെ ഒറ്റ മരമേ......,
...............................................
മരമേ.....................................

സമാന്തരങ്ങൾ..

2010-12-18T06:07:00.000+05:30

പ്രിയ കവി ബാലചന്ദ്രൻ ചുള്ളിക്കാടിന്..

സിര തുരക്കുന്ന ലഹരിയിൽ‌പ്പരിഭവം
പതിവിനപ്പുറമകന്നിരുന്നെങ്കിലും
കരൾ പറിക്കും വിഷാദമേയരികെ നീ
വരിക നോവിന്റെ ഗസലുമൂളുവാൻ...

പുഴപതഞ്ഞെത്തും നമുക്കുള്ളിലേയ്-
ക്കെങ്കിലും ഒരുടലൊഴുക്കിലും
കുതിരില്ല സങ്കടം.....

ഇരുളുമൊത്തുന്ന രാത്രിയിൽ
സഗദ്ഗദം മദിരമോന്തുന്ന
പുഴകളാവണം സവിസ്മയം
കനലുകൊത്തുന്ന പക്ഷിപോൽ-
ക്കവിതയിൽ ചിറകടിച്ചുയരുവാൻ രണ്ടു
ചിറകുതേടണം ലഹരിയിൽ...

വഴിമറന്നുപോയെങ്കിലുമോർമ്മയിൽ-
ക്കൂട്ടിനുണ്ടൊരേ മുറിപ്പാടുപോൽ വാക്കുകൾ,
തീക്ഷ്ണമായ്‌.....

മഴയുണങ്ങുന്നു മൌനത്തിനൊപ്പമായ്‌
സിര നനഞ്ഞു, നനഞ്ഞു പോയെങ്കിലും
ഇരുളുകീറുവാൻ കഴിയണം കവിതയിൽ
വരി വിഴുങ്ങും വിഷാദമുണ്ടെങ്കിലും.....

വരിക ഗായകാ.. വാക്കിന്റെയഗ്നിയായ്
മുറിവൊരുക്കുന്ന ഗസലുമൂളുവാൻ,
വരിക ഗായകാ.. വരികളിൽ‌പ്പൂക്കും
മുറിവുണക്കുന്ന ഗസലുമൂളുവാൻ.....!

പറ്റിച്ചൂ... പറ്റിച്ചൂ... പറ്റിച്ചൂ..

2010-12-13T16:01:00.000+05:30

വിശ്വസിച്ചാലും ഇല്ലെങ്കിലും- ഒന്നാം ഭാഗം

2010-11-24T14:13:00.003+05:30

കുണ്ടറയിലെ അണ്ടി മൊയ്‌ലാളി

ബ്ലോഗിൽ നിന്നും ഒഴിഞ്ഞു മാറി മാന്യന്മാർക്ക്‌ മനസമാധാനം ചാക്കുകണക്കിന്
ഇപ്പൊ കൊടുത്തുകൊണ്ടിരിക്കുന്ന കാപ്പിലാൻ എന്ന കാപ്പണ്ണന്റെ
ചിലക്കള്ളക്കളികൾ ഒരു ഇംഗ്ലീഷ് ബ്ലോഗിലൂടെ അറിയുകയുണ്ടായി.
ബ്ലോഗിലെ ശല്യം തീർന്നൂവെന്ന്‌ കരുതിയ ബ്ലോഗർമാരെ ഞെട്ടിച്ചുകൊണ്ട് പതിന്മടങ്ങ് കരുത്തും അക്രമാസക്തിയുമായി ബസ്സിലൂടെ തിരിച്ചു വന്ന കാപ്സ് ‘ഊമ്പിയ മഴ‘ എന്ന പേരിൽ ഒരു മാങ്ങാത്തൊലി കവിതയെഴുതി ആധുനിക കവികളെയെല്ലാം ഒന്നടങ്കം ഞെട്ടിച്ചു. കവിതയിൽ ഉള്ളുകള്ളികളില്ലാത്ത ഒരു തുറന്ന സമീപനമാണ് താൻ സ്വീകരിച്ചതെന്ന്‌ കാപ്പിലാൻ ആണയിടുന്നു.
കുഴൂരിന്റെ ഒരു കവിതയിലെ മൈര് എന്ന പ്രയോഗം പോലെ ഊമ്പിയ മഴയും അസ്വാഭാവികത ഒന്നും തന്നെ പുലർത്തുന്നില്ല എന്നാണ് കാപ്പിലാന്റെ വാദം. ശ്ലീലവും അശ്ലീലവുമെല്ലാം അടങ്ങിയതാണ് ജീവിതം, കവിതയും അങ്ങനെ തന്നെ. മൂടുപടമണിഞ്ഞ സാദാചാരത്തിന്റെ മറയിൽ നിന്നുകൊണ്ടെഴുതുന്ന ശ്ലീല സുന്ദര കാവ്യങ്ങളെങ്ങനെ ജീവിതഗന്ധിയായ കവിതയാകും എന്ന്‌ കാപ്പിലാൻ ചോദിക്കുമ്പോൾ ഉത്തരമില്ല. നിങ്ങൾ സുഖലോലുപത വെടിഞ്ഞ്‌ തെരുവിലേയ്ക്കിറങ്ങി നോക്കൂ, പച്ചയായ ജീവിതത്തിൽ ശ്ലീലവും അശ്ലീലവുമൊക്കെ കവിതയായിത്തീരുന്നതും, കവിത ജീവിതമായിത്തീരുന്നതുമൊക്കെ കാണാനാകും, അതെങ്ങാനും എഴുതിപ്പോയാൽ അശ്ലീല കവിയായി മുദ്രകുത്തുന്ന സമൂഹമാണിതെന്നു പറഞ്ഞ്‌ കാപ്പിലാൻ കണ്ണുതുടച്ചപ്പോൾ ഞാൻ സ്തബ്ധനായി., അന്തം വിട്ട കുണ്ഠിത ഗദ്ഗദകണ്ഠനായി. ആ കവിതയോടു കൂടി ബ്ലോഗിൽ നിന്നും താൽക്കാലികമായി വിടവാങ്ങിയ കാപ്പിലാൻ നേരെ ചെന്നിറിങ്ങിയത്‌ കുണ്ടറയിലെ ഒരു അണ്ടിയാപ്പീസിൽ.

നല്ല ലാഭത്തിൽ ഓടിക്കൊണ്ടിരുന്ന ബസ്സും, ആ പഴഞ്ചൻ സൈക്കിൾ വിറ്റു കിട്ടിയതും, ഇത്രേം നാളും മിച്ചം പിടിച്ച കാശുമൊക്കെ ചേർത്ത്‌ ഈ മണ്ടൻ കുണ്ടറയിൽ പുതിയൊരു ബിസ്സിനസ്സ് തുടങ്ങാനെത്തിയിരിക്കുന്നു എന്നാണ് ഇപ്പൊ കിട്ടിയ വാർത്ത. കുണ്ടറയിലെ ഏതോ പൊട്ടിപ്പാളീസായ ഒരു അണ്ടിയാപ്പീസിനെ ചുളുവിലയ്ക്ക്‌ വാങ്ങി അണ്ടിക്കച്ചോടം തുടങ്ങാനുള്ള പദ്ധതികളിലാണ് ടിയാൻ. ഒപ്പം അണ്ടിയാപ്പീസിന്റെ അണ്ടർഗ്രൌണ്ടിൽ ഒരു ബോഡിബിൽഡിംഗ് സെന്റർ കൂടി തുടങ്ങാനുദ്ദേശമുണ്ടെന്നു കേൾക്കുന്നു.. ആരോഗ്യം മെയിന്റെയിൻ ചെയ്തിട്ടുവേണം ബൂലോകത്തിലേയ്ക്ക്‌ ഡബിൾ ഫോഴ്സ് കുതിരശക്തിയുമായി തനിക്കുതിരിച്ചുവരാനെന്ന്‌ കാപ്പിലാൻ ഇംഗ്ലീഷ് ബ്ലോഗിലെ അഭിമുഖത്തിൽ പറയുന്നുണ്ട്.

10 കിലോ ഭാരമുയർത്തി ചങ്കുറപ്പോടെ നിൽക്കുന്ന കാപ്പിലാൻ

ഫ്രണ്ടിൽ 8 പാക്കും, ബാക്കിൽ 6 പാക്കും മസിൽകട്ടകൾ ഉണ്ടാവും വരെ കുണ്ടറയിലെ അണ്ടർ ഗ്രൌണ്ടിൽ കാപ്പിലാൻ കഠിനപരിശ്രമത്തിലായിരിക്കുമെന്ന്‌ ഡോക്ടർ ജെയിംസ് ബ്രൈറ്റ് വാട്സൻ തന്റെ പേഴ്സണൽ സൈറ്റിൽ എഴുതിയിരിക്കുന്നു. ഒക്കെ കണ്ടറിയാം... മുണ്ടുകീറാതെ കുണ്ടറയിൽ നിന്നും തിരിച്ചെത്തിയാൽ ഭാഗ്യം...

ഓര്‍മ്മകള്‍ വിടരുന്നത്‌...

2010-11-19T12:43:00.000+05:30

ഇന്നലെയും അതവിടെയുണ്ടായിരുന്നു..
സുരഭിലമായ ഒരു ചുവന്ന റോസ്‌..
വെളുത്ത മാലാഖമാര്‍ പാറിനടക്കും
വരാന്തകളില്‍,
ചുമച്ചു തളര്‍ന്ന നരച്ച വാര്‍ദ്ധക്യത്തിന്റെ
ഇരുണ്ട വാര്‍ഡുകളില്‍
ആ സൗരഭ്യം പകര്‍ന്നു പരന്നു...
കാത്തിരിപ്പിന്റെ അവസാനമറിയാതെ
കൂട്ടിരിപ്പിന്‍ കാവലാളുകള്‍
വിറങ്ങലിക്കുന്ന ഇടനാഴികളില്‍
ആ സൗരഭ്യം പരന്നുകൊണ്ടേയിരുന്നു....
യൗവ്വനം മറന്ന മേല്‍ക്കൂരയ്ക്ക്‌ താഴെ
നീണ്ടുനിവര്‍ന്നു ഞാൻ....
കിടയ്ക്കക്കരുകില്‍,
ഇന്നലെയും അതവിടെയുണ്ടായിരുന്നു
സുരഭിലമായ ഒരു ചുവന്ന റോസ്‌..!
വിരലുകള്‍ വെറുതെ
അതുമിതും പറഞ്ഞിഴചേരുമ്പോള്‍
ഞാന്‍ സ്വപ്നം കാണുകയായിരുന്നു...
കൊതുകുകളുടെ അക്ഷൗഹിണിക്കുനടുവില്‍
എന്റെ സ്വപ്നം എറിഞ്ഞുടയ്ക്കപ്പെട്ടു..
ഗസലുകളായും ശ്രുതി സൗഭഗമാര്‍ന്ന
കീര്‍ത്തനങ്ങളായും അക്ഷൗഹിണി
എനിക്കുചുറ്റും വട്ടമിട്ടു..
ജീവിതം തിരിച്ചുകിട്ടുന്ന
ഉജ്ജ്വലവും, ശുഭപര്യവസായിയുമായ
സ്വപ്നം കണ്ടുതുടങ്ങിയതിനുപിന്നില്‍
ആ ചുവന്ന റോസ്‌ തന്നെ..
ഇന്നലെയും അതവിടെയുണ്ടായിരുന്നു
സുരഭിലമായ ഒരു ചുവന്ന റോസ്‌..!
പ്രതീക്ഷകളുടെ ഇഞ്ചക്ഷനുകളില്‍
ലഹരി നിറച്ചു വീണ്ടും ജീവിതത്തെ
സ്വപ്നം കാണാം..
വെളുത്ത മാലാഖമാര്‍ പാറിനടക്കട്ടെ..,
കൊതുകിന്റെ അക്ഷൗഹിണികള്‍
ശോകഭരിതമായ ഗസലുകള്‍ പാടട്ടെ!
ഇടയ്ക്ക്‌.....
അലോസരപ്പെടുത്തുന്ന ഒരു നിലവിളി..
ആരുടേയോ ശകാരം..
ഏതവന്റേയോ ഒരു പ്രാര്‍ത്ഥന..
ഇത്രകൂടിയായാല്‍ ശുഭം....
തീര്‍ന്നു....
ഒരു രാത്രികൂടി പരിപൂര്‍ണ്ണം..!
മരുന്നുകളുടെ മാസ്മരികതയില്‍
വീണ്ടും ജീവിതത്തെ സ്വപ്നം കാണാം..
ഓര്‍മ്മകള്‍ വിടരുന്നതും അപ്പോഴാണ്‌..
ഇന്നലെയും അതവിടെയുണ്ടായിരുന്നില്ലേ?
സുരഭിലമായ ആ ചുവന്ന റോസ്‌..?

ബ്ലോഗ് ജാലകം പ്രമുഖ ചാനലിൽ..!

2010-11-15T20:09:00.001+05:30

ആ സമയം സമാഗതമായിരിക്കുന്നു.
മലയാളത്തിലെ ഒരു പ്രമുഖ ചാനലിൽ ബ്ലോഗ് പരിചയവുമായി
ബ്ലോഗ് ജാലകം ഉടൻ എത്തുന്നു. ആഴ്ചയിൽ ഓരോ എപ്പിസോഡ്
വീതമായിരിക്കും ആദ്യകാലങ്ങളിൽ.. ഓരോ ആഴ്ചയും ഒരു ബ്ലോഗറെ പരിചയപ്പെടുത്തുന്നതോടൊപ്പം, പ്രേക്ഷകരുമായി സംവദിക്കാനുള്ള അവസരവും ഓരോ ബ്ലോഗർക്കും സാധ്യമാക്കുന്ന ഈ ദൃശ്യവിസ്മയത്തിലേയ്ക്ക്‌ പ്രിയ ബ്ലോഗർമാരുടെ സഹായസഹകരണങ്ങൾ പ്രതീക്ഷിക്കുന്നു. ബ്ലോഗ് ജനകീയമാക്കുന്നതിനുവേണ്ടിയുള്ള ഓരോ ആശയങ്ങളിലും, പ്രവർത്തനങ്ങളിലും എല്ലാ ബ്ലോഗർമാരും സജീവമാകണം. കഴിഞ്ഞ ഒരു വർഷക്കാലത്തെ പ്രയത്നഫലമായി ഒരു പീക്ക് ടൈം തന്നെ ബൂലോകത്തിനുവേണ്ടി സ്വന്തമാക്കാനായതിൽ ഒരുപാട്‌ സന്തോഷം തോന്നുന്നു. ചാനലിനെ കുറിച്ചും പ്രോഗ്രാമിനെക്കുറിച്ചുമുള്ള വിവരങ്ങൾ പിന്നാലെ പോസ്റ്റാക്കുന്നതാണ്. സാങ്കേതികമായ തടസ്സങ്ങളുണ്ടായില്ലെങ്കിൽ, ആരംഭിച്ചശേഷം റേറ്റിംഗിൽ താഴോട്ടുപോയില്ലെങ്കിൽ ഒരുപക്ഷെ ഇത്‌ ബൂലോകത്തിലെ തന്നെ ചരിത്രസംഭവമായിരിക്കും...
ജയ് ബൂലോകം..!

ഉടൻ 'അടി' പരിഹാരം..!

2010-11-15T15:35:00.001+05:30

എന്റെ ചങ്ങായി വിനോദിന്റെ പുതിയ ടി.വി ആഡ്.

പ്രൊഫൈൽ വ്യൂവ്സും ചില കള്ളക്കളികളും.

2010-11-13T10:48:00.006+05:30

ജയൻ ഏവൂരിന്റെ ഈ പോസ്റ്റ് ഞാൻ ഇന്നാണ് കാണുന്നത്‌.
നമ്മുടെ ബ്ലോഗർ പ്രൊഫൈലിൽ എത്ര പേർ കയറി എന്നത്‌ നമുക്കുതന്നെ
തീരുമാനിക്കാവുന്നതേയുള്ളൂ.. ആദ്യകാലങ്ങളിൽ അപ്രോക്സിമേറ്റിലെ എണ്ണം
ഗുണിതപ്രകാരമായിരുന്നുവെന്ന്‌ കേൾക്കുന്നു. എങ്കിലും എണ്ണം കൂട്ടുക എന്ന സാധ്യത അന്നും ഉണ്ടായിരുന്നു. നിങ്ങൾ നിങ്ങളുടെ പ്രൊഫൈലിൽ കയറി പേജ് റീഫ്രെഷ് ചെയ്തു നോക്കു, 1000 എന്നുണ്ടായിരുന്നത്‌ 1001 ആയി മാറുന്നതുകാണം. ഓരോ റീഫ്രെഷിനും ഓരോ വ്യൂവ്സ്...
എണ്ണം കൂട്ടാനുദ്ദേശിക്കുന്നവർ മൌസ് വച്ച്‌ റീലോഡ് ചെയ്ത്‌ കൈ മെനക്കെടാതെ
കണ്ട്രോൾ പ്ലസ് ആർ (Ctrl + R) എന്നീ കീ കളിൽ വിരലമർത്തി ഒന്നുരണ്ട്‌ മണിക്കൂർ കമ്പ്യൂട്ടർ ടേബിളിനുമേൽ തല ചായ്ച്ചൊന്നുറങ്ങുക, ഉറക്കം മതിയായെങ്കിൽ, കീകളിലമർത്തിയ വിരലുകൾ കഴച്ചുവെങ്കിൽ ഒരുകോട്ടുവായിട്ട്‌ അപ്രോക്സിമേറ്റ് നോക്കുക, ഉറപ്പായും ലക്ഷങ്ങൾ തന്നെ കടന്നിട്ടുണ്ടാകും. ടൈം തീരെ ഇല്ലെങ്കിൽ നല്ല കനമുള്ള ചെറിയ ഉരുളൻ കല്ലുകൾ ഈ രണ്ട്‌ കീ കൾക്കുമീതെ അടവച്ചിട്ടു പോകുക. വൈകുന്നേരം തിരികെ വന്നു കല്ലു മാറ്റി നോക്കിയാൽ ലക്ഷക്കണക്കിന് ഹിറ്റ് മുട്ടകൾ അടവിരിഞ്ഞിരിക്കുന്നത്‌ കണ്ട്‌ നിങ്ങളുടെ ആത്മസംതൃപ്തിക്കറുതി വരുത്താം. യഥാർത്ഥത്തിൽ ഇത്‌ ഗൂഗിൾ ഇപ്പോഴൊന്നും ചെയ്ത സംഭാവനയൊന്നുമല്ല. മുൻകാലങ്ങളിൽ അപ്രോക്സിമേറ്റ് വ്യൂവ്സിലെ കൌണ്ടിംഗ് വർദ്ധനവ്‌ അപ്പൊത്തന്നെ കാണിക്കില്ല എന്നതായിരുന്നു സത്യം. Ctrl + R ഞെക്കിപ്പിഴിഞ്ഞ് മണിക്കൂറുകളോളം ഉറങ്ങി, കുറച്ചുനാൾ കഴിഞ്ഞു നോക്കിയാൽ റിസൽറ്റ് കാണുമായിരുന്നത്‌ ഇപ്പൊ ഓൺ ദ സ്പോട്ടിൽ തന്നെ കാണാനുള്ള സംവിധാനമാക്കിയെന്നേയുള്ളൂ. ഗൂഗിളിന്റെ ഈ മണ്ടത്തരം സ്റ്റാറ്റസിലെ വിശ്വാസ്യതയെ ചോദ്യം ചെയ്യപ്പെടേണ്ടതാണ്.
അപ്പൊ ലക്ഷങ്ങളുടെ റെക്കോഡ് ഉണ്ടാക്കാൻ ഇനി നിങ്ങളും കീ ഞെക്കിയുറങ്ങുകയോ, കല്ലുകൾ അടവയ്ക്കുകയോ ചെയ്യുമല്ലോ.....!

ഇപ്പൊ കിട്ടിയത്‌: നമ്മുടെ മനോജിന്റെ ബ്ലോഗ് ടിപ്സിൽ ഇതേ പോലൊരു ഓപ്ഷൻ ടിപ്സ് ഇപ്പൊ പരീക്ഷണാടിസ്ഥാനത്തിൽ ഇട്ടിട്ടുണ്ട്. പക്ഷെ മനോജിന്റെ ഹിറ്റ്.ബാറ്റിലൂടെ മണിക്കൂറിൽ ആട്ടോമറ്റിക്കായി 360 ഹിറ്റ് കിട്ടുകയേ ഉള്ളൂ, ഞാൻ പറഞ്ഞതുപോലെ കൈയെടുക്കാതെ Ctrl + R ഞെക്കി ഒരു മണിക്കൂർ ഉറങ്ങിയാൽ ഒരു ലക്ഷം കിട്ടും.

ഭാഷാന്തരം

2010-11-12T10:57:00.001+05:30

ജോലിയെക്കാളുപരിയായി
മറ്റു ഭാഷകൾ പഠിക്കണം പഠിക്കണം
എന്നതായിരുന്നു എന്റെ ഒടുക്കത്തെ മോഹം..
മോഹത്തിനൊടുവിൽ
ഈന്തപ്പനക്കാട്ടിലും, കോലങ്ങളുടെ മേട്ടിലും
ഇൻഡ്യയുടെ ഹൃദയത്തിലും
കുറെക്കാലം അതിനുവേണ്ടി മാറ്റിവച്ചു....
ഇപ്പൊ അറബികളും, തമിഴരും, ഹിന്ദിക്കാരും
നല്ല ഒന്നാംതരമായി മലയാളം പറയും.

ഒരു ബ്ലോഗർക്ക്‌ സംഭവിച്ച ദുര്യോഗം..!

2010-11-10T01:03:00.000+05:30

ഇതൊരു സിനിമാ റിവ്യൂ അല്ല. എങ്കിലും ഈ സിനിമയെക്കുറിച്ച്‌ പരാമർശിക്കാതെ വയ്യ. കേരളത്തിൽ ഏറെ ചർച്ചാവിഷയമായിക്കൊണ്ടിരിക്കുന്ന ഒരു സിനിമയാണ് ഷാജി അസീസിന്റെ ഒരിടത്തൊരു പോസ്റ്റ്മാൻ. നിള ക്രീയേഷൻസിന്റെ ബാനറിൽ ഷാജി - ബഷീർ സിൽസില നിർമ്മിച്ച ഈ സിനിമയിലെ കേന്ദ്രകഥാപാത്രമായ പോസ്റ്റ്മാനെ ഇന്നൻസന്റ്‌ ഗംഭീരമായി അവതരിപ്പിച്ചിരിക്കുന്നു. തമാശയുടെ ബാക്ഡ്രോപ്പിൽ വളരെ സീരിയസ്സായ ഒരു വിഷയം ഷാജി നമ്മുടെ മുന്നിലേയ്ക്കിട്ടു തരുന്നുണ്ട് ഈ സിനിമയിലൂടെ. പണ്ടൊക്കെ പത്രം പോലെ, പാൽക്കാരനെപ്പോലെ പോസ്റ്റ്മാനും നമ്മുടെ ജീവിതത്തിന്റെ ഭാഗമായിരുന്നു. അത്രയേറെ ഉത്തരവാദിത്വമുള്ള ഒരു ഡ്യൂട്ടിയാണ് പോസ്റ്റ്മാന്റേത്‌. അതിൽ വീഴ്ച വരുത്തുന്നതും, കൃത്യവിലോപം കാട്ടുന്നതും അക്ഷന്തവ്യമാണ്.

യാതൊരു ഉത്തരവാദിത്വവുമില്ലാതെ, നേരാംവണ്ണം സ്വന്തം ജോലി നിർവ്വഹിക്കാത്ത അലസനും മടിയനുമായ ഒരു പോസ്റ്റ്മാന്റെ കഥയാണ് ഈ സിനിമ. പോസ്റ്റ്മാന്റെ മകനായി കുഞ്ചാക്കോ ബോബൻ ഗംഭീരമായ ഒരു തിരിച്ചുവരവും നടത്തിയിരിക്കുന്നു. ഇനി സിനിമയിൽ നിന്ന്‌ കാര്യത്തിലേയ്ക്ക്‌ വരാം. പ്രമുഖ ബ്ലോഗറും കാർട്ടൂണിസ്റ്റുമായ ഖാൻ പോത്തൻ കോട്‌ ഈയിടെ നാട്ടിൽ ലീവിനു പോയപ്പോൾ ആറ്റുനോറ്റുണ്ടായൊരുണ്ണിയെപ്പോലെ ഒരു മാരുതി കാർ വാങ്ങിച്ചു ആകെ പൊല്ലാപ്പിലായി. കാർ വാങ്ങിയ സജീബ് ഖാന് ആർ. സി ബുക്കും പേപ്പറുമൊക്കെ തപാൽവകുപ്പിലൂടെ രജിസ്റ്റേഡായി അയച്ചിരുന്നു. പക്ഷെ, കാത്തിരുന്ന്‌ കാത്തിരുന്ന്‌ കണ്ണുകഴച്ചിട്ടും ഒരു സാദാ പേപ്പർ പോലും ഖാനെ തേടി വന്നില്ല. ബുക്കും പേപ്പറുമില്ലാതെ വണ്ടി പുറത്തിറക്കാൻ പറ്റാത്ത ഖാൻ തന്റെ വിലപ്പെട്ട ലീവ് ദിനങ്ങൾ മുഴുവനും ആർ. ടി ഓഫീസിലും, പോസ്റ്റാപ്പീസ്‌ പരിസരത്തുമായി പാഴാക്കി. ആർ. ടി ഓഫീസിൽ നിന്നും രേഖകൾ രജിസ്റ്റേഡായി അയച്ചതിനും, തന്റെ പോസ്റ്റോഫീസിൽ കൈപറ്റിയതിനും തെളിവുകൾ കണ്ട് അന്തംവിട്ട ഖാൻ പോസ്റ്റ്മാസ്റ്ററോട്‌ ചൂടായപ്പോഴാണ് ഞെട്ടിക്കുന്ന ആ സത്യം അറിയുന്നത്‌. സ്വന്തം അഡ്രസ്സിൽ വന്ന രജിസ്റ്റേഡ് ഏതോ ഒരുത്തൻ ഒപ്പിട്ടു വാങ്ങിക്കൊണ്ടുപോയത്രെ. താൽക്കാലികമായി നിയമിച്ച പോസ്റ്റുമാനാണ് ഈ രജിസ്റ്റേഡ്‌ ‘ഉടമസ്ഥന്’ കൈമാറിയതെന്നുപറഞ്ഞ്‌ ആ പോസ്റ്റ്മാസ്റ്റർ തലയൂരാൻ ശ്രമിച്ചപ്പോൾ നിയമപരമായി ഈ ഗുരുതരമായ കൃത്യവിലോപത്തെ നേരിടാനുള്ള ഒരുക്കത്തിലാണ് ഖാൻ പോത്തൻകോട്. ഉത്തരവാദപ്പെട്ട പോസ്റ്റ്മാസ്റ്ററും കൈയൊഴിയുമ്പോൾ ഇതിനുപിന്നിൽ വേറെ ചില കളികളുണ്ടെന്നത്‌ വ്യക്തമാണ്‌. യാതൊരു രേഖയുമില്ലാതെ ഏതോ ഒരുത്തന്, ഏതോ ഒരു താൽക്കാലിക ജീവനക്കാരൻ ഒരു വിലപ്പെട്ട രേഖ എങ്ങനെ, എവിടെ വച്ച്‌, എന്തുറപ്പിന്മേൽ കൈമാറി..? ആർ. സി. ബുക്ക്‌ പണയം വച്ച്‌ പണം തട്ടുന്നവരും, ജീവനക്കാരും തമ്മിലുള്ള ഒത്തുകളികളെക്കുറിച്ച്‌ കൂടുതൽ അന്വേക്ഷിക്കേണ്ടിയിരിക്കുന്നു. ഗുരുതരമായ ഈ പ്രശ്നത്തിൽ ബ്ലോഗർമാർ പ്രതികരിക്കുകയും, പ്രതിഷേധിക്കുകയും വേണം. അല്ലെങ്കിൽ ഇനിയും നമുക്കുവരേണ്ട കത്തുകളും സർട്ടിഫിക്കറ്റുകളും, മറ്റ്‌ സുപ്രധാന രേഖകളും, മണിയോർഡറുകളുമൊക്കെ ആവിയായിപ്പോകുകതന്നെ ചെയ്യും‌. കേരള കൌമുദി ഫ്ലാഷിൽ വന്ന ആ വാർത്ത താഴെ.

ഹസാർവില്ലയിലെ രാത്രികൾ..

2010-11-05T09:56:00.000+05:30

മടുപ്പിന്റെ ശബ്ദസൂചികൾ
മിടിയ്ക്കുന്ന രാത്രിയിൽ നഗരം
തീവെളിച്ചമായ്‌ത്തനിച്ചിരിക്കുന്നു...

മൗനം വലിച്ചുടച്ചശാന്തമാം
മൺകൂടിനുള്ളിൽ ഞാൻ ലഹരിയിൽ
നഗരമേ നിന്നെ പ്രണയിച്ചു പോകുന്നു...

ചുമച്ചുതുപ്പുന്ന നരച്ച വാക്കിനാ-
ലൊരു ശബ്ദസങ്കേതമുടഞ്ഞുതീരുമ്പോൾ,
ശിഷ്ടരാത്രിയിൽ നിന്നെപ്പുണർന്നിരിക്കുന്നു ഞാൻ..

പുറത്തുവെട്ടം മലർന്നുവീഴുമ്പോൾ
നഗരയൗവ്വനം ജ്വലിച്ചിരിക്കുന്നു,
കള്ളീ..,
നിന്നിലേയ്ക്കെന്നെ നീ വലിച്ചടുപ്പിക്കുന്നു..

രാത്രിവണ്ടികൾ പാഞ്ഞുതീരുമശ്വവേഗങ്ങൾ-
ഇരുളിൽ‌പ്പുതഞ്ഞകലുന്നമാത്രയിൽ വീണ്ടും
നഗരവും ഞാനും മരിച്ചുപോകുന്നു...

ഉറങ്ങാതിരിക്കുക നഗരമേ നീയെനിക്കുക്കൂട്ടായ്‌
നമ്മളന്യോന്യമീവിധം നെഞ്ചോടുചേരുക,
നിന്നിലേയ്ക്കെന്നെ നീ നിത്യമുള്ളിൽക്കൊരുക്കുക...

എനിക്കുകാണാമേതിരുട്ടിലും നീ-
യെന്നെത്തുറിച്ചുനോക്കുന്നതുമൊച്ച-
യില്ലാതെയുറക്കെച്ചിരിക്കുന്നതും....

പകൽവെളിച്ചം വെറുക്കുവോളം നമുക്കീ-
യിരുട്ടിന്റെ കറുത്ത കാമം കടഞ്ഞെടുക്കാം,
കണ്ണിൽ നിദ്രവീഴാതെയീമണ്ണിന്നു കാവലേകാം..

പുലർച്ചെനാമില്ല, രണ്ടുരൂപങ്ങളായ്‌-
ത്തെറിച്ചുപോകുമെങ്കിലും നഗരമേ
രാത്രിയിൽ നീയെന്നെയുമ്മവച്ചുണർത്തുക...!

ബോർ ഫ്രണ്ട്സ്!

2010-10-30T11:41:00.001+05:30

ഫോർ ഫ്രണ്ട്സെന്ന ചിത്രത്തെക്കുറിച്ച്‌ വളരെ രൂക്ഷമായ ഒരു റിവ്യൂ ബി. അബൂബക്കർ മലയാളം വെബിൽ എഴുതിയിരിക്കുന്നു. മടുത്തിട്ടും മടുപ്പിച്ചുകൊണ്ട്‌ വീണ്ടുമെത്തുന്ന അഴകൊഴമ്പൻ ട്രെൻഡുകളിൽ കുടുങ്ങിപ്പോയിരിക്കുന്നു മലയാള സിനിമ. ഒരേഗണത്തിൽ‌, ഒരേ മോൾഡിൽ പിറവികൊള്ളുന്ന ഭൂരിഭാഗം കോമാളി സിനിമകളും എന്റർടെയിന്മെന്റിന്റെ പേരിൽ നാം അനുഭവിച്ചു തീർക്കേണ്ട ഗതികേടുണ്ട്‌. എങ്കിലും പ്രേക്ഷരുടെ ടേസ്റ്റുകൾ (?) വീണ്ടും വീണ്ടും പുതിയ (?) ചേരുവകൾ ചേർത്ത്‌ വഴറ്റിയെടുത്ത്‌ സിനിമയാക്കുന്നത്‌ അത്ര എളുപ്പമുള്ളകാര്യമല്ല. അതിനുമുണ്ടൊരു മെനക്കേട്‌. സജിയും കൃഷ്ണേട്ടനും സിനിമയിൽ പരീക്ഷണത്തിനു മുതിർന്നുവെങ്കിലും വേറിട്ട വഴികളിലൂടെ ചുവടുറപ്പിക്കാൻ ശ്രദ്ധിക്കേണ്ടിയിരിക്കുന്നു. അബൂബക്കറിന്റെ ചില പരാമർശങ്ങളിൽ കഴമ്പുണ്ട്‌. അദ്ദേഹം സകലരേയും പഴിപറയുന്നുണ്ടെങ്കിലും പറഞ്ഞതിൽ പതിരില്ലെന്നും തോന്നി...
ഫോർ ഫ്രണ്ട്സ് - വിശേഷിപ്പിക്കാൻ പുതിയ പദം വേണം

ബസ്സിലേയ്ക്ക്‌ വഴിമാറിയ കൂതറകൾ

2010-10-28T17:39:00.009+05:30

ബ്ലോഗിലെ കൂതറകൾ ഇപ്പൊ ബസ്സാക്രമണം നടത്തുന്നത്‌ ഒരുപരിധിവരെ ആശ്വാസകരമാണ്. എങ്കിലും സിദ്ധിയുള്ള പ്രതിഭകൾ ബസ്സിൽ കിടന്ന്‌ നിരങ്ങുന്നത്‌ അത്ര ശുഭകരമായിത്തോന്നുന്നുമില്ല. ബസ്സെന്നാൽ ബ്ലോഗിനെക്കാൾ തരംതാണത്‌ അല്ലെങ്കിൽ ആവിഷ്കാരസ്വാതന്ത്ര്യമില്ലാത്തത് എന്നൊന്നുമല്ല പറയുന്നത്‌. മൂന്നാംകിട പെണ്ണുങ്ങളുടെ പരദൂഷണ സമാജം പോലെ ഈ കൂലിയെഴുത്തുകാർ ബസ്സിനെ മാറ്റിയെടുത്തൂവെന്നതാണ് ഏറെ രസകരം. ആരോഗ്യകരമായ ചർച്ചകളോ, സംവാദമോ, ആശയപ്രകടനങ്ങളോ, പങ്കുവയ്ക്കലുകളോ അല്ല ഭൂരിഭാഗം ബസ്സുകളിലും നടക്കുന്നത്‌. രാവിലെ ഡ്യൂട്ടിക്ക് കേറുന്നതു മുതൽ വീട്ടിലെത്തി പാതിരാത്രിവരെ നീളുന്ന എഴുത്തിലെ ഉണ്ണാക്കന്മാരുടെ കോമാളിത്തരങ്ങൾ കണ്ടാലും ഞെട്ടരുത്‌. ജോലിയിലെ ബോറഡി മാറ്റാനാണത്രെ ഈ ഊളന്മാർ ബസ്സുന്നത്‌. ബ്ലോഗിലെ ഭേദപ്പെട്ട എഴുത്തുകാർക്കെല്ലാം ബസ്സിപ്പൊ ഒരു ലഹരിയാണ്. അതിലൊരു തെറ്റുമില്ല. വെറുമൊരു സമയംപോക്കലിനപ്പുറം കാര്യഗൌരവങ്ങളായ വിഷയങ്ങളും, വിശേഷങ്ങളും നല്ല രീതിയിൽ ഫ്രണ്ട്സ് ലിസ്റ്റിലെ ചങ്ങാതികൾക്ക്‌ പങ്കുവയ്ക്കുന്ന നല്ല കുടുമ്മത്തു പിറന്ന ബസ്സുടുമകളെക്കുറിച്ചല്ല പറയുന്നത്‌. ഒരു പരിധിവരെ ബസ്സിലെ നേരമ്പോക്കുകൾ നമുക്ക്‌ ആസ്വദിക്കാം, സഹിക്കാം. പക്ഷെ നമ്മളാദരിക്കുന്ന കലാകാരന്മാരെ പരിഹസിച്ചും മുറിവേൽ‌പ്പിച്ചും ലോകപരിചയമുള്ള (?) വൈഭവന്മാർ കാണിക്കുന്ന പേക്കൂത്തിനെതിരെ എങ്ങനെ പ്രതികരിക്കണം..? ഒന്നുകിൽ അതേ നിലവാരത്തിൽ, അല്ലെങ്കിൽ അതിനെക്കാളും തറയായി.., അതെ അതു തന്നെയാണ് വേണ്ടത്‌... മലയാളം ആദരിക്കുന്ന ബാലചന്ദ്രൻ ചുള്ളിക്കാടിന്റെ ഒരു കവിതയുടെ വികൃതാവിഷ്കാരം ബസ്സിൽ പബ്ലിഷ് ചെയ്തിരിക്കുന്നത്‌ വായിക്കൂ...

വൈദ്യശാസ്ത്രവിദ്യാർത്ഥി കവിയോട്

മരിക്കുമ്പോൾ നിന്റെ ശവം
എനിക്ക് കീറാൻ തരുമെന്ന്
നീ കുറേയായി പറഞ്ഞു നടന്നു...

നിന്റെ കണ്ണുകൾ ഞാൻ തുരന്ന് നോക്കും,
നീ കണ്ട കോഞ്ഞാട്ട രൂപങ്ങൾ അതിലുണ്ടാവില്ലെന്ന്
എനിക്ക് പണ്ടേ അറിയാം മണ്ടാ.

നിന്റെ തൊണ്ട ഞാൻ മുറിച്ചു നോക്കും
നീ തൊള്ളകീറിപ്പാടിയ കമ്പിപ്പാട്ട് കേൾക്കാൻ
വേറേ ആളെ നോക്കണം പുല്ലേ.

നിന്റെ ഹൃദയം ഞാൻ കുത്തിത്തുറക്കും
ഇടിമിന്നൽ പോയിട്ട് ഒരു വളി പോലും
അതിലുണ്ടാവില്ലെന്നറിഞ്ഞുകൊണ്ടുതന്നെ

നിന്റെ അരക്കെട്ട് ഞാൻ വെട്ടിപ്പൊളിക്കും
എന്റെ മഹോത്സവങ്ങളാവർത്തിക്കാൻ നിന്റെ
അരക്കെട്ട് എനിക്കെന്തരിനു ക്ണാപ്പേ ?

കീറിപ്പ(റി) ഠിച്ചുകഴിയുമ്പോൾ നിന്നെ
ഞാൻ ഒരു സ്മൈലിയോടെ തുന്നിക്കൂട്ടും,
അന്തമില്ലാത്ത ആത്മരതികൾക്കൊടുവിൽ
അനന്തരാവകാശങ്ങൾക്ക് നീ “ശവം”
മാത്രമാണല്ലോ ബാക്കിയാക്കിയതെന്നോർത്ത്.....

സംസ്കാരമുള്ള ഒരെഴുത്തുകാരന്റെ ചെറ്റത്തരമായിട്ടവിടെ ഇതിനെ ആരും കണ്ടില്ല എന്നതാണ് ഖേദകരം. ബ്ലോഗിലേയും ബസ്സിലേയും ഉന്നതന്മാരുടെ പൂരണകമന്റുകൾ അതിലേറെ ഭീകരമാണ്. ഇത്‌ വായിക്കാത്തവർ വായിച്ചു വായിച്ചു രസിക്കൂ വേറെം.. സ്വന്തം കിടപ്പറയിലെ ഭോഗവൈകൃതങ്ങൾ വരെ ഇനി ബസ്സിൽ നമുക്ക്‌ പ്രതീക്ഷിക്കാം..

വാൽ: ഉള്ളതുപറഞ്ഞാൽ ഉലയ്ക്കക്കടിക്കാൻ വരരുത്‌..

ബ്ലോഗിലെ സങ്കുചിതമനസ്കൻ!

2010-10-26T15:52:00.000+05:30

''കല ഇഷ്ടപ്പെട്ടാൽ മതി, കലാകാരനെ നോക്കണ്ട‘ എന്നാണ് പറയുന്നതെങ്കിലും എനിക്കീ കുടുമ്മത്തേക്ക് കൊള്ളാത്ത റ്റൈപ്പ് ആളുകളെ, ആൾ എന്തിറ്റ് തേങ്ങയായാലും, എത്ര വല്യ രോമമായാലും വല്യ താല്പര്യമൊന്നുമില്ല..."

പേരിൽ മാത്രം വിശാലതയുള്ള ബ്ലോഗെഴുത്തുകാരന്റെ ബസ്സിലെ വാചകമാണിത്‌. കുറെയെണ്ണം ഷെയർ വ്യാപാരം നടത്തിയിട്ടുണ്ട് ഈ ദിവ്യ മൊഴികൾ. പരോക്ഷമായിട്ടാണെങ്കിലും അയ്യപ്പിനിട്ടാണ് താങ്ങിയിരിക്കുന്നത്‌. ചത്തുമണ്ണടിഞ്ഞാലും വെറുതെ വിടാത്ത ഊമ്പന്മാർ. എഴുത്തുകാർക്ക്‌ പരസ്പര ബഹുമാനം വേണമെന്ന ലിഖിതനിയമമൊന്നുമില്ല. ആദരിച്ചില്ലെങ്കിലും അവഹേളിക്കാൻ ബ്ലോഗിലെ വൈറ്റ് കോളർ ചെറ്റകൾക്കേ കഴിയൂ. ബൂലോകത്തെ എന്തിറ്റ് മയിരാണെങ്കിലും, ഏത്‌ കോപ്പിലെ രോമമാണെങ്കിലും എനിക്കൊരു തേങ്ങയുമില്ല. ജോണും, സുരാസുവും, ചുള്ളിക്കാടും, അയ്യപ്പനുമൊക്കെ അവരവർക്ക്‌ തോന്നിയതു പോലെ ജീവിച്ചു. ആർക്കെന്തു ചേതം...നമ്മളൊക്കെ ഈ പ്രതിഭകളെ ഇഷ്ടപ്പെട്ടിരുന്നത്‌ / ആദരിച്ചിരുന്നത്‌ അവർ എങ്ങനെയൊക്കെ ജീവിച്ചിരുന്നൂവെന്ന്‌ നോക്കിയാണോ..? അയ്യപ്പൻ അപരിചിതരായ ആരുടേയും വീടുകളിൽ ഇരക്കാനോ, വലിഞ്ഞുകേറി അന്തിയുറങ്ങാനോ പോയിട്ടില്ല. തീർച്ചയായും ഇത്‌ അറിവില്ലായ്മയും, ബുദ്ധിവികാസക്കുറവും തന്നെയാണ്. ഇവനൊക്കെ വിശാലമായി ചിന്തിക്കുന്നതിനു പകരം, ഉള്ള ബഹുമാനം കളയിക്കാതെ എഴുത്തുനിർത്തി കിളയ്ക്കാൻ പോകുന്നതാണ് നല്ലത്‌.

അതേ ബസ്സിലെ കാളിയമ്പിയുടെ കമന്റ്:

‘’അയ്യപ്പനേയും സുരാസുവിനേയും ഒക്കെപ്പോലെ നടക്കുന്ന ചിലരെയൊക്കെയെങ്കിലും നല്ല സന്തോഷത്തോടെ ഞാന്‍ എന്റെ കുടുംബത്ത് കയറ്റും. ഉള്ള കഞ്ഞി പങ്ക് വയ്ക്കും. വീട്ടുകാര്‍ക്ക് പരിചയപ്പെടുത്തിക്കൊടുക്കും. കുടുംബത്ത് അച്ചനൊഴികെ ആര്‍ക്കും കള്ളുകുടിയ്ക്കാന്‍ അവകാശമില്ലെന്ന് നിയമമുള്ളത് കൊണ്ട് ചിലപ്പോ കാര്‍ത്തികേലോ സൂര്യയിലോ പോയി നൂറു വാങ്ങിച്ച് കൊടുത്തെന്നും വരും. അവരു പോവുമ്പോ എന്റെ പോക്കറ്റില്‍ പണമുണ്ടെങ്കില്‍ കൊടുത്തെന്നും വരും. പക്ഷേങ്കില് കള്ളും കഞ്ചാവും ഒന്നും തോടുക പോലും ചെയ്യാതെ പാലുംവെള്ളം മാത്രം കുടിച്ച് വടി വടി പോലെ തേച്ച് വെളുത്ത ഷര്‍ട്ടൊക്കെ ഇട്ട് മര്യാദരാമന്മാരായി പാല്‍പ്പുഞ്ചിരിയോടെ വരുന്ന പലരേയും കുടുംബത്ത് കയറ്റാന്‍ ഞാന്‍ പലപ്പോഴും ഒന്നറയ്ക്കും.‘’

അതെ, കേരളമെന്നാൽ പുണ്യാളന്മാരായ കപടസദാചാരികളുടെ വിളനിലമെന്ന്‌ നമുക്കഭിമാനത്തോടെ പറയാം.

ഓർമ്മകളിലൊരു നിഷേധി

2010-10-26T15:43:00.001+05:30

1994-കളിലാണ്‌ ഈ നിഷേധകവിയുടെ തീക്ഷ്ണസ്വരങ്ങൾ അക്ഷരരൂപത്തിലെന്നെ കീഴ്പ്പെടുത്തുന്നത്‌. കവിതയിലൂടെ ജീവിതം തന്നെ പകുത്തു തന്ന കവി. ചുള്ളിക്കാടിനെപ്പോലെ അയ്യപ്പനേയും എനിക്ക്‌ സ്നേഹിക്കുവാനും ആരാധിക്കുവാനും കഴിഞ്ഞത്‌ എന്റെ ഭാഗ്യമാവണം. ഒരു വിളിപ്പാടകലെയിരുന്നിട്ടും നേരിൽ കാണാതെ ആ അക്ഷരങ്ങളുടെ അഗ്നി നെഞ്ചിലേറ്റുകയായിരുന്നു ഞാൻ. 1995-ലാണ്‌ എന്റെ കത്തിനുള്ള മറുപടി അയ്യപ്പൻ എനിക്കയക്കുന്നത്‌. പതിനഞ്ച്‌ പൈസ കാർഡിൽ മനോഹരമായെഴുതിയ കവിയുടെ കൈയക്ഷരം ഇടക്കാലം വരെ കാത്തുസൂക്ഷിച്ചിരുന്നു ഞാൻ. ഒരു പക്ഷെ പഴയ എഴുത്തുകെട്ടുകൾക്കിടയിൽ ഉണ്ടാവണം അതിപ്പോഴും. ആദ്യമായി അയ്യപ്പനെ കാണുന്നത്‌ പിന്നെയും രണ്ട് വർഷം കഴിഞ്ഞ്‌ ഫൈനാർട്സ് കോളേജിൽ ഞാൻ പഠനം തുടങ്ങിയ സമയത്താണ്‌. അയ്യപ്പൻ കോളേജിൽ മിക്കവാറും വരാറുണ്ടായിരുന്നു. കോളേജിനുള്ളിലെ കൈവരിയിലിരുന്ന്‌ പുകവലിക്കുന്ന അദ്ദേഹത്തെ ഞാൻ ഇപ്പോഴും ഓർക്കുന്നു.

കത്തുകളിലൂടെ മാത്രം പരിചയമുണ്ടായിരുന്ന കവിയുടെ അടുത്ത്‌ചെന്ന്‌ സംസാരിക്കാൻ അന്നെനിക്ക്‌ മടിയായിരുന്നു. പിന്നെയെന്നും കോളേജിൽ പോകുമ്പോൾ അയ്യപ്പൻ എനിക്കെഴുതിയ കത്തുകൾ ബാഗിൽ ഞാൻ കരുതി വച്ചു. വീണ്ടും കണ്ടപ്പോൾ അതു കാണിച്ച്‌ സ്വയം പരിചയപ്പെടുത്തുവാൻ എനിക്കങ്ങനെയൊരു തപാൽ മുദ്രകളുണ്ടായിരുന്നത്‌ അനുഗ്രഹമായി. ഒരാൾക്ക്‌ അയ്യപ്പനോടൊത്തുള്ള ഓരോ നിമിഷവും സഹിക്കാൻ / ആസ്വദിക്കാൻ കഴിഞ്ഞൂവെന്നാൽ, അതിനർത്ഥം അയ്യപ്പനെ / അയാളുടെ കവിതയെ അയാൾ അത്രമേൽ സ്നേഹിക്കുന്നുവെന്നാണ്. സാധാരണക്കാരിൽ സാധാരാണക്കാരനായ ഒരു കവിയെ ഞാനങ്ങനെ നേരിൽ പരിചയപ്പെട്ടു. പിന്നീട്‌ എഴുത്തുകൾ അപൂർവ്വമായെങ്കിലും വല്ലപ്പോഴും കവിയെ ഞാൻ കണ്ടിരുന്നു. എന്നെ പുള്ളി അധികം ഓർത്തിരിക്കാത്തതുകൊണ്ടാകാം, ഓരോ തവണ കാണുമ്പോഴും ആദ്യമായി കാണുമ്പോലെ എന്നെ പരിചയപ്പെടുത്തേണ്ട ഗതികേട്‌ എനിക്കുണ്ടായിട്ടുണ്ട്‌. ഞാൻ കാണുമ്പോഴെല്ലാം മിക്കവാറും അയ്യപ്പൻ സുബോധത്തിലായിരിക്കില്ല, സൗഹൃദം പുതുക്കി രണ്ടുനിമിഷം കഴിയേണ്ട കഴിഞ്ഞ തവണ കണ്ടകാര്യങ്ങൾ പുള്ളിക്കോർമ്മ വരും. ഞാൻ അവസാനം അയ്യപ്പേട്ടനെ കണ്ടത്‌ 2009 ഫെബ്രുവരിയിലാണെന്ന്‌ തോന്നുന്നു. അടുപ്പിച്ചടിച്ച്‌ രണ്ടുദിവസം അപ്രതീക്ഷിതമായി കണ്ടുമുട്ടി. സ്റ്റാച്യുവിലെ ബിവറേജസിൽ നിന്നും നിൽപ്പനടിച്ചിറങ്ങി വരുന്നു കവി. ആർക്കും വിട്ടുകൊടുക്കാതെ ഞാൻ അയ്യപ്പേട്ടനെ നിഖിലിന്റെ കാറിൽ കേറ്റി ഒറ്റ മുങ്ങൽ.

പള്ളിമുക്കിലെ ഓഫീസിലേയ്ക്ക്‌ കൊണ്ടും പോകും വഴി കാറിലിരുന്ന്‌ കവിതയും തെറിയും ഒരുപോലെ പുറത്തേക്കുചീറ്റി. പക്ഷെ നിഖിൽ ശരിക്കും അസ്വസ്ഥനായിരുന്നു. ഒന്നാമത്‌ പുള്ളിക്ക്‌ അയ്യപ്പേട്ടനെക്കുറിച്ച്‌ യാതൊന്നുമറിയില്ല, രണ്ടാമത്‌ ഒരു കവിയിൽ നിന്നും പ്രതീക്ഷിക്കാവുന്നതൊന്നുമല്ല അയ്യപ്പനിൽ നിന്നും പുറത്തു വരുന്നത്‌, അപ്പൊ പിന്നെ നിഖിൽ ഭയപ്പെട്ടതിൽ അതിശയവുമില്ല. ബാക്ക്‌ സീറ്റിൽ അയ്യപ്പേട്ടനോട്‌ ചേർന്ന്‌ - അല്ല കെട്ടിപ്പിടിച്ചിരുന്നപ്പോൾ കവിതയുടെ അഗ്നി നിറച്ച ആ ഹൃദയമിടിപ്പെനിക്ക്‌ കേൾക്കാമായിരുന്നു. ഓഫീസിലെത്തി ഒരുമണിക്കൂറുകഴിഞ്ഞപ്പോൾ കിക്ക്‌ വിട്ടു തുടങ്ങിയ അദ്ദേഹം കുട്ടികളെപ്പോലെ വീട്ടിൽ പോണം വീട്ടിൽ പോണമെന്നുപറഞ്ഞ്‌ ചിണുങ്ങാൻ തുടങ്ങി. ഏകാകിയും പുറമേ നിഷേധിയെന്നു തോന്നിപ്പിച്ചിരുന്ന ഈ പാവം മനുഷ്യനെയാണല്ലോ ഞാൻ പണ്ടു ഫൈനാർട്സ് കോളേജിൽ വച്ച്‌ ഭയപ്പെട്ട്‌ പരിചയപ്പെടാൻ മടിച്ചതെന്നോർത്തു ലജ്ജിച്ചു. എന്റെ ചുമലിൽ ചാഞ്ഞ അയ്യപ്പേട്ടനെ ഞാനൊരുവിധം ബൈക്കിൽ കയറ്റിയിരുത്തി. പിന്നെ കാണുന്ന ഷോട്ട്‌ എന്നെ അള്ളിപ്പിടിച്ചിരുന്നു പാഞ്ഞുപോകുന്ന കവിയെയാണ്‌. തമ്പാനൂർ വഴി കരമനയിലെ സഹോദരിയുടെ വീട്ടിലേയ്ക്ക്‌ ചീറിപ്പായുമ്പോൾ ( 20 കി. മി. വേഗത) കവിയെ തിരിച്ചറിഞ്ഞ രണ്ടുമൂന്നുപേർ ആരാധനയോടെ 'കവി അയ്യപ്പൻ ദേണ്ടേ പോണു' എന്നു പറയുന്നതുകേട്ടു ഞാൻ കോരിത്തരിച്ചു. സീറ്റിലുമല്ല, എയറിലുമല്ലാത്ത രീതിയിൽ ഇരുകൈകൊണ്ടും എന്നെ മുറുകെ പിടിച്ചിരുന്ന അയ്യപ്പേട്ടൻ ഇതുകേട്ടുറക്കെ ചിരിച്ചുകൊണ്ട്‌ പറഞ്ഞു " കണ്ടോടാ കോപ്പേ എന്റെ ആരാധകരുടെ ഒരു സ്നേഹം.. അയ്യപ്പനെ ഇവർ ഏതു പട്ടിക്കാട്ടിൽ കിടന്നാലും തിരിച്ചറിയും.." ശരിയാണ്‌ ഞാനതന്ന്‌ അനുഭവിച്ചറിഞ്ഞു.. പക്ഷെ, അതേ തമ്പാനൂരിലെ അതേ തിരക്കിൽ അയ്യപ്പൻ അനാഥനായി അലിഞ്ഞുചേർന്നപ്പോൾ ആരാലും തിരിച്ചറിയപ്പെടാതെ പോയല്ലോ ദൈവമേ... വൈകാതെ സുബ്ബലക്ഷ്മിയമ്മാളുടെ അടുക്കൽ ഈ നിഷേധിയെ ഭദ്രമായി കൊണ്ടാക്കി. ജീവനുണ്ടെങ്കിൽ നാളെ നിന്റെ വീട്ടിൽ അയ്യപ്പൻ വന്നിരിക്കുമെന്ന ഉറപ്പിൽ ഞാൻ അവിടെ നിന്നുമിറങ്ങി. പിറ്റേന്ന്‌ അയ്യപ്പനെന്ന ഇന്ദ്രജാലക്കാരനെ കണ്ടവരാരുമില്ല. ഇനി എന്ന്‌, എവിടെ പൊങ്ങുമെന്ന്‌ അയ്യപ്പനും ദൈവത്തിനും മാത്രമറിയാവുന്നതുകൊണ്ട്‌ ഞാനും അദ്ദേഹത്തെ തിരക്കിയില്ല. വൈകുന്നേരം നേമം വഴി പോയപ്പോൾ പരിചയമുള്ള ഒരു ഹോട്ടലിൽ ചായകുടിക്കാനൊന്നു കേറി. ഹോട്ടലിനുള്ളിൽ ഒരു വമ്പൻ തെറിവിളി മത്സരം നടക്കുന്നു. നോക്കിയപ്പോൾ സാക്ഷാൽ ഇന്ദ്രജാലക്കാരൻ ദാണ്ടെ അവിടെ നിന്ന്‌ ഹോട്ടുലുടുമയെ പച്ചത്തെറി വിളിക്കുന്നു. അയാളോടു കാര്യം തിരക്കിയപ്പോൾ പറഞ്ഞു അയ്യപ്പന്‌ പണമില്ലാതെ ഭക്ഷണം കൊടുക്കണമത്രേ, പകരം ഒരു കവിത തരും. അയ്യപ്പനേയും, അയ്യപ്പന്റെ കവിതയുടെയും വിലയറിയാത്തവനോടെന്തു പറയാൻ.. ഭക്ഷണം കഴിച്ചു കഴിഞ്ഞപ്പോൾ എന്നെയും ഹോട്ടലുടമസ്ഥനേയും തെറിവിളിച്ചുകൊണ്ട്‌ അയ്യപ്പൻ തെരുവിലലിഞ്ഞുചേർന്നു. പിന്നീട്‌ മൂന്നുനാലുമാസങ്ങൾക്കുശേഷം ഞാൻ ഗൾഫിലേയ്ക്കുപോയി. ആ നിഷേധിയെ ഞാൻ പിന്നീട്‌ അക്ഷരങ്ങളിലൂടെ മാത്രമേ കണ്ടിട്ടുള്ളു. ദയാരഹിതമായ അടഞ്ഞവാതിലുകളില്‍ നിന്ന്‌ തീപിടിച്ച കണ്ണുകളും, കാലുകളുമായി വെയില്‍തിന്നുകൊണ്ടു ഈ പക്ഷി പറന്നകന്നുവെങ്കിലും വിട്ടൊഴിയാത്ത ഒരപൂർവ്വ ലഹരിപോലെ ഈ നിഷേധി ഇപ്പോഴും നമ്മോടൊപ്പമുണ്ട്‌. എങ്കിലും എകാന്തതയും, സമുദ്രവും, തെരുവുകളും അവനില്ലാതെ ഇനി.......

ശവസംസ്കാരം നീട്ടിവച്ച സംസ്കാരശ്യൂന്യന്മാർ

2010-10-25T10:42:00.002+05:30

അടുത്ത്‌ പരിചയപ്പെട്ടവർക്കെല്ലാം അറിയാം അയ്യപ്പൻ ഒരു അൽഭുതമാണ്. ജീവിച്ചിരുന്നപ്പോഴും, മരിച്ചശേഷവും. ഒരാൾക്ക്‌ അയ്യപ്പനോടൊത്തുള്ള ഓരോ നിമിഷവും സഹിക്കാൻ / ആസ്വദിക്കാൻ കഴിഞ്ഞൂവെന്നാൽ, അതിനർത്ഥം അയ്യപ്പനെ / അയാളുടെ കവിതയെ അയാൾ അത്രമേൽ സ്നേഹിക്കുന്നുവെന്നാണ്. ഇനിയൊരിക്കലും കവിതയിൽ ഇതുപോലൊരു നിഷേധി ഉണ്ടാവില്ല. ശവസംസ്കാരം തങ്ങളുടെ സമയമനുസരിച്ച്‌ മാറ്റിവയ്ക്കാൻ തീരുമാനിച്ച സർക്കാരിന്റെ സംസ്കാരമോർത്ത്‌ നമുക്ക്‌ ലജ്ജിക്കാം. കേരളം ആരാധിക്കുന്ന ഒരു കവിയോട്‌ ഈ വിവരംകെട്ടവന്മാർ കാണിച്ച അനാദരവിൽ പ്രതിഷേധിക്കുകതന്നെ വേണം.

വിടപറഞ്ഞുപോയ അവധൂതൻ

2010-10-22T13:22:00.013+05:30

ആ അവധൂതൻ നമ്മെവിട്ടു പോയിരിക്കുന്നു..,
ആൾക്കൂട്ടങ്ങളില്ലാതെ, ആരവങ്ങളില്ലാതെ......

ഇന്നലെ രാത്രി ശ്രീകുമാ‍ർ തീയറ്ററിനു മുൻവശത്ത്‌ ആരും തിരിച്ചറിയപ്പെടാതെ തെരുവിൽ തന്നെ അലിഞ്ഞുചേർന്നിരുന്നു പ്രിയ കവി. ജനറൽ ഹോസ്പിറ്റലിലേയ്ക്ക്‌ പോലീസുകാർ എത്തിച്ചിട്ടും
തിരിച്ചറിയപ്പെടാൻ വൈകിയത്‌ കഷ്ടം തന്നെ. അയ്യപ്പനെക്കുറിച്ചോർക്കുമ്പോഴൊക്കെ എനിക്കൽഭുതമാണ്, എന്നും.
ഇനിയൊരിക്കലും കാണില്ലെങ്കിലും ഒരു വിസ്മയം പോലെ അവൻ എന്നരികത്തെന്നുമുണ്ട്.
ഒരു കാറ്റായ്.. വെറ്റിലക്കറയുള്ള ചിരിയായ്.. കവിതയായ്.....

അവധൂതന്റെ ഒരു രാത്രി
എ. അയ്യപ്പന്..

മലയാളത്തിലെ സീനിയർ ഇല്ലസ്ട്രേറ്ററുടെ ബ്ലോഗ്..!

2010-10-20T18:09:00.001+05:30

ആനുകാലികങ്ങൾ നമ്പൂതിരി, സി. എൻ, മദനൻ തുടങ്ങിയവർക്കൊപ്പം വരയിലെ വിസ്മയമായ മറ്റൊരു ചിത്രകാരന്റെ പേരുകൂടി എഴുതിചേർത്തിട്ടുണ്ട്; എ. കെ. ഗോപിദാസ്. രസകരമായ മറ്റൊരു കാര്യം ഈ സീനിയർ അച്ചടിപ്പുലി കഴിഞ്ഞ വിദ്യാരംഭദിനത്തിൽ എന്റെ മകൾക്ക്‌ ഹരിശ്രീ കുറിക്കുകയും, പകരം അദ്ദേഹത്തെ ഞാൻ ബ്ലോഗെഴുത്തിനിരുത്തുകയും ചെയ്തു.

അപ്പൊ മറക്കേണ്ട, ഗോപിച്ചേട്ടന്റെ ബ്ലോഗ് ദാ ഇവിടെ.

അടിക്കുറിപ്പെഴുതൂ, സമ്മാനം നേടൂ...

2010-10-13T10:29:00.000+05:30

ഈ കാർട്ടൂണിന് രസകരമായ അടിക്കുറിപ്പെഴുതുന്നവർക്ക്‌ ശ്രീനിവാസന്റെയും,
ജയസൂര്യയുടേയും കൈയ്യിൽ നിന്നും നേരിട്ട്‌ സമ്മാനം നേടാം.. വേഗമാകട്ടെ...!

ബൂലോകം ഓൺലൈൻ പ്രകാശന ചടങ്ങ്‌ ബ്ലോഗ് ന്യൂസിൽ..

2010-10-11T09:58:00.000+05:30

ഇൻഡ്യയിലെ ആദ്യ ബ്ലോഗ്‌ പത്രമായ ബൂലോകം ഓൺലൈൻ
പ്രകാശനച്ചടങ്ങിന്റെ വീഡിയോ ഇവിടെ.

പുതുതലമുറയിലെ പുലിക്കുട്ടന്മാർ

2010-10-08T10:31:00.000+05:30

തിരുവനന്തപുരം ഫൈൻ ആർട്സ് കോളേജിലെ
വരക്കുട്ടൻമാരുടെ ബ്ലോഗുകൾ..

സുജിത്: ഹൈപ്പർ ഷേഡ്സ്
സനൂപ്: മൈ സെൽഫ്
അശ്വനി: കാൻവാസ്
വിനീഷ്: വിനീഷ് വിക്രം
അനീഷ്. വി. എസ്: ബ്രാഗ് പേപ്പർ
വൈശാഖൻ: റോക്ക്‌ കട്ട്‌
സുഭാഷ്: ഡൂഡിൽ
രതീഷ് ജി. പ്രമോദ്: നെയിം ഓഫ് ലൌ
ഹൻഷാസ് അബു: ഇൻ മൈ പ്ലേസ്
സൂരജ് ആർ. എസ്: സൂരജ്
ഹരിനാരായൺ: ഹെയർകൂൾ വർക്സ്
അനുസാജ് കെ. റ്റി: ഒ പോസിറ്റീവ്
മനോജ് മുഹമ്മദ്: എം @ ഡി വർക്സ്
സാബു മോഹനൻ: സെർച്ച്‌
സ്വാതി ജയകുമാർ: സ്വാതി ജെ.കെ
പ്രതീക് കൃഷ്ണ: സെക്കന്റ് ഇന്നിംഗ്സ്
രാജേഷ്.എസ്: വെർജിൻ കളർ
അലക്സ്: ഓർഡിനറി മാൻ

ബൂലോകം ഓൺലൈൻ പത്രം U.A.E- യിൽ

2010-10-04T11:51:00.003+05:30

ബൂലോകം ഓൺലൈൻ പത്രത്തിന്റെ കോപ്പി ആവശ്യമുള്ള (ദുബായ്, ഷാർജ, അബുദാബി, അജ്മാൻ etc) ബ്ലോഗർമാർ കാർട്ടൂണിസ്റ്റ് ഖാൻ പോത്തൻകോടിനെ കോണ്ടാക്ട് ചെയ്യുക.

ഖാൻ പോത്തൻ കോട്‌ : 056 6914579, khanpothencode@gmail.com

കവിത + തീപ്പെട്ടി = അഗ്നി

2010-09-25T17:22:00.000+05:30

കവിതകളുടെ സമൃദ്ധശേഖരത്തിനു നടുവില്‍
സ്വന്തം കവിതകളിലെ
അഗ്നി തിരയുകയായിരുന്നു അപ്പോഴയാള്‍...
ഒരു കവിതയിലും നിരൂപകന്മാര്‍ പറയാറുള്ള
ജ്വലിക്കുന്ന / ഭ്രമിപ്പിക്കുന്ന സംഗതികളൊ,
തീപ്പൊരി ചിതറുന്ന
ആശയമോ അയാള്‍ കണ്ടില്ല...
ഒടുവില്‍ എഴുതിക്കൂട്ടിയതെല്ലാം
ഒരു ചവറുകൂനപോലെ
കണ്മുന്‍പില്‍ നിന്നു കത്തിയപ്പോള്‍
അയാള്‍ ആദ്യമായി തന്റെ കവിതയിലെ അഗ്നി കണ്ടു....

വാൽ: ഒരു തീപ്പെട്ടിക്കൊള്ളിയുണ്ടെങ്കില്‍
‍ആരുടെ കവിതയും അഗ്നിപടർത്തും..!

മലയാളത്തിലെ ആദ്യത്തെ അലക്കു കമ്പനി

2010-09-15T10:33:00.006+05:30

മലയാളത്തിലെ ആദ്യത്തെ ആക്ഷേപഹാസ്യ വെബ്സൈറ്റ്...

എന്റെ പ്രിയ സുഹൃത്ത്‌ അനിൽ ബാനർജിയുടെ (മുൻഷി) ഈ കിടിലൻ വെബ്
വേറിട്ടൊരനുഭവവും, ചിന്തയും തമാശയുമൊക്കെയായി ഇവിടെ യുണ്ട്.

ചുട്ടകോഴിയെ പറപ്പിക്കാൻ ഇവർക്കിനിയും കഴിയട്ടെ...

കാണാതെ പോയ ചില വിസ്മയങ്ങൾ...

2010-09-10T11:48:00.001+05:30

കൂതറ ബ്ലോഗുകൾക്കിടയിൽ, ആഘോഷിക്കപ്പെടുന്ന ചവറ്‌ പോസ്റ്റുകൾക്കിടയിൽ
കാണാതെ പോകുന്ന ചില നല്ല ബ്ലോഗുകളുണ്ട്, പോസ്റ്റുകളുണ്ട്....
അതിലെ മികച്ച പോസ്റ്റുകൾ ഒരിക്കലും ഒരു കമന്റുപോലും പ്രതീക്ഷിക്കാതെ
ഉറങ്ങിക്കിടപ്പുണ്ട്. നല്ല ബ്ലോഗുകൾ ആരാലും വായിക്കപ്പെടാതെ
പോകുന്നത്‌ എത്ര ഖേദകരമാണ്...

എന്നെ വിസ്മയിപ്പിച്ച അജയന്റെ ബ്ലോഗുകൾ..

മലയാള സംഗീത വിജ്ഞാനകോശം

ഛായ

മോഷണം, അതല്ലേ എല്ലാം..?

2010-09-01T13:59:00.010+05:30

ലോഗോ മോഷണങ്ങളും ആരോപണങ്ങളും അഡ്വര്‍ട്ടൈസിംഗ് രംഗത്ത്‌ പുത്തരിയല്ല. പല ലോഗോ മോഷ്ടാക്കളും പിന്നീട്‌ ആപ്പിലായ ചരിത്രം ഫീല്‍ഡില്‍ നിലനില്‍ക്കെയാണ് കല്യാണ്‍ ജൂവലറിയുടെ ലോഗോ മോഷണ ആരോപണം ഉയര്‍ന്നുവന്നത്‌. ഏറെ കൊട്ടിഘോഷിക്കപ്പെട്ട കല്യാണ്‍ ലോഗോ മാധ്യമങ്ങളിലൂടെ ജനശ്രദ്ധ നേടിയിരുന്നു. കഴിഞ്ഞ ഒന്ന്‌ രണ്ട് മാസങ്ങള്‍ക്കുമുന്‍പാണ് പഴയ ലോഗോ മാറ്റി, നേത്ര എന്ന ഏജന്‍സിയെക്കൊണ്ട് പുതിയ ലോഗോ ചെയ്ത്‌ ജൂവലറികളുടെ ഇടയില്‍ കല്യാണ്‍ ചരിത്രം സൃഷ്ടിച്ചത്‌. മിക്ക പത്രങ്ങളിലും കല്യാണ്‍ രൂപം മാറുന്നൂവെന്ന തലക്കെട്ടോടെ ഫുള്‍പേജ് പരസ്യവും. സംഭവം വെളിയിലറിഞ്ഞത്‌ ഈ മാസം 16 ന് ലോഗോയുടെ യഥാര്‍ത്ഥ ഉടമസ്ഥന്‍ തന്റെ വെബ് സൈറ്റില്‍ ഒരു കമന്റ് ഇട്ടപ്പോഴാണ്. ലോഗോ പോണ്ട്.കോം എന്ന റെഡിമെയ്ഡ് ലോഗോ വില്‍‌പ്പന സൈറ്റ് 2008-നവംബർ 24-ന് പബ്ലിഷ് ചെയ്ത ലോഗോയെ അതേപടി അടിച്ചുമാറ്റി കല്യാണിന് റീപ്ലേസ് ചെയ്യുകയായിരുന്നു. ഒരു ലോഗോ ചെയ്യുമ്പോള്‍ പല ആര്‍ട്ട് ഡയറക്ടര്‍മാരും പലപ്പോഴും റഫര്‍ ചെയ്യാറുണ്ട്. ചിലപ്പോള്‍ കണ്ടുമറന്ന ചില ലോഗോയുടെ എലമെന്റുകള്‍ അതേപടിയല്ലാതെ പുതിയ ലോഗോകള്‍ക്ക്‌ അനിവാര്യമായിത്തോന്നുന്ന പക്ഷം ഉപയോഗിച്ചുകാണാറുമുണ്ട്. പക്ഷെ ഇത്‌ ഒരൊന്നൊന്നര അടിച്ചുമാറ്റലായി പോയി...!!
ഫ്ലട്ടര്‍ഫ്ലൈയുടെ ഒരു ചിറകിനെ കല്യാണിന്റെ കെ. പോലെ മൊത്തമങ്ങ് താങ്ങി. ഏജന്‍സിക്ക്‌ ഈ ലോഗോ ആ സൈറ്റില്‍ നിന്ന്‌ വലുതല്ലാത്ത തുക കൊടുത്ത്‌ സ്വന്തമാക്കാമായിരുന്നു. അതായിരുന്നു മര്യാദയും.
ഇനി കേസ്.. അടി.. പിടി.. ഹോ എന്തൊരൊക്കെ കാണണം എന്റെ ലോഗനാര്‍ക്കാവില്‍ ഫഗോതീ..!

ഇത്‌ ‘ലോഗോ പോണ്ട് ഒകുലറിന്റെ‘ ലോഗോ, മറ്റേത്‌ കല്യാണിന്റേയും.

കല്യാണിനോട് ലോഗോ മോഷണത്തെ പറ്റി ചോദിച്ചാല്‍ അവര്‍ക്കൊന്നേ പറയാനുണ്ടാകൂ..;
വിശ്വാസം. അതല്ലേ എല്ലാം..!

ചിയേഴ്സ്..!!

2010-08-30T12:59:00.001+05:30

ഓണം പോയി മറഞ്ഞൂ ലഹരിയില്‍
ഓര്‍മ്മകളായൊരു പൊന്‍ചിങ്ങം...
മലയാളക്കര കോടകലക്കി-
ക്കുടിച്ചുതീര്‍ത്തൊരു പൊന്നോണം,
കേരളമണ്ണിന്‍ പേരുജ്വലിക്കാന്‍
കോടികളാടിയ തിരുവോണം......
അടുത്തൊരാണ്ടിന്‍ച്ചിങ്ങപ്പിറ-
വിയിലുണര്‍ത്തുപാട്ടായ് നിറയേണം,
ഒരൊറ്റ മനസ്സായ് മദിരയില്‍ മുഴുകി
മദിച്ചൊരോണം വരവേല്‍ക്കാം....

ട്രാൻസ്പരന്റ്

2010-08-27T16:36:00.001+05:30

ഇണ

2010-08-24T15:11:00.000+05:30

ഓണാശംസകൾ..

2010-08-23T10:12:00.000+05:30

SHAPPY PONAM..!

ഹോട്ട് ആലിംഗ്..

2010-08-21T11:14:00.000+05:30

റെഡ്

2010-08-20T16:53:00.000+05:30

മതിൽ, സ്പർശം, ആത്മാവ്‌, ഉണ്ട

2010-08-17T10:55:00.001+05:30

രണ്ട് ഗദ്ഗദ കവിതകൾ..!

2010-08-15T10:02:00.000+05:30

ഹാ‍.. ച് ച്ഛീ‍..!!!

അകലെയിരുന്നാരോ
എന്നെക്കുറിച്ച്‌ പറയുന്നുണ്ടെന്ന്‌
പറയുവാൻ
എനിക്കൊരു തുമ്മൽ വേണം......
ഒന്നുറക്കെയലറി
എന്റെ വാടകവീടിനെ
നടുക്കി എനിക്കു പറയണം;
‘എന്നെക്കുറിച്ചാരോ
ഓർക്കുന്നുണ്ടിപ്പോഴും...’
മൂക്കും മുഖവുമെരിയുമ്പോൾ
തന്നെ എന്തൊരു
പ്രതീക്ഷയാണ്.......
കണ്ണുകളിറുക്കി, നെറ്റിചുളിച്ച്‌....
ഹൊ......
ആ നിമിഷമാകും
നശിച്ച ഒരു കോട്ടുവായോ,
ചുമയോ കേറി വന്ന്‌
അലോസരപ്പെടുത്തുക...
ഒടുവിൽ,
രണ്ടും കൂടെ സമ്മിശ്രപ്പെട്ട്‌
രണ്ടുമല്ലാത്ത മറ്റെന്തോ പോലെ......
അപൂർണ്ണമായ
ഓരോ തുമ്മലിന്റേയും
അസ്വസ്ഥതകൾക്കൊടുവിൽ
ഞാൻ കൊതിക്കാറുണ്ട്,
വെറുതെ ഒന്നലറുവാൻ........!

--------------------------------------------------------

E.M.I

ഒരു വീടെന്നത്‌
ഇന്നലെവരെ
ഒരു സ്വപ്നമായിരുന്നു...
ഇന്നെനിക്ക്‌ ആ സ്വപ്നമേയില്ല.....!
ഒരിക്കലും തീരാത്ത
മാസഗഡുക്കൾക്ക്‌ മീതെ
ഞാനെന്റെ സ്വപ്നത്തെ
പണയപ്പെടുത്തുകയായിരുന്നു....
വീടായാൽ ഒരു പേരുവേണം..,
പേരായാൽ പുതുമ വേണം....
അതുകൊണ്ട്‌ എന്റെ വീടിന്
ഞാനൊരു പേരിട്ടു;
E.M.I ഭവൻ......
എല്ലാ വീടുകളേയും ഓരോ
ദൈവങ്ങൾ കാത്തുകൊള്ളുമെന്നത്‌‌
വിശ്വാസികളുടെ വിശ്വാസം...
അതുകൊണ്ട്,
അതുകൊണ്ടുമാത്രം
കട്ടിളത്തലയ്ക്കൽ
ഞാനുമൊന്നു തൂക്കി;
S.B.T ഈ വീടിന്റെ ഐശ്വര്യം..........!

ഡെഡ് ലൈൻ‌------------------------

2010-08-13T11:50:00.004+05:30

ഒരു പോയിന്റ് ആൻഡ് ഷൂട്ട് ക്യാമറയുടെ പരിമിതികളിൽ
നിന്നുകൊണ്ടുള്ള ചില ക്ലിക്കുകൾ.

ഓണദിന ധാന്യാശംസകൾ..

2010-08-11T13:57:00.000+05:30

ഓവർ എക്സ്പോഷർ

2010-08-10T12:13:00.002+05:30

പൊൻപുലരൊളി പൂ വിതറിയ...

2010-08-09T12:35:00.000+05:30

ഊഴം

2010-08-06T12:40:00.000+05:30

ക്ഷണക്കത്ത്‌

2010-07-25T17:10:00.005+05:30

ക്ലിക്ക് ചെയ്താൽ വലുതായി വായിക്കാം.
എല്ലാ ബ്ലോഗർമാരും ഇതൊരു ക്ഷണക്കത്തായി
സ്വീകരിക്കുക, ആരുടേയും പേരിൽ പ്രത്യേകം
ഇൻവിറ്റേഷൻ അയക്കാനുള്ള സമയമില്ല.
ഏവരും സഹകരിക്കുക.

എഴുതിവയ്ക്കപ്പെടുന്ന ഇടംതേടലുകൾ..

2010-07-24T10:30:00.006+05:30

ബ്ലോഗിന്റെ ചരിത്രത്തില്‍ ആരും മറക്കാതെ, ആരാലും മായ്ക്കപ്പെടാതെ
ആ ദിവസം സമാഗതമാകുന്നു.

ജൂലൈ 31

ഇത്‌ ഒരു കൂട്ടായ്മയുടെ, ഒരു സ്വപ്നസാക്ഷാത്കാരത്തിന്റെ ദിനം. ബ്ലോഗ്, സമൂഹത്തിലേയ്ക്കും സാധാരണക്കാരിലേയ്ക്കും എത്തിപ്പെടുന്ന ദിനം. 2010 ജൂലൈ 31 ന് ഇന്‍ഡ്യയിലെ ആദ്യബ്ലോഗ് പത്രം പിറവികൊള്ളുന്നു. ഒരര്‍ത്ഥത്തില്‍ ഇതൊരു ഇടംതേടലാണ്. അച്ചടിയിലെ കുത്തക പ്രവണതകളെ മറന്നും, മറികടന്നും ഏതൊരു എഴൂത്തുകാരനും അഭിമാനത്തോടെ, ചങ്കൂറ്റത്തോടെ നിലകൊള്ളാനുള്ള ഇടംതേടല്‍. അച്ചടിക്കപ്പെടുന്നവ ഒരു ചരിത്രം കൂടിയാണ്. തലമുറകള്‍ മറികടന്ന്‌, മായ്ക്കപ്പെടാതെ നിലനില്‍ക്കുന്ന ചരിത്രം. ആര്‍ക്കും ആരില്‍ നിന്നും മാറിനില്‍ക്കാനാവത്ത വിധം പരസ്പരം ബന്ധിപ്പിക്കപ്പെട്ട ചങ്ങലയാണ് നമ്മള്‍. അഭിമാനിക്കാം നമുക്ക്.., ഒരു പുതുമാധ്യമത്തിന്റെ ഈ വിശാലതയില്‍.....കൂടെ നിന്നവര്‍ക്കും, നില്‍ക്കുന്നവര്‍ക്കും നന്ദി..

തിരുവനന്തപുരം പ്രസ്സ് ക്ലബില്‍ ജൂലൈ 31 ന് ബൂലോകം ഓണ്‍ലൈന്‍ എന്ന ഇന്‍ഡ്യയിലെ ആദ്യ ബ്ലോഗ് പത്രത്തിന് തിരി തെളിക്കുന്നു. ആരാധ്യനായ ശ്രീകുമാരന്‍ തമ്പി തിരക്കഥാകൃത്ത്‌ രഘുനാഥ് പലേരിക്ക്‌ ആദ്യകോപ്പി കൈമാറി ഉദ്ഘാടനം നിര്‍വ്വഹിക്കുന്നു. തുടര്‍ന്ന്‌ ബ്ലോഗ് ചരിത്രത്തിന്റെ നാള്‍വഴികള്‍ എന്ന പവര്‍ പോയിന്റ് പ്രൊജക്ടര്‍ പ്രസന്റേഷൻ‍. ഡോ. ജയിംസ് ബ്രൈറ്റ് സ്വാഗതവും, അബ്ദുള്ളക്കുട്ടി എം. എല്‍. എ അധ്യക്ഷ പ്രസംഗവും, ഗിരീഷ് പുലിയൂര്‍, കുരീപ്പുഴ ശ്രീകുമാര്‍, സിനിമാ-സീരിയല്‍ സംവിധായകരായ പപ്പന്‍ പയറ്റുവിള, ഹാരിസണ്‍ , ഡിസൈനർ ഗായത്രി അശോകൻ തുടങ്ങിയവര്‍ ആശംസാ പ്രസംഗവും, ഡോ. മോഹന്‍ ജോര്‍ജ്ജ് കൃതജ്ഞതയും നിര്‍വ്വഹിക്കും. തുടര്‍ന്ന്‌ ശ്രീകുമാരന്‍ തമ്പി, ഗിരീഷ് പുലിയൂര്‍, കുരീപ്പുഴ ശ്രീകുമാര്‍, സുധാകരന്‍ ചന്തവിള, പ്രജോദ് കടയ്ക്കല്‍, അനില്‍ ഭാസ്കര്‍, രാജേഷ് ശിവ തുടങ്ങിയ കവികളൊരുക്കുന്ന കാവ്യ സന്ധ്യ. ഐഡിയ സ്റ്റാര്‍ സിംഗര്‍ വയലിസ്റ്റ് ജോയി വർഗ്ഗീസിന്റെ വയലിന്‍ ഫ്യൂഷൻ, പ്രമുഖ ബ്ലോഗര്‍മാരുടെ ഫേസ് ടു ഫേസ്, എഡിറ്റര്‍ ജയിംസ് ബ്രൈറ്റിന്റെ ഉപസംഹാരം ഇവയോടുകൂടി ഈ ചടങ്ങ്‌ പൂര്‍ണ്ണമാകും. ഇതൊരു കൂട്ടായ്മയുടെ വിജയമാണ്. ഓരോ ബ്ലോഗറും ഈ ധന്യ നിമിഷത്തില്‍ പങ്കാളിയാവുക.

പ്രണയം + പ്രളയം = ജീവിതം

2010-07-15T10:10:00.001+05:30

നിങ്ങളുടെ പ്രണയം
നിശബ്ദമെങ്കിൽ
തീർച്ചയായും
നിശബ്ദമായൊരു
പ്രളയം നിങ്ങൾ
ഉള്ളിൽ‌പ്പേറുന്നുണ്ട്....
സർവ്വതും കടപുഴക്കി,
ഹുങ്കാരത്തോടെ
ഒഴുക്കിൽ നിന്നൊഴുക്കിലേയ്ക്കൊഴുകാൻ
നിങ്ങൾ കൊതിക്കുന്നുണ്ട്...

ചില നിശബ്ദതകൾ
അങ്ങനെയാണ്..,
കര കവിഞ്ഞും, കടലെടുത്തും
ദിശയറിയാതെ ഒഴുകിപ്പരക്കും..,
നിങ്ങളുടെ പ്രണയം പോലെ....

ചിലപ്പോഴവ നിങ്ങളറിയാതെ
ശബ്ദമുഖരിതമാകും,
ഒരു പ്രളയം പോലെയും....

ദ ഒണക്ക ചില്ലി

2010-07-08T15:00:00.000+05:30

ലേഡീസ് ഒൺലി

2010-07-02T13:06:00.001+05:30

സ്ത്രീകൾക്കുവേണ്ടി മാത്രം വാദിക്കുകയും, സ്ത്രീകളുടെ വിവാഹ മോചനക്കേസുകൾ അന്തസ്സോടെ വിജയിപ്പിക്കുന്നതിനും വേണ്ടി മാത്രം ജീവിക്കുന്ന അഡ്വ. ലക്ഷ്മണൻ എന്ന കഥാപാത്രത്തിന്റെ രസകരമായ കഥയാണ് അഡ്വ. ലക്ഷ്മണൻ ലേഡീസ് ഒൺലി എന്ന ചിത്രം. ധനുഷ ഫിലിംസിന്റെ ബാനറിൽ പപ്പൻ പയറ്റുവിള സംവിധാനം ചെയ്യുന്ന ഈ ചിത്രം നിർമ്മിക്കുന്നത്‌ എസ്. മോഹനനാണ്. അഡ്വ. ലക്ഷ്മണനായി മുകേഷ് രംഗത്തെത്തുന്നു. മല്ലിക കപൂർ, സുരേഷ് കൃഷ്ണ, ജഗതി, ജഗദീഷ്, സുരാജ് വെഞ്ഞാറമ്മൂട്‌, അശോകൻ, പ്രേംകുമാർ, ഹരിശ്രീ അശോകൻ, കൊച്ചുപ്രേമൻ, കൈലാസ്, ഗീതാ വിജയൻ, പൊന്നമ്മ ബാബു, ബിന്ദു മുരളി, നാരായണൻകുട്ടി തുടങ്ങിയവർ വേഷമണിയുന്നു. രചന എസ്. പത്മകുമാർ. അനിൽ പനച്ചൂരാന്റെ വരികൾക്ക്‌ മോഹൻ സിത്താര ഈണം പകരുന്നു. കെ.വി സുരേഷ് ക്യാമറയും രഞ്ജൻ എബ്രഹാം എഡിറ്റിംഗും നിർവ്വഹിക്കുന്ന ഈ ചിത്രത്തിന്റെ ഷൂട്ടിംഗ് തിരുവനന്തപുരത്ത്‌ പൂർത്തിയായി.

സംഭോഗ്‌

2010-06-28T11:13:00.003+05:30

സൂം..
ഒരു പാക്ക്‌ പവർ ഷോട്ട്‌.

ദ റെസ്റ്റ് ..

2010-06-21T02:50:00.001+05:30

ബ്ലോഗ് അച്ചടിയിലേയ്ക്ക്‌...!..

2010-06-03T08:23:00.000+05:30

ഇൻഡ്യയിലാദ്യമായി ബ്ലോഗിലെ രചനകൾ മാത്രം ഉൾപ്പെടുത്തി പുറത്തിറക്കുന്ന ബൂലോകം ഓൺലൈൻ മനോഹര / സുകുമാര / സുന്ദര രൂപത്തിൽ ഉടൻ നിങ്ങൾക്ക്‌ മുന്നിലെത്തുന്നു.. ബൂലോകം ഓൺലൈൻ ടീം എല്ലാ മാസവും പുറത്തിറക്കുന്ന നമ്മുടെ ഈ പ്രസിദ്ധീകരണത്തിലേയ്ക്ക്‌ എല്ലാ ബ്ലോഗന്മാരുടേയും, ബ്ലോഗിണിമാരുടേയും സഹകരണം പ്രതീക്ഷിക്കുന്നു. കാ‍ർട്ടൂൺ / ഇല്ലസ്ട്രേഷൻ‌ / ഫോട്ടോ / ജ്യോതിഷ / വാർത്താ / കവിതാ / കഥാ / ലേഖക / നർമ്മ / വിവാദ / വിജ്ഞാന / അനുഭവ / ആരോഗ്യ ബ്ലോഗന്മാർ മുടങ്ങാതെ സഹകരിക്കണം. (പത്രമാപ്പീസിൽ തന്നെ താമസിക്കുവാനുള്ള സൌകര്യം എർപ്പെടുത്തുന്നതാണ്) 6 ലക്കത്തിനുശേഷം എല്ലാ എഴുത്തുകാർക്കും മാന്യമായ പ്രതിഫലം (അരക്കുപ്പി കള്ളും, ഹാഫ്‌ കരിമീൻ പൊള്ളിച്ചതും) എല്ലാ മാസവും കൊറിയറിൽ എത്തിക്കുന്നതാണ്. (പുളു) ഏവരും സഹകരിക്കുക... ബ്ലോഗ് ജനകീയമാകട്ടെ, ബ്ലോഗെഴുത്തുകാരും...!

ശ്രീനാഥിന്റെ മരണത്തിൽ ദുരൂഹത...?

2010-04-25T14:48:00.010+05:30

2003- ലാണെന്നു തോന്നുന്നു ശ്രീനാഥിനെ ഞാൻ നേരിൽ കാണുന്നത്‌. ‘അധികാരം‘ എന്നൊരു മെഗാ പരമ്പരയിലാണ് അദ്ദേഹവുമായി ഒന്നിച്ചു വർക്ക്‌ ചെയ്യാൻ കഴിഞ്ഞത്‌.. ജനാർദ്ദനൻ, സുകന്യ, കൊല്ലം തുളസി, തുടങ്ങിയ താരനിരകൾക്കൊപ്പം ശ്രീനാഥും ശ്രദ്ധേയമായൊരു വേഷം ചെയ്തിരുന്നു.

പൊതുവെ അധികമാരോടും സംസാരിക്കാത്ത ഒരു സെൻസിറ്റീവ്‌ ക്യാരക്ടറായിരുന്നു ശ്രീനാഥ്‌. ജീവിതത്തിലും, പ്രൊഫഷനിലും ഒരുപാട്‌ പരാജയങ്ങൾ നേടിയ ഈ ശുദ്ധഹൃദയൻ അടുപ്പമുള്ളവരോടുപോലും ഉള്ളുതുറക്കാത്ത വ്യക്തിയായിരുന്നു.. പെട്ടെന്ന്‌ വികാരഭരിതനും, ക്ഷുഭിതനുമാകുന്ന സ്വഭാവം ഇദ്ദേഹത്തിന് സിനിമയിൽ ഒരുപാട്‌ അവസരങ്ങൾ നഷ്ടമാക്കിയിട്ടുണ്ടാവണം. പക്ഷെ അന്നത്തെ ആ സെറ്റിൽ മിക്കപ്പോഴും വളരെ ശാന്തനും, നർമ്മഭാഷിയുമായാണ് അദ്ദേഹത്തെ ഞാൻ കണ്ടത്‌.‌. സീനിനു മുൻപ്‌ എത്ര ചീകിയിട്ടും ശരിയാകാത്ത, കൊഴിഞ്ഞു തുടങ്ങിയ മുടികൾ ഒതുക്കി വയ്ക്കാൻ വല്ലാതെ പണിപ്പെട്ട ശ്രീനാഥിനെ ഞാൻ ഇപ്പോഴും ഓർക്കുന്നു. വിഗ്ഗ് വയ്ക്കാത്ത സുന്ദരനായിരുന്നല്ലൊ ശ്രീനാഥ്. മലയാള സിനിമ പലപ്പോഴും ശ്രീനാഥിനെ ബോധപൂർവ്വം തഴഞ്ഞിരുന്നുവെന്നു തോന്നുന്നു. സിനിമ വിട്ട്‌ സീരിയലുകളിൽ ജീവിച്ച ഈ പഴയ നായകൻ വീണ്ടും സിനിമയിൽ ശ്രദ്ധേയമായ വേഷങ്ങൾ ചെയ്യുവാൻ പലവട്ടം മോഹിച്ചിട്ടുണ്ടായിരുന്നു. ശിക്കാറിൽ വിളിച്ചു വരുത്തി, ഏഴു ദിവസത്തെ ഷൂട്ടിൽ ഒരു ദിവസം മാത്രമഭിനയിപ്പിച്ച്‌ മടക്കിവിടാൻ പ്രേരിപ്പിച്ച കാരണം എന്തായിരിക്കും..? ആരാണ് ഇതിനു പിന്നിൽ കളിച്ചത്‌..? യഥാർത്ഥത്തിൽ ശ്രീനാഥിന്റെ മരണം ഒരാത്മഹത്യ തന്നെയാണോ..? അദ്ദേഹം ചോര വാർന്ന്‌ മരിക്കുന്നതിനു അരമണിക്കൂർ മുൻപ്‌ ഹോട്ടലിൽ വന്ന നടനും, പ്രൊഡക്ഷൻ മാനേജരും എന്തായിരുന്നു സംസാരിച്ചത്‌.. ? അവർ പോയ ശേഷം ഹോട്ടലിലെ റിസപ്ഷൻ കൌണ്ടറിലേയ്ക്കു വന്ന ശ്രീനാഥിന്റെ അവ്യക്തമായ ഫോൺ കോൾ എന്തായിരുന്നു..., എന്താണ് അദ്ദേഹം മുഴുമിപ്പിക്കാതെ പോയത്‌..? ആത്മഹത്യ ചെയ്യാനൊരുങ്ങുന്ന ഒരാൾ മരിക്കുന്നതിനുമുൻപ്‌, അല്ലെങ്കിൽ മരിച്ചുകൊണ്ടിരിക്കുമ്പോൾ എല്ലാവരേയും വിളിച്ചറിയിക്കാൻ ശ്രമിക്കുമോ..? ചിലപ്പോൾ മരണവെപ്രാളം കൊണ്ട്‌ അങ്ങനെ സംഭവിച്ചുവെന്നും വരാം... തലേന്നു വരെ വളരെ ഹാപ്പിയായിരുന്ന ശ്രീനാഥ് ഈ ഒരു ചെറിയ കാരണത്തിന്റെ പേരിൽ ആത്മഹത്യയ്ക്ക്‌ തയ്യാറാകുമോ..? ഇതിനെക്കാൾ എത്ര വലിയ ട്രാജഡികളാണ് സിനിമയിലും, ജീവിതത്തിലും ഇതിനു മുൻപ്‌ അദ്ദേഹത്തിന് സംഭവിച്ചിട്ടുള്ളത്‌.. അങ്ങനെയുള്ള ഒരാൾ ഇങ്ങനെ ചെയ്യുമോ... അറിയില്ല... എന്തായാലും ശ്രീനാഥിന്റെ മരണത്തിൽ ദുരൂഹതയുണ്ടെന്ന്‌ സൂചിപ്പിച്ചുകൊണ്ട്‌, അദ്ദേഹത്തിന്റെ അമ്മയും, സഹോദരനും രംഗത്തു വരികയാണ്. മിക്കവാറും അന്വേക്ഷണം ഇനി വേറൊരു വഴിക്കാകുമോ..?

ഓർമ്മകളിലൊരു മുഖം

2010-04-20T13:14:00.007+05:30

പതിനാല് വർഷങ്ങൾക്കു മുൻപാണ് ഈ മുഖം ഞാൻ ആദ്യമായി കാണുന്നത്‌. എനിക്കു മുന്നിൽ എത്ര തവണയാണ്, എത്ര നേരമാണ് ഈ രൂപം മിഴിച്ചിരുന്നത്‌... എത്ര മറന്നിട്ടും മറക്കുവാൻ കൂട്ടാക്കാതെ ഈ മുഖം...... വികാരരഹിതമായ ഭാവം കൊണ്ട്‌ പറഞ്ഞറിയിക്കാനാവാത്തൊരു നിഗൂഡവികാരം പകർന്നുതന്ന ചെല്ലനെന്ന ചെല്ലപ്പേട്ടൻ.... ഞാനേറ്റവും കൂടുതൽ ശിൽ‌പ്പങ്ങളുണ്ടാക്കിയത്‌ ഈ പ്രിയപ്പെട്ടവനെ മോഡലാക്കിയിട്ടായിരുന്നു.. ഞാനെന്നല്ല, കാമ്പസിൽ ഉണ്ടായിരുന്ന ഒട്ടുമിക്കപേരും അദ്ദേഹത്തെ ഒരുപാട്‌ തവണ കളിമണ്ണിലും, ചാർക്കോളിലുമൊക്കെ പതിച്ചെടുത്തിരുന്നു.. ഫൈനാർട്സ് കോളേജിൽ കടന്നുചെല്ലുന്ന ആർക്കും ഈ രൂപം എവിടെയെങ്കിലുമൊക്കെ ഇന്നും കാണാനാകും.. ക്ഷമയുടെ കരിങ്കൽശിൽ‌പ്പമായി ഈ അനാഥൻ എല്ലാവർക്കുമുന്നിലും നിശബ്ദനായിരുന്നിട്ട്‌ കാൽനൂറ്റാണ്ടുകഴിഞ്ഞിരിക്കുന്നു. 1980- കളിൽ ഫൈനാർട്സ് കോളേജിൽ മോഡലായെത്തിയ ചെല്ലപ്പൻ എന്ന 77 കാരൻ കഴിഞ്ഞ ദിവസം ഒരുമുഴം കയറിൽ ജീവനൊടുക്കി. ഒട്ടും സങ്കടം തോന്നുന്നില്ല, കാരണം, ഫൈനാർട്സ് കോളേജിലെ സ്കൾപ്ച്ചർ ഡിപ്പാർട്ട്മെന്റിൽ ഞങ്ങളുടെയൊക്കെ വിരലുകളിലൂടെ പുനർജ്ജനിച്ച നൂറുകണക്കിന് ചെല്ലപ്പന്മാർ അതേ രൂപത്തിൽ, അതേ ഭാവത്തിൽ ഇപ്പോഴും ജീവിച്ചിരുപ്പുണ്ട്‌, ഒരിക്കലും മരിക്കാതെ, നിർവ്വികാരനായി....!

ചിത്രങ്ങൾ അയച്ചു തന്ന ബിജിൻ ദാസിനും, ബൈജു രവീന്ദ്രനും നന്ദി..

വിശുദ്ധ വരകൾ

2010-04-04T22:41:00.001+05:30

ഒരിക്കലും കൂടിച്ചേരാത്ത നദികളുണ്ട്‌...
കടലെത്ര അടുത്തു വന്നാലും,
ഒരിക്കലും കൂട്ടിമുട്ടാതെ,
ഒഴുക്ക്‌ നിലച്ചങ്ങനെ..........................

ആൾക്കൂട്ടത്തിൽ നിന്നകന്ന
എന്റെ അടുക്കലേയ്ക്ക്‌
ആകാശത്തുനിന്നൊരു ദൈവം
കുന്നിറങ്ങി വരും....
കൃപാവരം കൊണ്ടവനൊരു
ജീവിതം എനിക്കുമുന്നിൽ
വരച്ചു കാട്ടും...
പിന്നെ,
പുഞ്ചിരിച്ചുകൊണ്ട്‌,
ഒരു കൈ വിടർത്തി
ശ്യൂന്യതയിൽ നിന്നത്‌
അഴിച്ചു മാറ്റും......

വീണ്ടും കൂടുതൽ നിറമുള്ള
മറ്റൊന്ന്‌...............
ഇന്ദ്രജാലക്കാരൻ............

ദൈവമേ, എനിക്കു ചിരി വരുന്നു..,
ഒഴുക്കു നിലച്ച നദിയാണെങ്കിലും‌
ഉള്ളിൽ ഞാനുമൊരു കടലൊളിപ്പിച്ചോട്ടെ.............

വിട..!

2010-04-01T12:37:00.002+05:30

ഞാൻ ഇവിടം വിടുന്നു.
ഒരു വർഷം കൊണ്ട്‌ ഒരു ജന്മം നേടാവുന്ന ഓർമ്മകൾ..
മുറിവുകളുടെ വസന്തത്തിലും
പുഞ്ചിരിക്കാൻ എനിക്ക്‌ കഴിയുന്നു. ഇനി ശിഷ്ടകാലം
നാട്ടിൽ വാഴകൃഷി നടത്തി അല്ലലില്ലാതെ ജീവിതം.
ഏതെങ്കിലും വാഴത്തോട്ടത്തിൽ വച്ച്‌ നമുക്ക്‌ വീണ്ടും രാപാർക്കാം...,
പ്രഭാതത്തിൽ നമുക്ക്‌ നമ്മുടെ വാഴകൾ തളിർത്തോ എന്നു നോക്കാം...
തളിർത്തൂവെങ്കിൽ അവിടെ വച്ച്‌ ഞാനെന്റെ ഹൃദയം തരാം....

ഏവർക്കും നന്ദി...!

ഉദയസൂര്യന്‍ പാടുകയാണ്..

2010-03-31T17:26:00.014+05:30

എന്റെ കുട്ടിക്കാലത്താണ് ഞാന്‍ രമണന്‍ വായിക്കുന്നത്‌.. അന്നുതൊട്ടുതുടങ്ങി ചങ്ങമ്പുഴയോടുള്ള ആരാധനയും.. അതുകൊണ്ടുതന്നെ രമണന്‍ സിനിമയും പാട്ടുകളും എനിക്കു പ്രിയകരമായിത്തീര്‍ന്നു. ഞാന്‍ ജനിക്കുന്നതിനു മുന്‍പാണ് രമണന്‍ ഇറങ്ങിയതെങ്കിലും കാനനച്ഛായയും, വെള്ളിനക്ഷത്രവുമൊക്കെ ഇന്നും എന്റെ മനസ്സില്‍ നിറഞ്ഞ്‌ നില്‍പ്പുണ്ട്‌. മലയാള സിനിമയിലെ എക്കാലത്തേയും ഹിറ്റുകളായ ഈ ഗാനങ്ങൾ ആലപിച്ചത്‌ ഉദയഭാനു എന്ന ഗായക പ്രതിഭയാണെന്ന്‌ അക്കാലെത്തെനിക്കറിയില്ലായിരുന്നു.

വളരെക്കുറച്ചു ഗാനങ്ങളേ ഇദ്ദേഹത്തിന്റേതായി പുറത്തിറങ്ങിയിട്ടുള്ളൂവെങ്കിലും (ഏതാണ്ട്‌ അറുപതോളം സിനിമാ ഗാനങ്ങൾ) പാടിയത്‌ മിക്കതും ഹിറ്റ് ചാർട്ടിൽത്തന്നെ. ഒരുപിടി സ്മൃതിസുഗന്ധഗാനങ്ങള്‍ നമുക്കു സമ്മാനിച്ച ഉദയഭാനു സാറിനെ പലവട്ടം കണ്ടിട്ടുണ്ടെങ്കിലും 2008-ലാണ് അടുത്തറിയാന്‍ കഴിഞ്ഞത്‌. ഏകാന്തതയില്‍ സംഗീതത്തിന്റെ അഭൌമലഹരിയുമായി ഉദയഭാനു തിരുവനന്തപുരം നഗരത്തിലുണ്ട്‌.. ശാരീരികാവശതകളെ അവഗണിച്ചും അദ്ദേഹം പാടുമ്പോള്‍ ഒരു നിമിഷം കൊണ്ടു ഞാന്‍ എന്റെ ബാല്യത്തിലേയ്ക്കു തിരിച്ചു പോകുന്ന പോലെ.. 1936-ൽ പാലക്കാടിലെ തിരൂര്‍ കുടുംബത്തിൽ എൻ.എസ്. വർമ്മയുടേയും, അമ്മു നേത്യാരമ്മയുടേയും മകനായി ഉദയഭാനു ജനിച്ചു.

പിതാവിന്റെ ബിസിനസ്സ് സിംഗപ്പൂരിലായതുകാരണം കൊച്ചുഭാനുവിന്റെ ബാല്യകാലം അവിടെയാണാഘോഷിക്കപ്പെട്ടത്‌. ഏഴാം ക്ലാസ്സിൽ പഠിക്കുമ്പോൾ അമ്മ മരിച്ചതിനെത്തുടർന്ന്‌ സ്വന്തം നാട്ടിലേയ്ക്ക്‌ മടങ്ങിയെത്തിയശേഷമാണ് ഇദ്ദേഹത്തിലെ സംഗീതത്തോടുള്ള അതീവാഭിരുചി തീക്ഷ്ണമാകുന്നത്‌‌. കൽ‌പ്പാത്തിയിലെ ത്യാഗരാജ സംഗീത വിദ്യാലയത്തിൽ തുടങ്ങിയ സംഗീത ജീവിതം ഇപ്പോഴും, എപ്പോഴും സംഗീതത്തിനായിത്തന്നെ ഉഴിഞ്ഞുവച്ചിരിക്കുന്നു. പുല്ലാംകുഴൽ വിദ്വാൻ കൃഷ്ണയ്യർ, പാലക്കാട്‌ മണി അയ്യർ, എം.ഡി. രാമനാഥൻ തുടങ്ങിയ പ്രതിഭാധനരായ ഗുരുക്കന്മാരിലൂടെ പകർന്നുകിട്ടിയ അറിവും, അനുഭവവും ഉദയഭാനുവിന്റെ ജീവിതം പൂർണ്ണമായും സംഗീതലഹരിയാൽ നിറയ്ക്കുകയായിരുന്നു പിന്നീട്‌. 1955-ൽ കോഴിക്കോട്‌ ആകാശവാണി നിലയത്തിൽ അനൌൺസറായി ജോലിയാരംഭിച്ച്‌, ലളിത സംഗീതത്തിന്റേയും, കർണ്ണാട്ടിക്‌ സംഗീതത്തിന്റേയും മാസ്മരിക സ്വരധാരകളിൽ മുഴുകിയ സുരഭിലമായ യൌവ്വനം.. 1958-ൽ ‘നായര് പിടിച്ച പുലിവാല് ‘ എന്ന ചിത്രത്തിലൂടെയാണ് ഉദയഭാനു പിന്നണിഗായകനായി തുടക്കം കുറിയ്ക്കുന്നത്‌. കെ.രാഘവൻ മാസ്റ്ററുടെ സംഗീത സംവിധാനത്തിൽ ‘എന്തിനിത്ര പഞ്ചസാര’ എന്ന സോളോയും, പി. ലീലയുമൊത്ത്‌ ‘വെളുത്ത പെണ്ണേ, വെളുത്ത പെണ്ണേ’ എന്ന ഡ്യുയറ്റുമായിരുന്നു ആദ്യഗാനങ്ങൾ. ഓരോ മലയാളിയും മൂളി നടന്നിരുന്ന ഈ ഗാനങ്ങൾ വളരെപ്പെട്ടെന്നുതന്നെ‌ അദ്ദേഹത്തെ പ്രസിദ്ധനാക്കി.. വൈകാതെ മലയാള സിനിമയും പ്രേക്ഷകരും, ശ്രോതാക്കളുമെല്ലാം ഒരു പുതിയ ശബ്ദവിസ്മയത്തെ, പാട്ടിന്റെ ഈ പാലാഴിയെ ആഘോഷിക്കപ്പെടുകയായിരുന്നു. നിണമണിഞ്ഞ കാൽ‌പ്പാടുകളിലെ ‘അനുരാഗനാടകത്തിൻ’ എന്ന ഗാനം ഇദ്ദേഹത്തിന്റെ ശബ്ദത്തിലൂടെ എക്കാലത്തേയും മികച്ച ദു:ഖഗാനമായി മാറി. സ്ഥായിയായ വിഷാദഗാനങ്ങൾ ഇത്രമേൽ വികാരഭരിതനായിപ്പാടാൻ അക്കാലത്ത്‌ മറ്റാരുമില്ലായിരുന്നു എന്നു പറയുന്നതാണ് കൂടുതൽ ശരി. ‘സമസ്യ‘ എന്ന ചിത്രത്തിൽ ഇദ്ദേഹം മ്യൂസിക് കമ്പോസ് ചെയ്തപ്പോൾ ‘കിളി ചിലച്ചു, കിലുകിലെ കൈവള ചിരിച്ചു’ എന്ന എവർഗ്രീൻ സുന്ദരഗാനം കൂടി മലയാള ഗാനശേഖരത്തിൽ ആരാലും മായ്ക്കപ്പെടാതെ എഴുതിച്ചേർത്തു. ഒ.എൻ.വി എഴുതി, യേശുദാസ്‌ അതിമനോഹരമായി ആലപിച്ച ഈ ഗാനം ഇന്നും ചിലരുടെയെങ്കിൽ മനസ്സിൽ മുഴങ്ങുന്നുണ്ടാവണം. എനിക്കു വളരെ പ്രിയപ്പെട്ട ഗാനങ്ങളിലൊന്നാണിത്‌.

1984-ലായിരുന്നു ഓൾഡ്‌ ഈസ് ഗോൾഡ് എന്ന ഗാനമേള ട്രൂപ്പിന് ഇദ്ദേഹം തുടക്കം കുറിച്ചത്‌. സംഗീതത്തിനുവേണ്ടി ജീവിതം മാറ്റിവച്ച്‌, സംഗീതത്തിൽ മാത്രം ജീവിക്കുന്ന, ഒട്ടനവധി സംഗീത സംഭാവനകൾ മലയാളികൾക്ക്‌ സമ്മാനിച്ച ഈ ഗായകന് അര്‍ഹിക്കുന്ന അംഗീകാരങ്ങള്‍ നാം നല്‍കിയിട്ടുണ്ടോ എന്നു സംശയമാണ്. (2009-ൽ പത്മശ്രീ പുരസ്കാരവും, 2004, 2002 കളിൽ കേന്ദ്ര സർക്കാരിന്റേയും, കേരള സർക്കാരിന്റേയും സംഗീത നാടക അക്കാദമി അവാർഡുകളുമൊക്കെ ഇദ്ദേഹത്തെ തേടിയെത്തിയിരുന്നു, വളരെ വൈകിയാണെങ്കിലും..) പുതുതലമുറയിലെ പലര്‍ക്കും അപരിചിതനായ ഉദയഭാനു എന്ന ഗായകന്‍ തന്റെയീ ഏകാന്തതയില്‍ പാടിക്കൊണ്ടേയിരിക്കുന്നു...... വേദനയുടെ അപൂർവ്വരാഗസുധ പകർന്ന്‌, മറ്റൊരു നോവായ്‌ വെള്ളിനക്ഷത്രവും, അനുരാഗ നാടകവും എന്റെ ഹൃദയത്തിലേയ്ക്കും ഒരു മഴയായ്‌ പെയ്തിറങ്ങുന്നു...........!

പഴയൊരു കുറിപ്പ്‌.

17-06-2008

ചൊവ്വ.